Parish News

ರುಜಾಯ್ ಕಥೆದ್ರಾಲಾಂತ್ ಫೆಬ್ರವರಿ 23 ತಾರೀಕೆರ್ ಕ್ರಿಸ್ತಾಂವ್ ಶಿಕ್ಷಣಾಚೊ ದೀಸ್ ಸಕಾಳಿಂಚ್ಯಾ 8 ವೊರಾಂಚ್ಯಾ ಮಿಸಾ ಮುಖಾಂತ್ರ್ ಆರಂಭ್ ಕೆಲೊಂ. ಪ್ರಧಾನ್ ಯಾಜಕ್ ಜಾವ್ನ್ ಮಾನಾದಿಕ್ ಬಾಪ್ ಅಲ್ಫ್ರೆಡ್ ಪಿಂಟೋ ಆನಿಂ ಸಹಾಯಕ್ ಬಾಪ್ ವಿನೋದ್ ಲೋಬೊನ್ ಮಿಸಾಚೆಂ ಬಲಿದಾನ್ ಬೆಟೆಯ್ಲೆಂ. ಜೆಂ ಕೊಣಾಚೆರ್ ಅಮಿ ದುಸ್ಮಾನ್ಕಾಯ್ ದವರ್ಲಾಂ ತಾಂಚೆರ್ ಉದಂಡ್ ಮಾಪಾನ್ ಬೊಗ್ಸಾಣೆಂ ದಿವ್ಯಾಂ ಮ್ಹುಳ್ಳೊಂ ಸಂದೇಶ್ ಬಾಪ್ ವಿನೋದಾನ್ ದಿಲೊಂ.. ತ್ಯಾ ದಿಸಾಚಿಂ ಲಿತುರ್ಜಿಕ್ರೀಸ್ತೀ ಶಿಕ್ಷಣ್ ಭುರ್ಗ್ಯಾಂನಿ ಚಲೊವ್ನ್ ವ್ಹೆಲೆಂ.

ಮಿಸಾಂ ಉಪ್ರಾಂತ್ ರುಜಾಯ್ಜ್ಯ ಮಿನಿ ಸಾಲಾಂತ್ ದೊತೊರ್ನಿಚೊ ದೀಸ್ ಚಲೊವ್ನ್ ವೆಲೊಂ. ವೆದಿರ್ ವಿಗಾರ್ ಬಾಪ್, ಸಹಾಯಕ್ ಬಾಪ್,ಕ್ರೀಸ್ತಿ ಶಿಕ್ಷಣಾಂಚಿ ಸಂಯೋಜಕಿ ಮಾನೆಸ್ತಿಣ್ ರೀಟಾ ವೆದಿರ್ ಹಾಜಿರ್ ಆಸ್ ಲ್ಲೆಂ. ಮಾಗ್ಣೆಂ ಆನಿಂ ಕಂತಾರ ದ್ವಾರಿ ಕಾರ್ಯೆ ಆರಂಭ್ ಕೆಲೆಂ. ಉಪ್ರಾಂತ್ ಜಮ್ಲೆಲ್ಲ್ಯಾ ಸರ್ವಾಂಕ್ ಮಾನೆಸ್ತಿಣ್ ರೀಟಾನ್ ಸ್ವಾಗತ್ ಕೆಲೆಂ. ಉಪ್ರಾಂತ್ ಅಲ್ಫ್ರೆಡ್ ಪಿಂಟೋನ್ ಸರ್ವಾಂಕ್ ಉದ್ದೇಶಿಸುನ್ ಸರ್ವ್ ವ್ಹಡಿಲಾಂಕ್ ಆನಿಂ ಭುರ್ಗ್ಯಾಂಕ್ ಶಬಾಸ್ಕಿ ಪಾಠಯ್ಲೆಂ.

ಸರ್ವ್ ಭುರ್ಗ್ಯಾಂ ತರ್ಫೆನ್ ಕುಮಾರಿ ಅನುಶಾನ್ ಕ್ರೀಸೀಶಿಕ್ಷಣಾ ವಿಶ್ಯಾಂತ್ಲೊ ಅಪ್ಲೊ ಅನ್ಬೋಗ್ ಉಚಾರ್ಲೊ. ಸರ್ವಂ ಶಿಕ್ಷಕಾಂ ತರ್ಫೆನ್ ಭಯ್ಣ್ ರೋಜ್ಮಿಟನ್ ಅಪ್ಲೊ ಅನ್ಬೋಗ್ ಉಚಾರ್ಲೊಂ. ಆನಿಂ ಸರ್ವಾಂಚೊ ಕಾಳ್ಜಾ ಥಾವ್ನ್ ಉಪ್ಕಾರ್ ಬಾವುಡ್ಲೊಂ.

ಉಪ್ರಾಂತ್ ಕ್ರೀಸ್ತಿ ಶಿಕ್ಷಣ್ ಪರೀಕ್ಷೆಂತ್ ಚಡ್ ಅಂಕ್ ಜೊಡ್ಲೆಲ್ಲಾ ಭುರ್ಗ್ಯಾಂಕ್, ಸದಾ0ನೀತ್ ಚುಕನಾಸ್ತಾನ ದೊತೊರ್ನಿಕ್ ಆಯ್ಲೆಲ್ಲ್ಯಾ ಭುರ್ಗ್ಯಾಂಕ್, ಸೊಭಿತ್ ಕರ್ನ್ ದೊತೊರ್ನಿಚೊ ಬೂಕ್ mಚಿiಟಿಣಚಿiಟಿ ಕೆಲ್ಲ್ಯಾಂಕ್ , ಆಲ್ತಾರ್ ಸೆವಾಂ ದಿಲ್ಲ್ಯಾ ಭುರ್ಗ್ಯಾಂಕ್, ಸದಾಂನೀತ್ ಮಿಸಾಕ್ ಅಯ್ಲ್ಯಾ ಭುರ್ಗ್ಯಾಂಕ್ ಮಾನ್ ಕರ್ನ್ ತಾಂಕಾ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಶಭಾಸ್ಕಿ ಪಾಠಯ್ಲೆಂ. ಉಪ್ರಾಂತ್ ಸರ್ವ್ ಶಿಕ್ಷಕಾಂಕ್ ತಾಂಣಿ ದಿಲ್ಲ್ಯಾ ಸೆವೆಕ್ ಆಭಾರ್ ಮಾಂಡುನ್ ತಾಂಕಾ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಪಾಠಯ್ಲೊ.

ಅಖ್ರೇಕ್ ಜಮ್ಲೆಲ್ಲ್ಯಾ ಸರ್ವ್ ಭುರ್ಗ್ಯಾಂಕ್ ಮೊಗಾಚಿ ಕಾಣಿಕ್ ದೀವ್ನ್ ಉಪ್ಕಾರ್ ಭಾವುಡ್ಲೊಂ.

ಉಪ್ರಾಂತ್ ಭಯ್ಣ್ ಪವಿತ್ರನ್ ಜಮ್ಲೆಲ್ಲ್ಯಾ ಸರ್ವಾಂಚೊ ಕಾಳ್ಜಾಥಾವ್ನ್ ಉಪ್ಕಾರ್ ಅಠಾಯ್ಲೊ. ತ್ಯಾ ದೀಸ್ 68 ಜಣಾಂ ಭುರ್ಗಿಂ ಹಾಜಿರ್ ಆಸ್ ಲ್ಲಿಂ. ಜಮ್ಲೆಲ್ಲಾ ಸರ್ವಾಂಕ್ ಫಲಾಹಾರ್ ದೀವ್ನ್ ಕಾರ್ಯೆ 10.00 ವೊರಾಂಕ್ ಅಖೇರ್ ಕೆಲೆಂ. ಮಾನೆಸ್ತಿಣ್ ರೊಜಿನಾನ್ ಕಾರ್ಯೆ ನಿರ್ವಹಣ್ ಕೆಲೆಂ.