ಸಾಂತ್ ಆಂತೊನ್ ವಾಡ್ಯಾಚೆಂ ಫೆಸ್ತ್

2024 ಜುನಾಚಾ 9 ತಾರಿಕೆರ್ ಆಯ್ತಾರಾ ಸಾಂತ್ ಆಂತೊನ್ ವಾಡ್ಯಾಗಾರಾಂನಿ ಫೆಸ್ತಾಚೆಂ ಆಚರಣ್ ಸಂಭ್ರಮ್ಲೆಂ. ಜುನಾಚಾ 8 ತಾರಿಕೆರ್ ಸನ್ವಾರಾ ಸಾಂಜೆಚಾ 5 ವೊರಾಂಚಾ ಮಿಸಾಚಿ ದೇವ್‍ಸ್ತುತಿ ವಾಡ್ಯಾಗಾರಾಂನಿ ಚಲೊವ್ನ್ ವ್ಹೆಲಿ. ಮಾನಾಧಿಕ್ ಬಾಪ್ ವಿನೋದ್ ಲೋಬೊನ್ ಮಿಸಾಚೆಂ ಬಲಿದಾನ್ ಭೆಟೈಲೆಂ. ಫೆಸ್ತಾಚೆಂ ಸಹಮಿಲನ್ ಮಾನೆಸ್ತ್ ಆಂಟನಿ ಡಿಸಿಲ್ವಾಚಾ ಘರಾ, ಪಿಂಟೊ ಕಂಪೌಂಡ್ ಹಾಗಾಸರ್ ಸಾಂಜೆರ್ 6 ವೊರಾರ್ ಚಲೈಲೆಂ. ಜಮತೆಕ್ 51 ಜಣಾಂ ಹಾಜರ್ ಆಸ್‍ಲ್ಲಿಂ. ಮುಖೆಲ್ ಸೈರೆ ಜಾವ್ನ್ ಮಾನಾಧಿಕ್ ಬಾಪ್ ಆಲ್ಫ್ರೆಡ್ ಜೆ. ಪಿಂಟೊ, ಬಾಪ್ ವಲೇರಿಯನ್ ಫ್ರ್ಯಾಂಕ್, ಬ್ರದರ್ ಮರಿಯ ಸೆಲ್ವನ್, ಉಪಾಧ್ಯಕ್ಷ್ ಮಾನೆಸ್ತ್ ಜೋನ್ ಡಿಸಿಲ್ವಾ, ಸಾಂ ತೆರೆeóï ವಾಡ್ಯಾಚಿ ಗುರ್ಕಾರ್ ಶ್ರೀಮತಿ ಜೆಸ್ಸಿ ಆಲ್ವಾರಿಸ್, ಪ್ರತಿನಿಧಿ ಶ್ರೀ ಮೆಲ್ವಿನ್ ಡಿಸೋಜ ಹಾಜರ್ ಆಸ್‍ಲ್ಲಿಂ. ಅರ್ಸುಲಾ ಕೊವೆಂತಾಚಿ ಭಯ್ಣ್ ಸೆಲಿನ್ ಡೆಸಾ ಆನಿ ತಿಚಾ ಸಾಂಗಾತ್ಯಾನಿಂ ಮಾಗ್ಣ್ಯಾವಿಧಿ ಚಲೊವ್ನ್ ವೆಲಿ. ಗುರ್ಕಾರ್ ರೀಟ ಡಿಸೋಜನ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ಸಿಲೆಂ. ಡೋರಿನ್ ಡಿಸೋಜನ್ ವಾರ್ಷಿಕ್ ವರ್ದಿ ವಾಚ್ಲಿ. ಮಾನೆಸ್ತಿಣ್ ಗ್ಲ್ಯಾಡಿಸ್ ಲೋಬೊನ್ ವಾಡ್ಯಾಚೊ ಪಾತ್ರೊನ್ ಸಾಂತ್ ಅಂತೊನಿಚಿ ಚರಿತ್ರಾ ವಾಚ್ಲಿ. ಬಾಪ್ ವಲೇರಿಯನ್ ಫ್ರ್ಯಾಂಕ್ ಹಾಣಿಂ ತಾಂಚಾ ಸಂದೇಶಾಂತ್ ವಾಡ್ಯಾಚಿ ಜಮತ್ ಕಶಿ ಚಲವ್ನ್ ವರುಂಕ್ ಜಾಯ್ ಮ್ಹಳ್ಳ್ಯಾವಿಶಿಂ ಮಾಹೆತ್ ದಿಲಿ.

ಮೇ ಮಹಿನ್ಯಾಚಾ 20 ತಾರಿಕೆರ್ ದೆವಾಧಿನ್ ಜಾಲ್ಲ್ಯಾ ಭಯ್ಣ್ ಅನಿತಾ ಡಿಸೋಜ ಚಾ ಉಗ್ಡಾಸಾಕ್ ವಾಡ್ಯಾಗಾರಾಂನಿ ಮೊಗಾಚಿ ಕಾಣಿಕ್ ಜಾವ್ನ್ ದಿಲ್ಲೆ ರುಪೈ 30,000/- ತಿಚಾ ಭುರ್ಗ್ಯಾಂಕ್ ವಿಗಾರ್ ಬಾಪಾಂನಿ ಹಸ್ತಾಂತರ್ ಕೆಲೆ. ಅರ್ಸುಲಾ ಧರ್ಮ್ ಭೈಣಿಂನಿ ವಿವಿಧ್ ರಿತಿಚೆ ಖೆಳ್ ಚಲವ್ನ್ ವ್ಹೆಲೆ ಅನಿ ಖೆಳಾಂತ್ ಜಿಕ್ಲೆಲ್ಯಾಂಕ್ ಮಾನೆಸ್ತ್ ಜೋನ್ ಡಿಸಿಲ್ವಾನ್ ಬಹುಮಾನಾಂ ವಿತರಣ್ ಕೆಲಿ. ಮಾನೆಸ್ತ್ ಆಂಟೊನಿ ಡಿಸಿಲ್ವಾನ್ ದೆವಾಧಿನ್ ಅನಿತಾ ಡಿಸೋಜಚಾ ಕುಟ್ಮಾಕ್ ಭುಜಾವಣ್ ಪಾಟಯ್ಲಿ. ಜೂನ್ ಮಹಿನ್ಯಾಂತ್ ಜಲ್ಮಾ ದಿವಸ್ ಆಚರಣ್ ಕರ್ತೆಲ್ಯಾ ಸರ್ವಾಂಕ್ ಆನಿ 2023-24 ಶೈಕ್ಷಣಿಕ್ ವರ್ಸಾಂತ್ ಉತ್ತೀರ್ಣ್ ಜಾಲ್ಲ್ಯಾ ವಾಡ್ಯಾಚಾ ಸರ್ವ್ ವಿದ್ಯಾರ್ಥಿಂಕ್ ಉಲ್ಲಾಸಿಲೆಂ ಆನಿ ಮೊಗಾಚಿ ಕಾಣಿಕ್ ದಿಲಿ. ಮಾನೆಸ್ತ್ ಬಿನೊಯ್ ಡಿಸಿಲ್ವಾನ್ ಧನ್ಯವಾದ್ ಪಾಟೈಲೆಂ. ಸಗ್ಳೆಂ ಕಾರ್ಯೆಂ ಕುಮಾರಿ ವಿನೊಲಾ ಡಿಸೋಜ ಆನಿ ಕುಮಾರಿ ಮಿಯಾ ಕೆನಡಿ ಹಾಣಿ ನಿರ್ವಹಣ್ ಕೆಲೆಂ. ಉಪ್ರಾಂತ್ ಜೆವ್ಣಾ ಸವೆಂ ಕಾರ್ಯೆಂ ಸಂಪೈಲೆಂ.