ಸಪ್ಟೆಂಬರಾಚ್ಯಾ 24, 2017 ವೆರ್ 8 ವ್ಹರಾಂಚ್ಯಾ ಮಿಸಾಚೆರ್ ಸಂಭ್ರಮಿಕ್ ಥರಾನ್ ಪಾತ್ರೊನ್ ಸಾಂತಾಚಾ ಫೆಸ್ತಾಚೆಂ ಆಚರಣ್ ಕೆಲೆಂ. ಮಿಸಾ ಉಪ್ರಾಂತ್ ಫಿರ್ಗಜ್ ಸಾಲಾಂತ್ ಸಹಮಿಲನ್ ಮಾಂಡುನ್ ಹಾಡ್‍ಲ್ಲೆಂ.
ಕಾಥೆದ್ರಾಲಾಚೊ ರೆಕ್ಟರ್ ಮಾ| ಬಾ| ಜೆ. ಬಿ. ಕ್ರಾಸ್ತಾನ್ ಕಾರ್ಯಾಚೆ ಅಧ್ಯಕ್ಷ್‍ಪಣ್ ಘೆತ್‍ಲ್ಲೆಂ. ಮುಖೆಲ್ ಸೈರೊ ಜಾವ್ನ್ ಶ್ರೀ ಮಾರ್ಸೆಲ್ ಡಿ’ಸೋಜ (ಮಚ್ಚಾ ಮಿಲಾರ್) ಹಾಣೆಂ ಕಾರ್ಯೆ ಸೊಭಯ್ಲೆಂ. ಸಹಮಿಲನಾಕ್ ಫಿರ್ಗಜ್ ಧಾನಿ, ಆಧಾರಿ ಕುಟ್ಮಾ ಸಾಂದೆ. ಚಡ್ ಉಣೆಂ ಶೆಂಬೊರ್ ಜಣಾಂ ಹಾಜರ್ ಆಸ್‍ಲ್ಲಿಂ. ಆಧ್ಯಕ್ಷನ್ ಆಪ್ಲ್ಯಾ ಸ್ವಾಗತ್ ಭಾಷಣಾಂತ್ ಮುಖೆಲ್ ಸೈರ್ಯಾಚಿ ವಳಾಕ್ ಕರ್ನ್ ದಿಲಿ. ಉಪ್ರಾಂತ್ ಸಭೆಂತ್ 45 ವರ್ಸಾಂ ಸೆವಾ ದಿಲ್ಲ್ಯಾ ಮಾನೆಸ್ತ್ ಜೋಕಿಂ ಮೊಂತೇರೊ ಹಾಂಕಾಂ ಮಾನ್ ಕೆಲೊ.
ಮುಖೆಲ್ ಸೈರ್ಯಾನ್ ಆಪ್ಲ್ಯಾ ಸಂದೇಶಾಂತ್ ಸಭೆಂತ್ ಕರ್ಚ್ಯಾ ಕಾಮಾಂಕ್ ಹೊಗ್ಳಿಕ್ ಉಚಾರ್ಲಿ ಆನಿ ಸಾಂದ್ಯಾಂಕ್ ಆಭಿನಂದನ್ ಪಾಠಯ್ಲೆಂ. ಹ್ಯಾ ಸಭೆಚೆ ಸಾಂದೆ “ಫಿರ್ಗಜೆಂತ್ ಸೆವಾ ದಿಂವ್ಚೆ ದಾಕ್ತೆರ್ ಮ್ಹಣ್” ಶಾಭಾಸ್ಕಿ ಪಾಟಯ್ಲಿ.
ಅಧ್ಯಕ್ಷ್ ಸ್ಥಾನ್ ಸೊಭಯಿಲ್ಲೊ ಬಾಪ್ ಜೆ. ಬಿ. ಕ್ರಾಸ್ತಾ ಸಾಂ. ವಿಶೆಂತ್ ಸಭೆಚಾ ಸಾಂದ್ಯಾಂನಿ ಕರ್ಚಿ ಸೆವಾ ವಾಖಾಣ್ಲಿ. ಆನಿಂ ಸರ್ವಾಂಕ್ ಬರೆಂ ಮಾಗ್ಲೆಂ. ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ಕಾಫಿ-ಫಳ್ಹಾರ್ ಆಸ್‍ಲ್ಲೊ. ಸರ್ವ್ ಅಧಾರಿ ಕುಟ್ಮಾಂಕ್ ಎಕಾ ದಾನಿನ್ ದಿಲ್ಲೆಂ ಕುಂಕ್ಡಾ ಮಾಸ್ ವಾಂಟುನ್ ದಿಲೆಂ. ನಿಮಾಣೆ ಕಾರ್ಯದರ್ಶಿ ಧನ್ಯವಾದ್ ಪಾಠಯ್ಲೆಂ.
