ಜೆಜುಚಾ ಪವಿತ್ರ್ ಕಾಳ್ಜಾಚಾ ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್

ಮೊಂತಿ ಮಾಯೆಚೆಂ ಫೆಸ್ತ್ ವಾಡ್ಯಾಂತ್ಲ್ಯಾ ಡಾಕ್ಟರ್ ರೋಹನ್ ಮಸ್ಕರೇನಸ್ ಹಾಂಚಾ ಘರಾಂತ್  ಸೆಪ್ಟೆಂಬರ್ 15ತಾರಿಕೆರ್   ಸಾಂಜೆಚಾ 5ವರಾರ್ ಸಾಂಗಾತಾ ಮೆಳೊನ್ ಆಚರ್ಸಿಲೆಂ. ಸುರ್ವೆರ್ ಗೀತ್ ಗಾವ್ನ್ ಜಾತಚ್ ಡಾಕ್ಟರ್ ರೋಹನ್ ಮಸ್ಕರೇನಸ್ ಹಾಂಣಿ ಸರ್ವಾಂಕ್ ಸ್ವಾಗತ್ ಕೆಲೆಂ. ಉಪ್ರಾಂತ್  ವಾಂಜೆಲಾಚೆಂ ವಾಚಪ್  ಜಾತಚ್ , ಮಾಗ್ಣ್ಯಾಂ ವಿದಿಂತ್ ಭಾಗ್ ಘೆತ್ಲೊ. ವಿಗಾರ್ ಬಾಪ್ ಆಲ್ಫ್ರೆಡ್ ಪಿಂಟೊ ಹಾಂಣಿ ನೊವೆನಾಂಚೆ ಮಾಗ್ಣೆಂ ಕೆಲೆಂ, ಮರಿಯೆಕ್ ಹೊಗಳ್ಸಿಯಾಂ ಗೀತ್ ಗಾವ್ನ್ ಸರ್ವಾಂನಿ ಫುಲಾಂ ಆರ್ಪಿಲಿ, ತ್ಯಾ ನಂತರ್ ವಿಗಾರ್ ಬಾಪಾಂನಿ ವಾರ್ನಾಂತ್ ನವೆಂ ಭರ್ಶಿಲೆಂ , ಆನಿ ಸರ್ವಾಂನಿ ವಾರ್ನ್ ಸೆವ್ಲೆಂ . ತ್ಯಾ ನಂತರ್ ಕಾರ್ಯದರ್ಶಿ ಲಿಲ್ಲಿ ಫೆರ್ನಾಂಡಿಸಾನ್ ಆದ್ಲ್ಯಾ ಜಮಾತೆಚಿ ವರ್ದಿ ಸಬೆ ಹುಜಿರ್  ದವರ್ಲಿ. ಉಪ್ರಾಂತ್ ಗುರ್ಕಾರ್ ಸೆಬಾಸ್ಟಿಯನ್ ನೊರೊನ್ನಾನ್ ವರ್ದಿ ಮಂಜೂರ್ ಕೆಲಿ. ಬಾಪ್ ಪ್ರೇಂಕ್ ಹಾಂಣಿ ಪೆಸ್ತಾಚೊ ಸಂದೇಶ್ ಆಪುರ್ಬಾಯೆನ್ ದಿಲೊ. ಡೊಕ್ಟರ್ ರೋಹನ್ ಮಸ್ಕರೇನಸ್ ಹಾಂಣಿ ಭಲಾಯ್ಕೆ ಸಂಬಂದಿ ರಗತ್ ದಾನ್ ಆನಿ ಗರ್ಜೆವಂತಾಚಾ ಸಮಸ್ಯಾಂಕ್ ದಾನ್ ದಿಂವ್ಚೆಂ ವಿಶಿ ಸವಿಸ್ತಾರ್ ರಿತಿನ್ ಮಾಹೆತ್ ದಿಲಿ. ಡಾ| ಜೋನ್ ಡಿಸಿಲ್ವಾ ಹಾಂಣಿ ಮರಿಯೆ ವಿಷಾಂತ್ ಮಾಹೆತ್ ದಿಲಿ. ಮುಖೆಲ್ ಸಯ್ರೆ ಜಾವ್ನ್ ಹಾಜರ್ ಜಾಲ್ಲ್ಯಾ ಯಾಜಕಾಂಕ್ , ಗ್ಲ್ಯಾಡ್ಸಮ್ ರಿಜೇನ್ಸಿ , ಪ್ರತಿನಿದಿಂಕ್, ವಾಡ್ಯಾಂತ್ಲ್ಯಾ ಟಚಾರಾಂಕ್ ಗುಲೊಬ್ ದೀವ್ನ್ ಮಾನ್ ಕೆಲೊ. ಲಾನ್ ಕ್ರೀಸ್ತಾಂವ್ ಸಮುದಾಯಚೊ ಪ್ರತಿನಿಧಿ ಜಾವ್ನ್ ಹಾಜರ್ ಜಾಲ್ಲ್ಯಾ ಕೊನ್ರಾಡ್ ನಜರೆತ್ ಹಾಂಕಾ ವಾಡ್ಯಾ ತರ್ಪೆನ್ ಗುಲೊಬ್ ದೀವ್ನ್ ಮಾನ್ ಕೆಲೊ. ವಿಲಿಯಂ ಡಿಸೋಜಾನ್ ಹೌಝಿ-ಹೌಝಿ ಕೆಲ್ ಚಲವ್ನ್ ವೆಲೆ.,   ಗ್ಲ್ಯಾಡ್ಸಮ್ ಆತ್ಮೀಕ್ ನಿರ್ದೇಶಕ್ ಬಾಪ್ ಹೆರಿ ಡಿಸೋಜಾ ಹಾಂಣಿ ಜಿಕ್ಲೆಲ್ಯಾಂಕ್ ಇನಾಮಾ ದಿಲಿ. ಗ್ಲ್ಯಾಡ್ಸಮ್ ಬ್ರದರ್ಸಾಂನಿ ಗಿತಾಂ, ಪದಾಂ ಗಾವ್ನ್ ಸಂತೊಸ್ ದೊಡ್ತೊ ಕೆಲೊ. ಪ್ರೆಸ್ಸಿಲ್ಲ ಆನಿ ಸರಿತಾನ್ ಮಾಗ್ಣೆಂ ಚಲವ್ನ್ ವೆಲೆಂ. ಕಾರ್ಯಾನಿರ್ವಹಕ್ ಜಾವ್ನ್ ವನಿತಾ ಡಿಸೋಜಾ ನ್ ಆಪುರ್ಬಾಯೆನ್ ಕಾರ್ಯೆಂ ಚಲವ್ನ್ ವೆಲೆಂ. ಪೆಸ್ತಾಚಾ ಕಾರ್ಯಾಕ್  ಸರಿಸುಮಾರ್ 60 ಜಣಾಂ ಸಾಂದೆ ಹಾಜರ್ ಆಸಲ್ಲಿ. ನಿಮಾಣೆಂ ಜಮ್ಲೆಲ್ಯಾ ಸರ್ವಾಂಚೊ ಎಲಿಜಾಬೆತ್ ರೋಚ್ ಹಾಂಣಿ ಮೊಗಾನ್ ಉಪ್ಕಾರ್ ಬಾವುಡ್ಲೊ.