June 24, 2018 : ಭಾರತೀಯ್ ಕಥೊಲಿಕ್ ಭಿಸ್ಪಂಚ್ಯಾ ಮಂಡಳಿನ್ ಜೂನಾಚ್ಯಾ 24 ತಾರಿಕೆರ್ ಲಾಯಿಕಾಂಚೊ ದೀಸ್ ಆಚರಣ್ ಕರುಂಕ್ ಉಲೊ ದಿಲ್ಲೆ ಬಾಬ್ತಿಂ ದಿಯೆಸೆಜಿಂತ್ ತಶೆಂಚ್ ರುಜಾಯ್ ಕಾಥೆದ್ರಾಲಾಂತ್ ಲಾಯಿಕಾಂಚ್ಯಾ ದಿಸಾಚೆಂ ಆಚರಣ್ ಚಲ್ಲೆಂ. ಫಿರ್ಗಜಿಚ್ಯಾ ಸರ್ವ್ ಲಾಯಿಕಾಂನಿ ಹ್ಯಾ ಸಂಭ್ರಮಾಂತ್ ವಾಂಟೊ ಘೆತ್ಲೊ. ಮಾ|ಬಾ| ವಿಕ್ಟರ್ ಡಿ’ಸೋಜ, ರುಜಾಯ್ ಕಾಲೆಜಿಚೊ ಪ್ರಿನ್ಸಿಪಾಲ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಅರ್ಥಾಭರಿತ್ ಶೆರ್ಮಾವಾಂತ್ ತಾಣಿಂ ಪವಿತ್ರ್ ಸಭೆಂತ್ ಲಾಯಿಕಾಂಚೊ ಪಾತ್ರ್ ಆನಿ ಪವಿತ್ರ್ ಸ್ನಾನಾಂತ್ ತಾಂಕಾ ಲಾಬ್ಲೆಲೆಂ ತಿದೊಡೆಂ ಮಿಸಾಂವ್ ವಿವರಿಲೆಂ. ಪವಿತ್ರ್ ಸಭೆಂತ್ ಲಾಯಿಕಾಂಚೆ ಮುಖೆಲ್ಪಣ್ ಗರ್ಜೆಚೆಂ. ರಾಜಕೀಯ್ ತಶೆಂಚ್ ಹೆರ್ ಕ್ಷೇತ್ರಾಂನಿ ಲಾಯಿಕಾಂನಿ ಆಪ್ಲೆಂ ಮುಖೆಲ್ಪಣ್ ದಾಕಂವ್ಕ್ ಜಾಯ್ ಮ್ಹಣ್ ಉಲೊ ದಿಲೊ. ತ್ಯಾ ದಿಸಾಚಿ ಲಿತುರ್ಜಿ ಲಾಯಿಕಾನಿಂಚ್ ಚಲೊವ್ನ್ ವ್ಹೆಲಿ.
.jpg)
.jpg)
