Parish News

ಮಾರ್ಚಾಚ್ಯಾ 8 ತಾರಿಕೆ ಥಾವ್ನ್ 11 ತಾರಿಕೆ ಮ್ಹಣಾಸರ್ ಸಾಂಜೆಚೆಂ 5 ಥಾವ್ನ್ 8 ವ್ಹರಾಂ ಪರ್ಯಾಂತ್ ರುಜಾಯ್ ಕಾಥೆದ್ರಾಲಾಂತ್, ಫಿರ್ಗಜ್‍ಗಾರಾಂಕ್ ವಾರ್ಶಿಕ್ ರೆತೆರ್ ಚಲ್ಲಿ. ಹಿ ರೆತಿರ್ ಹರೇಕ್ ದೀಸ್ 4.30 ವ್ಹರಾರ್ ತೇರ್ಸ್ ಆನಿ ಖುರ್ಸಾ ವಾಟೆಚ್ಯಾ ಭಕ್ತಿಪಣಾ ಮುಕಾಂತ್ರ್ ಸುರ್ವಾತ್ ಕೆಲಿ. ಆರ್ಗಾಂ ಹೊಗ್ಳಾಪ್, ದೆವಾಚೆಂ ಉತಾರ್ ಆನಿ ನಿಯಾಳ್, ಮೀಸ್ ಆನಿ ಆರಾಧನಾ ಮುಕಾಂತ್ ಜೆಜುಚ್ಯಾ ಮೊಗಾಚೊ ಆನ್ಭೋಗ್ ಜೊಡುಂಕ್ ಸಾಧ್ಯ್ ಜಾಲೆಂ. ಹಿ ರೆತಿರ್ ಸಾಂತ್ ಆನ್ನಾ ಫ್ರಾಯರಿ, ಬಿಜೈ ಹಾಂಗಾಚೆ ಕಾಪುಜಿನ್ ಫ್ರಾದ್ ಮಾ| ಬಾಪ್ ಡೆರಿಕ್ ಡಿ’ಸೋಜ, ಮಾ| ಬಾ ಲ್ಯಾನ್ಸಿ ರೆಬೆಲ್ಲೊ, ಆನಿ ಮಾ| ಬಾಪ್ ಜವಾಹರ್ ಕುಟಿನ್ಹೊ ಹಾಂಣಿ ಚಲವ್ನ್ ವೆಲಿ. ಸಂಗೀತ್ ಆನಿ ಗಾಯಾನಾ ಮುಕಾಂತ್ರ್ ಆಮ್ಚಿಂ ಕಾಳ್ಜಾಂ ದೆವಾಥಂಯ್ ಉಬಾರ್ಚ್ಯಾಕ್ ಮಾನೆಸ್ತ್ ಜೋನ್ ಫೆರಾರ್ ಹಾಂಣೆ ಕುಮೊಕ್ ಕೆಲಿ. ರೆತಿರೆಚ್ಯಾ ಚಾರಾಂಯ್ ದಿಸಾಂನಿ ಫಿರ್ಗಜೆಚ್ಯಾ ಜಾಯ್ತ್ಯಾ ಲೊಕಾಂನಿ ಭಕ್ತಿನ್ ವಾಂಟೊ ಘೆವ್ನ್ ಆತ್ಮೀಕ್ ಫಾಯ್ದೊ ಜೊಡ್ಲೊ.