ಅಕ್ಟೋಬರ್ 13 ತಾರಿಕೇರ್ ಆಯ್ತರಾ, ಸಾಂ. ತೆರೆಜ್ ವಾಡ್ಯಗಾರಾಂನಿ ಸಕಾಳಿಂ 8.00ವೊರಾಂಚಾ ಮಿಸಾಚಾ ಬಲಿದಾನಾಂತ್ ಭಾಗ್ ಘೆತ್ಲೊಂ. ಮಾ.ಬಾ.ವಿನೋದ್ ಲೋಬೊ ಮಿಸಾಚೆಂ ಬಲಿದಾನ್ ಭೆಟೈಲೆಂ. ಅಕ್ಟೋಬರ್ 31 ತಾರಿಕೇರ್  ಸಾಂಜೆರ್ 7 ವೊರಾರ್ ವಾಡ್ಯಾಚೆಂ ಫೆಸ್ತಾಚೆಂ ಸಹಮಿಲನ್ ಮಾನೆಸ್ತ್ ಡೊನಾಲ್ಡ್ ಪೂರ್ಟಾಡೊಚಾ ಘರಾ  ಚಲವ್ನ್ ವೆಲೆಂ.  ವಾಡ್ಯಾಚಿಂ 42 ಜಣಾಂ ಹಾಜರ್ ಆಸ್ ಲ್ಲಿಂ. ಹ್ಯಾ ಕಾರ್ಯಕ್ ಸಹಾಯಕ್ ವಿಗಾರ್ ಮಾ.ಬಾ.ವಿನೋದ್ ಲೋಬೊ ಆನಿ ಮಾ.ಬಾ.ವಲೇರಿಯನ್ ಫ್ರಾಂಕ್  ಡಿ ಸೋಜ ಹಾಜರ್ ಆಸ್ ಲ್ಲೆ. ಆರ್ಸುಲ್ನಾಯ್ ಕೊವೆಂತಾಚಿ 4 ಧರ್ಮ್ ಭಯ್ಣ್ ಹಾಜರ್ ಆಸ್ಲಿಂ. ಜಮಲ್ಲ್ಯಾ ಸಮೆಸ್ತಾಂಕ್  ಕಾರ್ಯ ನಿರ್ವಾಹಕ್  ಲೆರೊಹಿ  ಕ್ರಾಸ್ತ್ರಾನ್  ಬರೊ ಯೆವ್ಕಾ ಮಾಗ್ಲೆಂ  ಆನಿ ಗುರ್ಕಾರ್ನ್ ಮಾನೆಸ್ತಿಣ್ ಜೆಸ್ಸಿ  ಆಲ್ವಾರಿಸ್  ಸರ್ವಾಂಕ್ ಸ್ವಾಗತ್ ಕೆಲೆಂ.   ಸಮುದಾಯಚೆಂ ಗೀತಾದ್ವಾರಿ ಕಾರ್ಯೆ ಪ್ರಾರಂಭ್ ಜಾಲೆಂ.  ಮಾನೆಸ್ತಿಣ್ ಜುಲಿಯಾನ  ಫೆರ್ನಾಂಡಿಸಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವ್ಹೆಲಿ.  ಆಡ್ಲಿನ್ ಆನಿ ಜೀನ್ ಆಲ್ವಾರಿಸಾನ್ ಭಾವಾರ್ಥಾಚಿ  ಪ್ರಾರ್ಥನಾ ವಾಚ್ಲೆಂ.  ಉಪ್ರಾಂತ್ ಸಾಂ.ತೆರೆಜಾಚಿಂ ಗೀತ್ ಗಾವ್ನ್ ತಿಕಾ ಪುಲಾಂ ಅರ್ಪುನ್ ಕರ್ನ್ ಮಾನ್ ಕೆಲೊ.ಮಾನೆಸ್ತಿಣ್  ಇಗ್ನೇಶಿಯ ಡಿ ಸೋಜಾನ್ ವಾರ್ಷಿಕ್ ವರ್ದಿ ಸಭೆರ್ ದವರ್ಲಿಂ.  ಮಾನೆಸ್ತಿಣ್ ಟ್ರಿಜ್ಹಾ ನೊರೊನ್ಹಾನ್ ಸಾಂ. ತೆರೆಜಾಚಿ ಜೀವನ್ ಚರಿತ್ರಾಂ ವಾಚುನ್ ಸಾಂಗ್ಲಿ.  ವಾಡ್ಯಾಚಾ ಭುರ್ಗ್ಯಾಂಕ್ ಮೊಗಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೆಂ ಆನಿ ತಾಂಚ್ಯಾ ಫುಡಾರಾಕ್ ಬರೆಂ ಮಾಗ್ಲೆಂ.  ಮಾ.ಬಾ. ವಿನೋದ್ ಲೋಬೊನ್ ಜೆಜುಚಿ ಲ್ಹಾನ್ ಪುಲ್ ಸಾಂ.ತೆರೆಜಾ ವಿಶಿಂ ಸಂದೇಶ್ ದಿಲೊ ಆನಿ ವಾಡ್ಯಾಗಾರಾಂಕ್ ಬೊರೆಂ ಮಾಗ್ಲೆಂ. ಮಾ.ಬಾ.ವಲೇರಿಯನ್  ಫ್ರಾಂಕಾನ್  ಸಂದೇಶ್ ದಿಲೊ. ವಾಡ್ಯಾಂತ್ಲ್ಯಾ  ಭುರ್ಗ್ಯಾಂನಿ ಆಪ್ಲ್ಯಾ ನಾಚಾದ್ವಾರಿಂ ಸರ್ವಾಂಕ್ ಮಾನೋರಂಜನ್ ಕೆಲೆಂ.  ಮಾನೆಸ್ತಿಣ್ ಐಡಾ ಪೂರ್ಟಾಡೊನ್  ಖೆಳ್ ಚಲವ್ನ್ ವೆಲೆ ಆನಿ ಅರ್ಸುಲೈನ್ ಧರ್ಮ್ ಭಯ್ಣಾಂನಿ ಜಿಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿ.   ವಾಡ್ಯಾಚೊ ಪ್ರತಿನಿಧಿ ಮಾನೆಸ್ತ್ ಮೆಲ್ವಿನ್ ಫೆರ್ನಾಂಡಿಸಾನ್  ಆಧಾರ್ಸಿಲ್ಲ್ಯಾ, ಸುಧಾರಿಸ್ಲ್ಯಾಂ ಆನಿ ಹಾಜರ್ ಅಸ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊಂ.  ಸಿಸ್ಟರ್ ಲಿಲ್ಲಿ ಪಿಂಟೊನ್ ಕುಟ್ಮಾ ಜೆವ್ಣಾಚೆರ್ ಆರ್ಶೀವಾದ್ ಮಾಗ್ಲೆಂ.  ಅಕೇರಿಕ್ ಸರ್ವಾಂನಿ  ಸಾಂಗಾತಾ ಮೆಳೊನ್  ಕುಟ್ಮಾ ಜೆವಣ್ ಸೆವ್ನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.  ಸಮೆಸ್ತಾಂಕ್ ದೇವ್ ಬರೆಂ ಕರುಂ.