Parish News

2021 ದಶಂಬರ್ 24ಚ್ಯಾ ರಾತಿಂ ರುಜಾಯ್ ಕಾಥೆದ್ರಾಲಾಂತ್ ಕ್ರಿಸ್ಮಸ್ ಫೆಸ್ತ್ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಕಾಥೆದ್ರಾಲಾಚೊ ರೆಕ್ಟರ್ ಮಾ|ಬಾ| ಆಲ್ಫ್ರೆಡ್ ಜೆ ಪಿಂಟೊನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ, ಸಹಾಯಕ್ ಮಾ|ಬಾ| ವಿನೋದ್ ಲೋಬೊನ್ ಪ್ರಸಂಗ್ ದಿಲೊ, ಪ್ರಾಂಶುಪಾಲ್ ಮಾ|ಬಾ| ವಿಕ್ಟರ್ ಡಿ’ಸೋಜಾ ಹಾಣಿಂ ಮಿಸಾಚಿ ಸಹಭೆಟವ್ಣಿ ಕೆಲಿ. ಫಿರ್ಗಜ್ ಕುಟ್ಮಾನ್ ದೇವ್‍ಸ್ತುತಿ ಚಲವ್ನ್ ವ್ಹೆಲಿ.

ಸಾಂಜೆರ್ 7.00 ವ್ಹರಾರ್ ಕ್ಯಾರಲ್ಸ್- ಕ್ರಿಸ್ಮಸ್ ಗಿತಾಂ ಗಾಯ್ಲಿಂ. ಮಿಸಾ ಉಪ್ರಾಂತ್ ಬಾಳ್ಕಾಚೊ ನಮಾನ್ ಆಸ್‍ಲ್ಲೊ. ಉಪ್ರಾಂತ್ ಆರ್‍ವೈಎಮ್ ಸಾಂದ್ಯಾಂನಿ ಕ್ರಿಸ್ಮಸ್ ಕಾರ್ಯೆಂ ಆಸಾ ಕೆಲ್ಲೆಂ. ಕೇಕ್ ಕಾತರ್ಲಿ. ಕುಸ್ವಾರ್ ಬಾಸ್ಕೆಟ್ ಏಲಂ ಆಸ್‍ಲ್ಲೆಂ ತೆಂ ಉಪಾಧ್ಯಕ್ಷಿಣೆನ್ ಘೆತ್ಲೆಂ. ಉಪ್ರಾಂತ್ ಹೌಸಿ ಹೌಸಿ ಖೆಳ್ ಆಸಾ ಕೆಲ್ಲೊ, ಸಾಂ ಪಾವ್ಲ್ ವಾಡ್ಯಾಗಾರಾಂ ಹಾಚೆ ದಾನಿ ಜಾವ್ನಾಸ್‍ಲ್ಲೆ.

25 ತಾರಿಕೆರ್ ಸಕಾಳಿಂ 8.00 ವ್ಹರಾಂಚೆಂ ಮಿಸಾಚೆಂ ಬಲಿದಾನ್ ಮಂಗ್ಳುರ್ಚೊ ಗೊವ್ಳಿಬಾಪ್ ಅ|ಮಾ|ದೊ| ಪೀಟರ್ ಪಾವ್ಲ್ ಸಲ್ಡಾನ್ಹಾ ಹಾಣಿಂ ಭೆಟಯ್ಲೆಂ. ಸಾಂ ಅರ್ಸುಲ ಕೊವೆಂತಾಚಾ ಧರ್ಮ್ ಭಯ್ಣ್ಯಾಂನಿ ದೇವ್ ಸ್ತುತಿ ಚಲವ್ನ್ ವ್ಹೆಲಿ.