Aug. 03, 2017: ಭುರ್ಗ್ಯಾಂ ಥಂಯ್ ಆಸ್ಚೆಂ ಸಂಗಿತಾಚೆಂ ದೆಣೆಂ ಸೊಧುನ್ ಕಾಡುಂಕ್ ಆನಿ ತೆಂ ಊರ್ಜಿತ್ ಕರ್ಚ್ಯಾಕ್ ವೆದಿ ಜಾವ್ನ್ ‘ವೋಯ್ಸ್ ಆಫ್ ರುಜಾಯ್’ ಮ್ಹಳ್ಳೊ ಕೊಂಕ್ಣಿ ಪದಾಂಚೊ ಸ್ವರ್ಧೊ ಕಾಥೆದ್ರಾಲಾಚ್ಯಾ ಯುವ ಸಂಚಾಲನಾನ್ (RYM) ಆಗೋಸ್ತಾಚ್ಯಾ 3 ತಾರಿಕೆರ್ ಸಾಂಜೆರ್ 3 ವೊರಾರ್ ಚಲವ್ನ್ ವೆಲೊ. ಹ್ಯಾ ಸ್ಪರ್ಧ್ಯಾಂತ್ ಎಕೊಡೆಂ ಆನಿ ದೊಡೆಂ ಗಾಯಾನಾಕ್ ಫಿರ್ಗಜೆಚಿಂ 25 ಭುರ್ಗ್ಯಾಂನಿ ಭಾಗ್ ಘೆತ್ಲೊ. ಮಾ| ದಿಯಾಕೋನ್ ಪ್ಲೇವಿಯನ್ ಬಾಪ್ ತಶೆಂಚ್ ಸಾಂ ಆನ್ನಾ ಕೊವೆಂತಾಚಿ ಧರ್ಮ್‍ಭಯ್ಣ್ ಸಿ| ರೊಜ್‍ಮಿಟಾ ಹಾಂಣಿಂ ಸ್ಪರ್ಧ್ಯಾಚೆ ವ್ಹರವ್ಣಿ ಕೆಲಿ.
ಕಾಥೆದ್ರಾಲಾಚೆ ರೆಕ್ಟರ್ ಯುವ ಸಂಚಲಾನಾಚೆ ದಿರೆಕ್ತೊರ್ ಭೋವ್ ಮಾ| ಬಾ| ಜೆ. ಬಿ ಕ್ರಾಸ್ತಾ, ಮಾ| ಬಾ| ಆನಿಲ್ ಫೆರ್ನಾಂದ್ ಸಹಾಯಕ್ ದಿರೆಕ್ತೊರ್, ಮಾ| ಬಾಪ್ ವಿನ್ಸೆಂಟ್ ಸೋಜ್, ಫಿರ್ಗಜೆಚೊ ಉಪಾಧ್ಯಕ್ಷ್ ಶ್ರೀ ಸಿ. ಜೆ. ಸೈಮನ್, ತಶೆಂಚ್ ಜಾಯ್ತಿಂ ಫಿರ್ಗಜ್‍ಗಾರಾಂ ಭುರ್ಗ್ಯಾಂಚಿ ವ್ಹಡಿಲಾಂ ಹಾಜರ್ ಆಸ್‍ಲ್ಲಿಂ. ಕುಮಾರಿ ಪರ್ಲ್ ಹಾಣೆಂ ಕಾರ್ಯೆಂ ನಿರ್ವಹಣ್ ಕೆಲೆಂ. ಸಾಂಸ್ಕೃತಿಕ್ ಕಾರ್ಯದರ್ಶಿ ಸ್ವೀಡಲಾನ್ ಸ್ವಾಗತ್ ಕೆಲೆಂ ಆನಿ ಉಪಾಧ್ಯಕ್ಷ್ ಕ್ಲಿಯೊನಾನ್ ವಂದಿಲೆಂ. ವ್ಹಡಾಂಚೊ ಎಕೊಡೆಂ ಆನಿ ದೊಡೆಂ ಗಾಯನ್ ಸ್ವರ್ಧೊ ಸೆಪ್ಟೆಂಬರ್ 6ವೆರ್ ಮ್ಹಣ್ ತಿಳ್ಸಿಲೆಂ.
