ಸಾಂ.ಇನಾಸ್ ವಾಡ್ಯಾ ಫೆಸ್ತ್ ಆಚರಣ್ 2023

ಸಾಂ. ಇನಾಸ್ ವಾಡ್ಯಾಚೆಂ ವಾರ್ಷಿಕ್ ಫೆಸ್ತ್ ಆಯ್ತಾರಾ, ಜುಲೈ ಮಹಿನ್ಯಾಚ್ಯಾ 30 ತಾರಿಕೆರ್ 8 ವರಾಚ್ಯಾ ಮಿಸಾಚ್ಯಾ ಬಲಿದಾನಾದ್ವಾರಿಂ ಪ್ರಾರಂಭ್ ಜಾಲೆ. ಉಪ್ರಾಂತ್ ತ್ಯಾಚ್ ದೀಸ್ ಸಾಂಜೆರ್ 6.30 ವರಾರ್ ಬೋಳಾರ್ ಇನ್ಫೆಂಟ್ ಜೀಸಸ್ ಸ್ಕೂಲಾಚ್ಯಾ ಸಭಾ ಸಲಾಂತ್ ಫೆಸ್ತಾಚೆಂ ಸಹಮಿಲನಾಂಕ್ ಸರ್ವ್ ವಾಡ್ಯಾಗಾರಾಂ ಸಾಂಗಾತಾ ಮೆಳ್ಳ್ಯಾಂವ್. ಅಮ್ಚ್ಯಾ ವಾಡ್ಯಾಂತ್ ಅಸ್ಚ್ಯಾ 9 ಕುಟ್ಮಾಂ ಪಯ್ಕಿಂ 8 ಕುಟ್ಮಾಂಚೆ ಸಾಂದೆ ಹ್ಯಾ ಸಹಮಿಲನಾಕ್ ಹಾಜರ್ ಅಸುನ್ ಆಮ್ಚೊ ಎಕ್ವಟ್ ಆನಿ ಸಹಕಾರ್ ಸರ್ವಾಂನಿ ಉಗ್ತ್ಯಾನ್ ಆನಿ ಕರ್ನ್ಯಾನ್ ದಾಖವ್ನ್ ದಿಲೆ.

ಸುರ್ವೆರ್ ಮಾನೆಸ್ತಿಣ್ ಮೇಬಲ್ ಡಿಸೋಜಾ, ಮಾನೆಸ್ತಿಣ್ ವೀಣಾ ಫೆರ್ನಾಂಡಿಸ್ ಆನಿ ಸ್ಟ್ಯಾಲನ್ ಫೆರ್ನಾಂಡಿಸಾಚ್ಯಾ ಮುಖೆಲ್ಪಣಖಾಲ್ ಮಾಗ್ಣ್ಯಾ ದ್ವಾರಿಂ ಕಾರ್ಯೆಂ ಆರಂಭ್ ಕೆಲೆಂ. ವಾಡ್ಯಾಚ್ಯಾ ಭುರ್ಗ್ಯಾಂನಿ ಭಾವಾರ್ಥಾಚಿಂ ಪ್ರಾಥನಾಂ ವಾಚ್ಲಿಂ.

ವಿಗಾರ್ ಬಾಪ್ ಆಲ್ಫ್ರೆಡ್ ಜೆ ಪಿಂಟೊ, ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತ್ ಜೋನ್ ಡಿಸಿಲ್ವಾ, ಕಥೊಲಿಕ್ ಸಭೆಚಿಂ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಜಾರಿಯೊ ಆನಿ ವಾಡ್ಯಾಚಿಂ ಗುರ್ಕಾರ್ನ್ ಮಾನೆಸ್ತಿಣ್ ಮೇಬಲ್ ಡಿಸೋಜಾ ಹಾಣಿಂ ಸರ್ವಾಂನಿ ವೆದಿರ್ ಅಪ್ಲಿಂ ಬಸ್ಕಾಂ ಸ್ವೀಕಾರ್ ಕೆಲಿ.

ಗುರ್ಕಾರ್ನ್ ಮಾನೆಸ್ತಿಣ್ ಮೇಬಲ್ ಡಿಸೋಜಾನ್ ಹಾಜರ್ ಅಸ್ಲ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊಂ ಆನಿ ವಾಡ್ಯಾಚ್ಯಾ ಸಾಂದ್ಯಾಂನಿ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ಪಾಟ್ಲ್ಯಾ ಇಕ್ರಾಂ ವರ್ಸಾಂ ಥಾವ್ನ್ ಗುರ್ಕಾರ್ ಜಾವ್ನ್ ಸೆವಾ ದೀವ್ನ್ ಅನಿಕ್ ಯೀ ಅಪ್ಲೊ ಭರ್ಪೂರ್ ಸಹಕಾರ್ ಕುಟ್ಮಾಂ ಸವೆಂ ದೀವ್ನ್ ಅಸ್ಚ್ಯಾ ಆಮ್ಚ್ಯಾ ಮೊಗಾಚೊ ಅದ್ಲೊ ಗುರ್ಕಾರ್ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸಾಕ್ ಉಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ ಆನಿ ತಾಚ್ಯಾ ವಾವ್ರಾ ಖಾತಿರ್ ತಾಚೊ ಅಬಾರ್ ಮಾನುನ್ ತಾಕಾ ಬರೆಂ ಮಾಗ್ಲೆಂ. ವಾಡ್ಯಾಚಿಂ ಸಂಪನ್ಮೂಲಾಂ ಜಾವ್ನಾಸ್ಚಿಂ ಆಮ್ಚಿಂ, ಮಾಲ್ಗಾಡಿಂ, ವಾಡ್ಯಾಚೆಂ ಮುಕ್ಲೆಂ ಫುಡಾರಿ ಆಮ್ಚಿಂ ಶಿಕ್ಚಿಂ ಭುರ್ಗಿಂ ಹಾಂಕಾ ಸರ್ವಾಂಕ್ ಉಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೆಂ. ಕಥೆದ್ರಾಲಾಚ್ಯಾ ತೆಗಾಯೀಂ ಯಾಜಕ್ ಬಾಪಾಂಕ್ ವಾಡ್ಯಾ ತರ್ಪೆನ್ ಗುರ್ಕಾರ್ನಿನಿ ಉಡಾಸಾಚಿ ಕಾಣಿಕ್ ದಿಲಿಂ. ಲಕ್ಕಿ ಕುಟಾಮ್ ಅಸಾ ಕರುನ್ ವಿಜೇತ್ ಕುಟಾಮ್ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸ್ ಅನಿ ಕುಟಾಮ್ ಹಾಂಕಾ ಬಹುಮಾನ್ ವಿತರಣ್ ಕೆಲೆಂ. ಸ್ಟ್ಯಾಲನ್ ಫೆರ್ನಾಂಡಿಸ್, ಮಿಶಾಲ್ ಡಿಸೋಜ, ವಿಶಾಲ್ ಡಿಸೋಜ ಆನಿ ದಿಲೊನ್ ಫುರ್ತೊದೊನ್ ಸಾಂಸ್ಕೃತಿಕ್ ಕಾರ್ಯೆಂ ವೆಳಿಂ ನೃತ್ಯ್ ಪ್ರದರ್ಶನ್ ಕೆಲೆಂ.ವಿಗಾರ್ ಬಾಪಾಂನಿ ಮನೋರಂಜನ್ ಖೆಳಾಂತ್ ಜಿಕ್ಲೆಲ್ಯಾಂಕ್ ತಶೆಂಚ್ ನೃತ್ಯ್ ಪ್ರದರ್ಶಿತ್ ಕೆಲ್ಲ್ಯಾ ಭುರ್ಗ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ. ಬರ್ಪೂರ್ ಮನೋರಂಜಿತ್ ಖೆಳ್ ಆನಿ ಪಂಗಡ್ ಖೆಳ್ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸ್, ಮಾನೆಸ್ತಿಣ್ ಮೇಬಲ್ ಡಿಸೋಜ ಆನಿ ಮಾನೆಸ್ತಿಣ್ ಐಡಾ ಫುರ್ತಾದೊನ್ ಅಸಾ ಕೆಲೆಂ. ಉಪ್ರಾಂತ್ ವಿಜೇತ್ ಪಂಗ್ಡಾಕ್ ಬಹುಮಾನ್ ವಿತರಣ್ ಕೆಲೆಂ.

ವಿಗಾರ್ ಬಾಪಾಂನಿ ವಾಡ್ಯಾಗಾರಾಂಕ್ ಅಪ್ಲ್ಯಾ ಸಂದೇಶಾಂತ್ ಫೆಸ್ತಾಚ್ಯಾ ಹ್ಯಾ ಸಂದರ್ಭಾರ್ ಸರ್ವ್ ಕುಟ್ಮಾಂಚ್ಯಾ ಸಾಂದ್ಯಾಂನಿ ಸಾಂಗಾತಾ ಮೆಳ್ಚೆಚ್ ಏಕ್ ವರ್ತೊ ಸಂತೊಸಾಚೊ ವಿಷಯ್ ಜಾವ್ನಾಸಾ. ಭರ್ಫೂರ್ ಖೆಳ್ ಅಸಾ ಕರುನ್ ಸಂತೊಸ್ ಭರಿತ್ ವಾತಾವಾರಣ್ ಅಸಾ ಕರುನ್ ಬರೆಂ ಕರ್ನ್ ತುಮಿಂ ಹೊ ವೇಳ್ ಪಾಚಾರ್ ಕೆಲಾಂ ತ್ಯಾ ದೆಕುನ್ ತಾಣಿಂ ಅಪ್ಲೊ ಸಂತೊಸ್ ಉಚಾರ್ಲೊ. ವಾಡ್ಯಾಗಾರಾಂನಿ ಫಿರ್ಗಜ್ ಕುಟ್ಮಾಕ್ ದಿಂವ್ಚ್ಯಾ ಸಹಕಾರಾಂ ಖಾತಿರ್ ಅಭಿನಂದನ್ ಪಾಠಯ್ಲೆಂ. ಗುರ್ಕಾರಾಕ್, ಪ್ರತಿನಿಧಿಕ್ ಆನಿ ಸರ್ವ್ ಕುಟ್ಮಾದಾರಾಂಕ್ ಬರೆಂ ಮಾಗ್ಲೆಂ. ವಾಡ್ಯಾ ಫೆಸ್ತಾಚ್ಯಾ ಕಾರ್ಯಾಕ್ ಹಾಜರ್ ಜಾವ್ನ್ ಆಮ್ಚೊ ಸಂತೊಸ್ ದೊಡ್ತೊ ಕೆಲ್ಲ್ಯಾ ವಿಗಾರ್ ಬಾಪಾಂಕ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಉಪಾಧ್ಯಕ್ಷಾಕಾಕ್, ಕಥೊಲಿಕ್ ಸಭೆಚಿಂ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಜಾರಿಯೊಕ್ ಆನಿ ಮೊಗಾಚ್ಯಾ ಅಪೆÇವ್ಣ್ಯಾಕ್ ಪಾಳೊ ದೀವ್ನ್ ಹಾಜರ್ ಅಸ್ಲ್ಯಾ ಸರ್ವ್ ಸೈರ್ಯಾಂಕ್, ಸುದಾರ್ಸಿಲ್ಲ್ಯಾ ಸರ್ವ್ ವಾಡ್ಯಾಗಾರಾಂಕ್, ಆಮ್ಕಾಂ ಆರ್ಥಿಕ್ ರೀತಿನ್ ಕುಮಕ್ ಕೆಲ್ಲ್ಯಾ ಸರ್ವ್ ಆಮ್ಚ್ಯಾ ದಾನಿಂಕ್ ವಾಡ್ಯಾ ಪ್ರತಿನಿಧಿ ಮಾನೆಸ್ತಿಣ್ ವೀಣಾ ಫೆರ್ನಾಂಡಿಸಾನ್ ಉಪ್ಕಾರ್ ಬಾವುಡ್ಲೊಂ ಅನಿ ರುಜಾರ್ ಮಾಯೆುಚಿಂ ಧಾರಾಳ್ ಆಶೀರ್ವಾದಾಂ ಸಾಂ ಇನಾಸಾ ಮುಖಾಂತ್ರ್ ಸರ್ವಾಂಚೆರ್ ರಾಜ್ ಕರುಂದಿ ಮ್ಹಣನ್ ಸರ್ವಾಂಕ್ ಬರೆಂ ಮಾಗ್ಲೆಂ. ವಿಗಾರ್ ಬಾಪಾಂನಿ ಮಾಗ್ಣೆಂ ಶಿಕವ್ನ್, ಸಾಂ. ಇನಾಸಾಚೆಂ ಗೀತ್ ಗಾವ್ನ್ ಜೆವ್ಣಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊಂ. ಮಾನೆಸ್ತಿಣ್ ಐಡಾ ಫುರ್ತಾದೊನ್ ಕಾಯೆಂ ನಿರ್ವಹಣ್ ಕೆಲೆಂ.ಗುರ್ಕಾರ್ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸ್ ಆನಿ ಮಾನೆಸ್ತ್ ಡೊನಾಲ್ಡ್ ಫುರ್ತಾದೊನ್ ಇಗರ್ಜೆರ್ ಸಾಂ. ಇನಾಸಾಚಿ ವೆದಿ ಸೊಬಯ್ಲಿಂ .ಅಕೇರಿಕ್ ರಾತಿಕ್ 8 ವರಾರ್ ಕುಟ್ಮಾ ಜೆವ್ಣಾ ಸವೆಂ ಕಾರ್ಯೆಂ ಅಕೇರ್ ಜಾಲೆಂ. ಸಮೆಸ್ತಾಂಕ್ ದೇವ್ ಬರೆಂ ಕರುಂ.