ನಿತ್ಯಾಧರ್ ವಾಡ್ಯಾಚೆಂ ಫೆಸ್ತ್

2024, ಜುನಾಚಾ 23 ತಾರಿಕೆರ್ ಆಯ್ತಾರಾ, ನಿತ್ಯಾಧರ್ ವಾಡ್ಯಾಗಾರಾಂನಿ ನಿತ್ಯಾಧರ್ ಮಾಯೆಚೆಂ ಫೆಸ್ತ್ ಆಚರ್ಸಿಲೆಂ.

ಸಕಾಳಿಂಚಾ 8 ವೊರಾಚಾ ಮಿಸಾಚಿ ದೇವ್‍ಸ್ತುತಿ ವಾಡ್ಯಾಗಾರಾಂನಿ ಚಲವ್ನ್ ವೆಲಿ. ಮಾನಾಧಿಕ್ ಬಾಪ್ ಆಲ್ಫ್ರೆಡ್ ಪಿಂಟೊ, ಆನಿ ಮಾನಾಧಿಕ್ ಬಾಪ್ ವಲೇರಿಯನ್ ಫ್ರ್ಯಾಂಕ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟೈಲೆ.

ಫೆಸ್ತಾಚೆಂ ಸಹಮಿಲನ್ ಗುರ್ಕಾರ್ ಮಾನೆಸ್ತ್‍ ಹಿಲೆರಿ ಮಾರ್ಟಿಸಾಚಾ ಘರಾ, ಸಾಂಜೆರ್ 6.00 ವ್ಹರಾರ್ ಚಲಯ್ಲೆಂ. ಜಮಾತೆಕ್ 30 ಜಣಾಂ ಹಾಜರ್ ಆಸ್‍ಲ್ಲಿಂ. ಮುಖೆಲ್ ಸೈರೆ ಜಾವ್ನ್ ಮಾನಾಧಿಕ್ ಬಾಪ್ ಆಲ್ಫ್ರೆಡ್, ಮಾನಾಧಿಕ್ ಬಾಪ್ ವಿನೋದ್, ಮಾನಾಧಿಕ್ ಬಾಪ್ ವಲೇರಿಯನ್ ಫ್ರ್ಯಾಂಕ್, ಉಪಾಧ್ಯಕ್ಷ್ ಜೋನ್ ಡಿಸಿಲ್ವಾ ಆನಿ ನಿಂಫಾ ಸದನಾಚಿ ಸಿಸ್ಟರ್ ಸರಿತಾ, ಸಿಸ್ಟರ್ ರೇಶ್ಮಾ ಆನಿ ಸಿಸ್ಟರ್ ರುಫಿನಾ ಹಾಜರ್ ಆಸ್‍ಲ್ಲಿಂ.

ಟ್ರೆಸ್ಸಿ ಡಿಸೋeóÁನ್ ಮಾಗ್ಣ್ಯಾವಿಧಿ ಚಲವ್ನ್ ವೆಲಿ. ಗುರ್ಕಾರಾನ್ ಸರ್ವಾಂಕ್ ಸ್ವಾಗತ್ಸಿಲೆಂ.

ಪ್ರತಿನಿಧಿ ಆಗ್ನೆಸ್ ಕೊರೆಯನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಶ್ರೀಮತಿ ಜುಲಿಯೆಟಾನ್ ವಿವಿಧ್ ರಿತಿಚೆ ಖೆಳ್ ಚಲವ್ನ್ ವೆಲೆ ಆನಿ ಜಿಕ್‍ಲ್ಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ. ತಶೆಂಚ್ II PUC ಂತ್ 98% ಅಂಕ್ ಜೋಡ್ ಲ್ಲ್ಯಾ Allen ಕ್ ಪಾದ್ರ್ಯಾಬಾನಿಂ ಆನಿ ವಾಡ್ಯಾಗಾರಾಂನಿ ಮೆಳೊನ್ ಸನ್ಮಾನ್ ಕೆಲೊ. ಆನಿ ರಿಯಾನಾಕ್ SSLC ಫಸ್ಟ್ ಕ್ಲಾಸ್ ಪಾಸ್ ಜಾಲ್ಲ್ಯಾಕ್ ಬಹುಮಾನ್ ದಿಲೆಂ.

ಮಾನಾಧಿಕ್ ಬಾಪ್ ಆಲ್ಫ್ರೆಡ್ ಆನಿ ಮಾನಾಧಿಕ್ ಬಾಪ್ ವಲೇರಿಯನಾನ್ ಬರೊ ಸಂದೇಶ್ ದೀವ್ನ್ ವಾಡ್ಯಾಗಾರಾಂಕ್ ಆನಿ ಭುರ್ಗ್ಯಾಂಕ್ ಬರೆಂ ಮಾಗ್ಲೆಂ.

ಪ್ರತಿನಿಧಿ ಫ್ಲೇವಿನ್ ಧನ್ಯವಾದ್ ಪಾಟಯ್ಲೆಂ.

ವಾಡ್ಯಾಗಾರಾಂನಿ ರಾಂದುನ್ ಹಾಡ್‍ಲ್ಲ್ಯಾ ಜೆವ್ಣಾಚೆರ್ ಮಾ. ಬಾಪ್ ವಿನೋದಾನ್ ಆಶಿರ್ವಾದ್ ಮಾಗ್ಲೆಂ ಆನಿ ಜೆವ್ಣಾ ಸವೆಂ ಕಾರ್ಯೆಂ ಸಂಪಯ್ಲೆಂ.