ಸಾಂ ಪಾವ್ಲ್ ವಾಡ್ಯಾಂತ್ ಫೆಸ್ತಾಚೆಂ ಆಚರಣ್

ಜುಲಾಯ್ಚಾ 7 ತಾರಿಕೆರ್ ಆಯ್ತಾರಾ ಸಕಾಳಿಂ 8 ವೊರಾಂಚಾ ಮಿಸಾಚಾ ಬಲಿದಾನಾ ಸವೆಂ ಸಾಂ ಪಾವ್ಲ್ ವಾಡ್ಯಾಚೆಂ ಫೆಸ್ತ್ ಆರಂಭ್ ಕೆಲೆ. ಸರ್ವ್ ವಾಡ್ಯಾಗಾರಾಂನಿಂ ಸಾಂಗಾತಾ ಮೆಳೊನ್ ಮಿಸಾಚಿ ಲಿತುರ್ಜಿ ಚಲವ್ನ್ ವೆಲಿ. ತ್ಯಾ ದಿಸಾ ಫೆಸ್ತಾಚೆಂ ಸಹಮಿಲನ್ ಶ್ರೀಮಾನ್ ಆಲ್ವಿನ್ ತೌರೊಚಾ ಘರಾ ಸಾಂಜೆರ್ 5 ವೊರಾರ್ ಚಲ್ಲೆಂ. ಆಮ್ಚಾಂ ಫೆಸ್ತಾಚಾ ಸಂತೊಸಾಂತ್ ವಾಂಟೆಲಿ ಜಾಂವ್ಕ್ ಆಮ್ಚೊ ಮೊಗಾಳ್ ವಿಗಾರ್ ಬಾಪ್ ಮಾನಾಧಿಕ್ ಅಲ್ಫ್ರೆಡ್ ಪಿಂಟೊ, ಬಾಪ್ ವಲೇರಿಯನ್ ಫ್ರ್ಯಾಂಕ್ ಹಾಜರ್ ಆಸ್‍ಲ್ಲೆ. ಶ್ರೀಮಾನ್ ಆಲ್ವಿನ್ ತೌರೊನ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಸಾಂಗಾತಾಚ್ ವಾಡ್ಯಾಂತ್ ದೆವಾಧಿನ್ ಜಾಲ್ಲ್ಯಾ ಶ್ರೀ ಪಾಸ್ಕಲ್ ಮೊಂತೆರೊಚ್ಯಾ ಅತ್ಮ್ಯಾಕ್ ಸಾಸ್ಣಾಚೊ ವಿಶೆವ್ ಮಾಗ್ಲೊ. ತಾಣೆ ವಾಡ್ಯಾಂತ್ ಆನಿ ಫಿರ್ಗಜೆಂತ್ ದಿಲ್ಲ್ಯಾ ಸೆವೆಕ್ ಗೌರವ್ ಜಾವ್ನ್ ವಾಡ್ಯಾಚೆಂ ಫೆಸ್ತ್ ಸಾದೆ ರಿತಿನ್ ಆಚರ್ಸಿಲೆಂ. ಸುರ್ವೆರ್ ‘ಎಕಾ ಕಾಳ್ಜಾಚಿ ಎಕಾ ಮನಾಚಿ ಜಾವ್ನ್’ ಮ್ಹಳ್ಳೆಂ ಸಮುದಾಯೆಚೆಂ ಗೀತ್ ಗಾವ್ನ್ ಕಾರ್ಯೆಂ ಆರಂಭ್ ಕೆಲೆಂ. ಉಪ್ರಾಂತ್ ವಾಡ್ಯಾ ಜಮತ್ ಚಲವ್ನ್ ವೆಲಿ. ಉಪ್ರಾಂತ್ ಫೆಸ್ತಾಚಿ ವರ್ದಿ ವಾಚ್ಲಿ. ನಂತರ್ ವಿಗಾರ್ ಬಾಪಾಂನಿ ಫೆಸ್ತಾಚೊ ಸಂದೇಶ್ ದಿಲೊ. ತಶೆಂಚ್ ವಾಡ್ಯಾಂತ್ ಕರುಂಕ್ ಆಸ್ಚ್ಯಾ ಸೆವೆಚಾ ಕಾಮಾ ವಿಷ್ಯಾಂತ್ ಥೊಡಿ ಸೂಚನಾಂ ದಿಲಿಂ. ಮಾನಾಧಿಕ್ ಬಾಪ್ ವಲೇರಿಯನ್ ಹಾಂಣಿಂ ವಾಡ್ಯಾ ಜಮತ್ ಅನಿಕಿಯೀ ಚಡ್ ಬರೆಂ ಕರ್ನ್ ಕಶೆಂ ಕರ್ಯೆತ್ ಮ್ಹಳ್ಳೆವಿಶಿಂ ತಿಳ್ಸಿಲೆಂ. ನಿಮಾಣೆ ಫೆಸ್ತಾಚೊ ವಾಂಟೊ ಜಾವ್ನ್ ಫಲಾಹರ್ ಸೆವ್ನ್ ಹ್ಯಾ ಫೆಸ್ತಾಚೆ ಸಹಮಿಲನ್ ಅಖೇರ್ ಕೆಲೆಂ. ಶ್ರೀಮಾನ್ ಮೆಲ್ವಿನ್ ಸಿಕ್ವೇರಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.
-----