ಫಾತಿಮಾ ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್

24.09.2023 ಆಯ್ತಾರಾ ಸಾಂಜೆರ್ 5.00 ವೊರಾರ್, ಫಾತಿಮಾ ವಾಡ್ಯಾಂತ್ ಮಾನೆಸ್ತಿಣ್ ಜೆಸಿಂತಾ  ಡಿಸೋಜಾಚ್ಯಾ ಘರಾ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಜೆಸ್ಸಿಬಾಯೆನ್ ಜಮೊ ಜಾಲ್ಲ್ಯಾ ಸರ್ವಾಂಕೀ ಸ್ವಾಗತ್ ಕೆಲೆಂ. St Ann's ಚಿಂ ದೊಗಾಂ ಸಿಸ್ಟರಾಂ ಹಾಜರ್ ಆಸ್‍ಲ್ಲಿಂ. ಮಾನೆಸ್ತ್ S. M. Pinto ನ್ ಗೀತ್ ಗಾವ್ನ್, ಮಾನೆಸ್ತಿಣ್ ಜೆಸಿಂತಾ ಡಿಸೋಜಾನ್ ಮಾಗ್ಣ್ಯಾ ವಿಧಿ ಚಲಯ್ಲಿ. ಉಪ್ರಾಂತ್ ಬಾಳೊಕ್ ಮರಿಯೆಕ್ ಗೀತ್ ಗಾವ್ನ್ ಮರಿಯೆಕ್ ಫುಲಾಂ ಅರ್ಪಿಲಿಂ. ಉಪ್ರಾಂತ್ ಮಾನೆಸ್ತಿಣ್ ಮೇಬಲ್ ಕೆಂಟಾನ್ ವೊರ್ನಾಂತ್ ನವೆಂ ಘಾಲ್ನ್ ಆಶಿರ್ವಾದ್ ಕೆಲೆಂ. ಆನಿ ಸಕ್ಡಾಂನಿ ನವೆಂ ಸೆವ್ಲೆಂ. ಉಪ್ರಾಂತ್ ಗುರ್ಕಾರ್ನ್ ಮೇರಿ ಡಿ’ಸೋಜಾ ತಶೆಂಚ್ ಮಾನೆಸ್ತಿಣ್ ವಿವಿಯನ್ ಮೊಂತೇರೊನ್ ಗೇಮ್ಸ್ ಚಲೊವ್ನ್ ವೆಲೆ. ಜಿಕ್‍ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಹ್ಯಾ ಜಮಾತೆಕ್ 22 ಜಣಾಂ ಹಾಜರ್ ಆಸ್‍ಲ್ಲಿಂ. ಆಖ್ರೇಕ್ ಗುರ್ಕಾರ್ನ್ ಮೇರಿ ಡಿಸೋಜಾನ್ ಜಮೊ ಜಾಲ್ಲ್ಯಾ ಸರ್ವಾಂಕೀ ‘ದೇವ್ ಬರೆಂ ಕರುಂ’ ಮ್ಹಣ್ ಎಕಾಚ್ ಉತ್ರಾನ್ ಬರೆಂ ಮಾಗ್ಲೆಂ.