ಫಾತಿಮಾ ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್

ಸಪ್ಟೆಂಬರಾಚಾ 15 ತಾರಿಕೆರ್ ಆಯ್ತಾರಾ ಸಾಂಜೆರ್ 6.30 ವ್ಹರಾರ್, ಶ್ರೀ ಲ್ಯಾನ್ಸಿ/ವಿಲ್ಮಾ ಮಿನೆಜಸಾಚಾ ಘರಾ, Grace Manor Apartment ಹಾಂಗಾಸರ್ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಮಾನೆಸ್ತ್ ಲ್ಯಾನ್ಸಿ ಮಿನೇಜಸಾನ್, ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಮಾನೆಸ್ತ್ S. M. Pinto ನ್ ಮರಿಯಾಳ್ ಗೀತ್ ಗಾಯ್ಲೆಂ. ಮಾನೆಸ್ತಿಣ್ ಜೆಸಿಂತಾ ಡಿಸೋಜಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವ್ಹೆಲಿ. ಉಪ್ರಾಂತ್ ಬಾಳೊಕ್ ಮರಿಯೆಕ್ ಫುಲಾಂ ಅರ್ಪಿಲಿಂ. ಭಲಾಯ್ಕಿ ಬರಿ ನಾತ್‍ಲ್ಲ್ಯಾಂಕ್ ಹ್ಯಾ ಫೆಸ್ತಾಚಾ ಆಚರಣಾಕ್ ಯೆಂವ್ಕ್ ಜಾಂವ್ಕ್ ನಾ. ತಾಂಚಾ ಭಲಾಯ್ಕೆ ಖಾತಿರ್ ಮಾಗ್ಲೆಂ. ಉಪ್ರಾಂತ್ ವೊರ್ನಾಂತ್ ನವೆಂ ಭರ್ಸೊನ್ ಆಶಿರ್ವಾದ್ ಕರ್ನ್ ಸರ್ವಾಂಕ್‍ಯೀ ವಾಂಟ್ಲೆಂ. ಮಾನೆಸ್ತ್ ಜೊನ್ ಡಿಸಿಲ್ವಾನ್ ಸಾತ್ ಮರಿಯೆ ವಿಷ್ಯಾಂತ್ ಅರ್ಥಾಭರಿತ್ ಸಂದೇಶ್ ದಿಲೊ ಆನಿ ಮಾನೆಸ್ತ್ S. M.Pinto ನ್ ಹಾಚೊ ನಿಯಾಳ್ ದಿಲೊ ಉಪ್ರಾಂತ್ ಬಾಳೊಕ್ ಮರಿಯೆಚಿಂ ಗಿತಾಂ ಗಾಯ್ಲಿಂ. ಗುರ್ಕಾರ್ನ್ ಮೇರಿ ಡಿಸೋಜಾನ್ ಸ್ಪೊಟ್ ಗೇಮ್ಸ್, ತಶೆಂಚ್ ಜೆಸಿಂತಾ ಡಿಸೋಜಾ ಆನಿ ವಿಲ್ಮಾ ಮಿನೇಜಸಾನ್ Housie Housie ಚಲವ್ನ್ ವೆಲಿ. ಜಿಕ್‍ಲ್ಲ್ಯಾಂಕ್ ಗುರ್ಕಾರ್ನ್ ಮೇರಿ ಡಿಸೋಜಾನ್ ಆನಿ ಥೊಡ್ಯಾ ಸಾಂದ್ಯಾಂನಿ ಇನಾಮಾಂ ವಾಂಟ್ಲಿಂ. ಹ್ಯಾ ಜಮಾತೆಕ್ 30 ಜಣಾಂ ಹಾಜರ್ ಆಸ್‍ಲ್ಲಿಂ. ಉಪ್ರಾಂತ್ ಗುರ್ಕಾರ್ನ್ ಮೇರಿ ಡಿಸೋಜಾನ್ ಪ್ರತ್ಯಕ್ಷ್ ಅನಿ ಪರೋಕ್ಷ್ ರಿತಿನ್ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಕಾಳ್ಜಾ ಥಾವ್ನ್ ಉಪ್ಕಾರ್ ಭಾವುಡ್ಲೊ. ಅಖ್ರೇಕ್ ಸರ್ವಾಂನಿ ಬಾಳೊಕ್ ಮರಿಯೆಚೆಂ ಗೀತ್ ಗಾವ್ನ್ ರುಚಿಕ್ ಜೆವ್ಣಾ ಸವೆಂ ಹಿ ಜಮಾತ್ ಸಂಪೈಲಿ.