ಜೆಜುಚಾ ಪವಿತ್ರ್ ಕಾಳ್ಜಾ ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್

ಜೆಜುಚಾ ಪವಿತ್ರ್ ಕಾಳ್ಜಾ ವಾಡ್ಯಾಚಾ ಕುಟ್ಮಾಗಾರಾಂನಿಂ ಸಪ್ಟೆಂಬರ್ 24 ತಾರಿಕೆರ್‍ಸಾಂಜೆರ್ 6 ವೊರಾಂಚೆರ್ ವಾಡ್ಯಾಂತ್ಲ್ಯಾ ಶ್ರೀಮತಿ ಲಿಯೊನಾ ಡಿಸೋಜಾಚಾ ಘರಾ ಸಾಂಗಾತಾ ಮೆಳೊನ್ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಶ್ರೀಮತಿ ಲಿಯೊನಾ ಡಿ’ಸೋಜಾನ್ ಸರ್ವಾಂಕ್ ಹಾರ್ದಿಕ್ ಸ್ವಾಗತ್ ದಿಲೊ. ಫೆಸ್ತಾಚಾ ಆಚರಣಾ ಪಯ್ಲೆಂ ವಾಡ್ಯಾಚಿ ಜಮತ್ ಚಲೊವ್ನ್ ವೆಲಿ. ಜಮಾತೆ ಉಪ್ರಾಂತ್ ಫೆಸ್ತಾಚೆಂ ಆಚರಣ್ ಪ್ರಾರಂಭ್ ಕೆಲೆಂ. sಸುರ್ವೆರ್ ಶ್ರೀಮತಿ ಎಲಿಜಬೆತ್ ರೋಚಾನ್ ಮಾಗ್ಣ್ಯಾ ವಿಧಿ ಚಲೊವ್ನ್ ವೆಲಿ. ಉಪ್ರಾಂತ್ ಭಾವಾರ್ಥಾಚಿಂ ಪ್ರಾರ್ಥನಾ ಚಲೊವ್ನ್ ವೆಲಿಂ. ಜಮ್ಲೆಲ್ಯಾ ಸರ್ವಾಂನಿ ‘ಸಕ್ಕಡ್ ಸಾಂಗಾ ತಾ ಮೆಳ್ಯಾಂ’ ಗಿತಾಂ ಸವೆಂ ಮರಿಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ಉಪ್ರಾಂತ್ ಘರ್ಚಿ ಯೆಜ್ಮಾನ್ ಶ್ರೀಮತಿ ಲಿಯೊನಾ ಡಿ’ಸೋಜಾನ್ ವೊರ್ನಾಂತ್ ನವೆಂ ಭರ್ಸುನ್ ಮಾಗ್ಣೆಂ ಕೆಲೆಂ. ಉಪ್ರಾಂತ್ ಸರ್ವಾಂನಿ ಸೆವ್ಲೆಂ. ಶ್ರೀಮತಿ ಎಲಿಜಬೆತ್ ರೋಚಾನ್ ಖೆಳ್ ಮಾಂಡುನ್ ಹಾಡ್ಲೆ ಆನಿ ಜಿಕ್‍ಲ್ಯಾಂಕ್ ಇನಾಮಾಂ ವಾಂಟ್ಲಿ. ಫೆಸ್ತಾಚಾ ಆಚರಣಾಕ್ ವಾಡ್ಯಾತ್ಲೆಂ 27 ಸಾಂದೆ ಹಾಜರ್ ಆಸ್‍ಲ್ಲೆ. ಗ್ಲಾಡ್‍ಸಮ್ ಹೋಮ್ ಹಾಚಾ ಭುರ್ಗ್ಯಾನಿಂ ಗೀತ್ ಗಾವ್ನ್ ಸಕ್ಡಾಂಕೀ ಧಾದೊಶಿ ಕೆಲೆಂ. ಶ್ರೀಮತಿ ಎಲಿಜಬೆತ್ ರೋಚಾನ್ ಕಾರ್ಯೆಂ ಅಪುರ್ಬಾಯೆನ್ ಚಲೊವ್ನ್ ವೆಲೆಂ. ಶ್ರೀಮತಿ ವೀಣಾನ್ ಸಲ್ಡಾನ್ಹಾನ್ ಸರ್ವಾಂಕೀ ಧನ್ಯವಾದ್ ಪಾಠೈಲೆಂ. ಅಖ್ರೇಚಾ ಮಾಗ್ಣ್ಯಾ ದ್ವಾರಿಂ ಫೆಸ್ತಾಚೆಂ ಆಚರಣ್ ಸಂಪೈಲೆಂ.