ನಿತ್ಯಾಧರ್ ಮಾಯೆಚಾ ವಾಡ್ಯಾಚಾ ಕುಟ್ಮಾಗಾರಾಂನಿ ಸಪ್ಟೆಂಬರ್ 15 ತಾರಿಕೆರ್ ದೊನ್ಪಾರಾಂ 12.30 ವ್ಹರಾಂಚೆರ್ ವಾಡ್ಯಾಚೊ ಗುರ್ಕಾರ್ ಹಿಲೆರಿ ಮಾರ್ಟಿಸಾಚಾ ಘರಾ ಸಾಂಗಾತಾ ಮೆಳೊನ್ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಫೆಸ್ತಾಚಾ ಆಚರಣಾ ಪಯ್ಲೆಂ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಉಪ್ರಾಂತ್ ಭಾವಾರ್ಥಾಚಿಂ ಪ್ರಾರ್ಥನಾಂ ಚಲೊವ್ನ್ ವೆಲಿ. ಜಮ್ಲೆಲ್ಯಾ ಸರ್ವಾಂನಿ ‘ಸಕ್ಕಡ್ ಸಾಂಗಾತಾ ಮೆಳ್ಯಾಂ’ಗಿತಾಂ ಸವೆಂ ಮರಿಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ಫಾದರ್ ವಿನೋದಾನ್ ದುದಾಂತ್ ನವೆಂ ಘಾಲ್ನ್ ಆಶಿರ್ವಾದ್ ಕೆಲೆಂ ಆನಿ ಸರ್ವಾಂನಿ ನವೆಂ ಸೆವ್ಲೆಂ. ಫಾದರ್ ವಲೇರಿಯಾನಾನ್ ಮರಿಯೆ ವಿಶಿಂ ನಿಯಾಳ್ ದಿಲೊ. ಉಪ್ರಾಂತ್ ಥೊಡೊ ವೇಳ್ ಮರಿಯಾಳ್ ಗಿತಾಂ ಗಾವ್ನ್ ವೇಳ್ ಖರ್ಚಿಲೊ. ಹ್ಯಾ ಫೆಸ್ತಾಚಾ ದಿಸಾ 24 ಜಣಾಂ ಹಾಜರ್ ಆಸ್‍ಲ್ಲಿಂ. ಫಾದರ್ ವಲೇರಿಯನ್, ಫಾದರ್ ಆಲ್ಫ್ರೆಡ್, ಫಾದರ್ ವಿನೋದ್, ನಿಂಫಾ ಸದನಾಚಿಂ ದೋಗ್ ಧರ್ಮ್‍ಭೈಣಿಂ ಸಿಸ್ಟರ್ ರುಫಿನ ಆನಿ ಸಿಸ್ಟರ್ ಲಿಲ್ಲಿ ಹಾಜರ್ ಆಸ್‍ಲ್ಲಿಂ. ವಾಡ್ಯಾಚಾ ಕುಟ್ಮಾಚಾನಿಂ ತಯಾರ್ ಕೆಲ್ಲೆಂ ರುಚಿಕ್ ರಾಂದ್ವಯೆಚಾ ಜೆವ್ಣಾಚೆರ್ ಫಾದರ್ ಆಲ್ಫ್ರೆಡಾನ್ ಆಶಿರ್ವಾದ್ ಮಾಗ್ಲೆಂ ಆನಿ ಸಾಂಗಾತಾ ಮೆಳೊನ್ ಸಮೇಸ್ತಾಂನಿ ಜೆವಾಣ್ ಸ್ವೀಕಾರ್ ಕೆಲೆಂ.