Parish News

ಮಾರ್ಚ್ 15: ರುಜಾಯ್ ಕಾಥೆದ್ರಾಲಾಂತ್ ಕೊರೊನಾ ವೈರಸ್ ಸಂಬಂದಿ ಲೊಕಾಕ್ ಸಾರ್ಕಿ ಸಮ್ಜಣಿ ದಿಂವ್ಚ್ಯಾ ಖಾತಿರ್ ರುಜಾಯ್ ಕಾಥೆದ್ರಾಲಾಂತ್ ಹರ್ಯೆಕಾ ಮಿಸಾ ಉಪ್ರಾಂತ್ ಜಾಗೃತಿ ಮಾಂಡುನ್ ಹಾಡ್ಲಿ. ಸಾಂ ರಿತಾ ವಾಡ್ಯಾಚಿ ಡಾ| ರೋಶಲ್ ಆನಿ ಡಾ| ಆನಂದ್ ಲೊಕಾಲಾಗಿಂ ಉಲೊವ್ನ್ ಹಿ ಪಿಡಾ ಕಶೆಂ ಬದಲ್ತಾ ಆನಿ ಹ್ಯಾ ಪಿಡೆ ಸಂಬಂದಿ ಕಶೆಂ ಆಮಿ ಆಮ್ಚ್ಯಾ ಭಲಾಯ್ಕೆಚಿ ಜಾಗ್ರುತ್ ಕರಿಜೆ ಮ್ಹಣ್ ತಿಳ್ಸಿಲೆಂ. ಮಿಸಾ ನಂತರ್ ಲೊಕಾಚ್ಯಾ ಸವಾಲಾಂಕ್ ಜಾಪಿ ದಿಲ್ಯೊ. ಕಾಥೆದ್ರಾಲಾಚ್ಯಾ ರೆಕ್ಟರ್ ಬಾಪಾಂನಿ ಹ್ಯಾ ಪಿಡೆ ವಿಶಿಂ ದೇವ್‍ಸ್ತುತೆ ವೆಳಾರ್ ಘೆಜೆ ಜಾಲ್ಲಿ ಜಾಗ್ರುತ್ಕಾಯೆ ವಿಶಿಂ ತಿಳ್ಸಿಲೆಂ ಆನಿ ಗೊವ್ಳಿಬಾಪಾಂನಿ ದಿಲ್ಲೆ ಹಿಶಾರೆ ವಾಚುನ್ ಸಾಂಗ್ಲೆ ಅನಿ ಪ್ರತ್ಯೇಕ್ ರಿತಿನ್ ಹ್ಯಾ ಪಿಡೆ ವರ್ವಿಂ ಕಷ್ಟುಂಚ್ಯಾ ಲೊಕಾ ಖಾತಿರ್, ದಾಕ್ತೆರಾಂ, ನರ್ಸಾಂ ಆನಿ ಆಸ್ಪತ್ರೆಚ್ಯಾ ಶಿಬ್ಬಂದಿ ಖಾತಿರ್ ಮಾಗುಂಕ್ ಉಲೊ ದಿಲೊ.