ಸಾಂ ಪೆದ್ರು ವಾಡ್ಯಾಚಾ ಫೆಸ್ತಾಚೆಂ ಆಚರಣ್

ವರ್ದಿ: ಡೈನಾ ಮರಿಯ ಡಿಸೋಜ, ಕಾರ್ಯದರ್ಶಿ 

ಸಾಂ ಪೆದ್ರು ವಾಡ್ಯಾಚಾ ಫೆಸ್ತಾಚೆಂ ಆಚರಣ್ ಜುನಾಚಾ 30 ತಾರಿಕೆರ್ ಸಕಾಳಿಂ 8 ವೊರಾಂಚಾ ಮಿಸಾಚಾ ಬಲಿದಾನಾ ಸವೆಂ ಆರಂಭ್ ಕೆಲೆಂ. ಸಕಾಳಿಂ 8 ವೊರಾಂಚಾ ಮಿಸಾಚಿ ಲಿತುರ್ಜಿ ಸರ್ವ್ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್ ಚಲವ್ನ್ ವೆಲಿ. ತ್ಯಾ ದಿಸಾ ಫೆಸ್ತಾಚೆಂ ಸಹಮಿಲನ್ ಶ್ರೀಮಾನ್ ಡೋನ್ ಡಿಸೋಜಚಾ ಘರಾ ಸಾಂಜೆರ್ 5 ವೊರಾರ್ ಜಮ್ಲಿ. ಸರ್ವ್ ವಾಡ್ಯಾಗಾರಾಂ ಹಾಜರ್ ಜಾಲ್ಯಾ ಉಪ್ರಾಂತ್ ಗುರ್ಕಾರ್ನ್ ವಿಲ್ಮಾ ಡಿಸೋಜ ಆನಿ ಸಾಂಗಾತ್ಯಾನಿಂ ಮಾಗ್ಣ್ಯಾವಿಧಿ ಚಲವ್ನ್ ವ್ಹೆಲಿ. ಸಾಂ ಪೆದ್ರುಚೆಂ ಗೀತ್ ಗಾವ್ನ್ ಫೆಸ್ತಾಚೆಂ ಕಾರ್ಯೆಂ ಪ್ರಾರಂಭ್ ಕೆಲೆಂ. ಆಮ್ಚಾಂ ಫೆಸ್ತಾಚಾ ಸಂತೊಸಾಂತ್ ವಾಂಟೆಲಿ ಜಾವ್ನ್ ಆಮ್ಚೊಂ ಮೊಗಾಳ್ ವಿಗಾರ್ ಬಾಪ್ ಮಾನಾಧಿಕ್ ಆಲ್ಫ್ರೆಡ್ ಪಿಂಟೊ, ಸಹಾಯಕ್ ಮಾನಾಧಿಕ್ ಬಾಪ್ ವಿನೋದ್ ಲೋಬೊ ಆನಿ ಮಾನಾದಿಕ್ü ಬಾಪ್ ವಲೇರಿಯನ್ ಫ್ರ್ಯಾಂಕ್ ಹಾಜರ್ ಆಸ್‍ಲ್ಲೆ. ತಶೆಂಚ್ ಅರ್ಸುಲಾಯ್ನ್ ಕೊವೆಂತಾಚ್ಯೊ ಧರ್ಮ್-ಭೈಣಿ ಸಿಸ್ಟರ್ ಅಸ್ಮಿತಾ ಆನಿ ಸಿಸ್ಟರ್ ಪವಿತ್ರಾ ಹಾಜûರ್ ಆಸ್‍ಲ್ಲಿಂ. ತಶೆಂಚ್ ಸಾಂ ಅಂತೊನ್ ವಾಡ್ಯಾಚಿ ಗುರ್ಕಾರ್ನ್ ರೀಟಾ ಡಿಸೋಜ ಹಾಜರ್ ಆಸ್‍ಲ್ಲಿ. ಹಾಜರ್ ಆಸ್‍ಲ್ಲ್ಯಾ ಸರ್ವ್ ಯಾಜಕಾಂಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ. ಗುರ್ಕಾರ್ನ್ ವಿಲ್ಮಾ ಡಿಸೋಜನ್ ಕಾರ್ಯೆಂ ಚಲವ್ನ್ ವೆಲೆಂ. ಪಯ್ಲೆಂ ಸಾಂ ಪೆದ್ರುಚಾ ಫೆಸ್ತಾಚಿ ಗೊಡ್ಶಿ ಕೇಕ್ ಕಾತರ್ನ್ ಸಂತೊಸ್ ದೊಡ್ತೊ ಕೆಲೊ. ಉಪ್ರಾಂತ್ ಸಾಂ ಪೆದ್ರುಚಾ ಇಮಾಜಿಕ್ ವಾತಿ ಪೆಟವ್ನ್, ಫುಲಾಂ ಅರ್ಪುನ್ ಮಾನ್ ಪಾಟಯ್ಲೊ. ವಿಗಾರ್ ಬಾಪಾನ್ ಆನಿ ಫಾದರ್ ವಲೇರಿಯನ್ ಹಾಣಿಂ ಹಾಜರ್ ಜಾಲ್ಲ್ಯಾಂಕ್ ಸಾಂ ಪೆದ್ರುಚಿ ಚರಿತ್ರ್ ತಶೆಂಚ್ ಫೆಸ್ತಾಚೊ ಸಂದೇಶ್ ದಿಲೊ. ಉಪ್ರಾಂತ್ ರುಡೊಲ್ಫ್ ತಾವ್ರೊ ಹಾಣೆ ಸಾಂ ಪೆದ್ರು ವಿಶ್ಯಾಂತ್ Quiz ಮಾಂಡುನ್ ಹಾಡ್ಲೆಂ. ಸಾರ್ಕಿ ಜವಾಬ್ ದಿಲ್ಲ್ಯಾಂಕ್ ಇನಾಮಾಂ ದಿಲಿಂ. ತಶೆಂಚ್ ವಿಲ್ಮಾ ಆನಿ ಸಾಂಗಾತ್ಯಾನಿಂ ಲ್ಹಾನಾಂಕ್, ದಾದ್ಲ್ಯಾಂಕ್ ತಶೆಂಚ್ ಸ್ತ್ರೀಯಾಂಕ್ ವಿವಿಧ್ ಖೆಳ್ ಚಲೊವ್ನ್ ವೆಲೆ. Baby Anika ನ್ ಗೀತ್ ಗಾವ್ನ್ ಹಾಜರ್ ಜಾಲ್ಲ್ಯಾಂಕ್ ಮನೋರಂಜನ್ ಕೆಲೆಂ. ತಶೆಂಚ್ ಸ್ಲ್ಯಾನಿ ಆನಿ ಸಾನಿಯಾನ್ ನಾಚ್ ನಾಚೊನ್ ಸರ್ವಾಂಚಿ ಮನಾಂ ಧಾದೊಶಿ ಕೆಲಿ.

ಉಪ್ರಾಂತ್ ವಾಡ್ಯಾಚೆ ಲಕ್ಕಿ ಫ್ಯಾಮಿಲಿ ಚೀಟ್ ಕಾಡ್ತಾನಾ ಶ್ರೀಮತ್ ಕೊಸೆಸ್ ಡಿಸೋಜಕ್ ಇನಾಮ್ ಲಾಬ್ಲೆಂ. ಆಮ್ಕಾಂ ಫೆಸ್ತ್ ಕರುಂಕ್ ಘರ್ ಒದಗ್ಸುನ್ ದಿಲ್ಲ್ಯಾ ಮಾನೆಸ್ತ್ ಡೋನ್ ಡಿಸೋಜ ಆನಿ ಕುಟ್ಮಾಕ್ ಮೊಗಾಚಿ ಕಾಣಿಕ್ ದಿಲಿ. ತಶೆಂಚ್ ವಾಡ್ಯಾಂತ್ ಶಿಕ್ಪಾಂತ್ ಪ್ರತಿಭಾವಂತ್ ಭುರ್ಗ್ಯಾಂಕ್ ಸನ್ಮಾನ್ ಕೆಲೊ. ಉಪ್ರಾಂತ್ ಹೌಸಿ ಹೌಸಿ ಖೆಳ್ ಚಲೊವ್ನ್ ವ್ಹೆಲೆ. ಖೆಳಾಂತ್ ಜಿಕ್‍ಲ್ಲ್ಯಾಂಕ್ ಇನಾಮಾ ವಾಂಟ್ಲಿಂ. ಅಖ್ರೇಕ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಶ್ರೀಮತಿ ಡೈನಾನ್ ಧನ್ಯವಾದ್ ಪಾಟಯ್ಲೆಂ. ಸಹಾಯಕ್ ವಿಗಾರ್ ಬಾಪಾನ್ ಅಮೊರಿ ಶಿಕವ್ನ್ ಜೆವ್ಣಾಚೆರ್ ಆಶಿರ್ವಾದ್ ಮಾಗ್ಲೊ. ಎಕಾ ಕುಟ್ಮಾ ಭಾಶೆನ್ ಸರ್ವಾಂನಿ ಜೆವಾಣ್ ಸೆವ್ನ್ ವಾಡ್ಯಾಚಾ ಫೆಸ್ತಾಚೆಂ ಆಚರಣ್ ಸಂಪಯ್ಲೆಂ.