Parish News

27.02.2022 ವೆರ್ ಆಯ್ತಾರಾ ಸಕಾಳಿಚ್ಯಾ 9.00 ವೊರಾರ್ ಮಿಸಾಚಾ ಬಲಿದಾನಾ ಸವೆಂ ರುಜಾಯ್ ಫಿರ್ಗಜ್ ದಿಸಾಚಾ ಸಂಭ್ರಮಾಚೊ ಆರಂಭ್ ಜಾಲೊ. ಫಿರ್ಗಜ್ ವಿಗಾರ್ ಮಾನಾದಿಕ್ ಬಾಪ್ ಆಲ್ಫ್ರೇಡ್ ಜೆ ಪಿಂಟೊ , ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ಬಾಪ್ ವಿಕ್ಟರ್ ಡಿ ಸೋಜಾ , ಬಾಪ್ ಅನಿಲ್ ಐವನ್ ಫೆರ್ನಾಂಡಿಸ್ ಆನಿ ಪ್ರದಾನ್ ಯಾಜಕ್ ಜಾವ್ನ್ ಮಾನಾದಿಕ್ ಬಾಪ್ ಶೋನ್ ರೊಡ್ರಿಗಸ್ ಹಾಂಚಾ ಸವೆಂ ಸಗ್ಳೆಂ ಫಿರ್ಗಜ್ ಕುಟಾಮ್ ಸಾಂಗಾತಾ ಮೆಳೊನ್ ಮಿಸಾಚೆಂ ಬಲಿದಾನ್ ಭೆಟೈಲೆಂ. ಬಾಪ್ ಶೋನ್ ರೊಡ್ರಿಗಸಾನ್ ಫಿರ್ಗಜ್ ಕುಟ್ಮಾಂತ್ ಸರ್ವಾಂಚೆಂ ಸಾಂಗಾತ್‍ಪಣ್, ಮೆತೆರ್ಪಣ್ ಆನಿ ಉದಾರ್ಪಣ್ ಕಿತ್ಲೆಂ ಗರ್ಜೆಚೆಂ ಮ್ಹಳ್ಯಾ ವಿಶಿಂ ಸಾರ್ಕಿ ಸಮ್ಜಣಿ ದಿಲಿ.

ಮಿಸಾ ನಂತರ್ ಸರ್ವಾಂನಿ ತಂಡ್ ಪೀವನ್ ಆನಿ ಫಳ್ಹಾರ್ ಸೆವ್ನ್ ಮನೋರಂಜನ್ ಕಾರ್ಯಾಕ್ ಕಲ್ಚರಲ್ ಸಾಲಾಂತ್ ಸರ್ವಾಂ ಸಾಂಗಾತಾ ಮೆಳ್ಳಿಂ. ಸುರ್ವೆಕ್ ಎಕಾ ಗೀತಾ ದ್ವಾರಿ ದೆವಾಚೊ ಆಧಾರ್ ಮಾಗ್ಲೊ. ಭುರ್ಗ್ಯಾಂನಿ ಸ್ವಾಗತ್ ನಾಚ್ ನಾಚೊನ್ ಸರ್ವಾಂಕ್ ಸ್ವಾಗತ್ ಕೆಲೊ.

ಸುರ್ವೆರ್ ವೆದಿ ಕಾರ್ಯೆ ಅಸಾ ಕೆಲ್ಲೆಂ . ವೆದಿಚೆರ್ ಅಧ್ಯಕ್ಷ್ ಜಾವ್ನ್ ವಿಗಾರ್ ಬಾಪ್ ಆಲ್ಫ್ರೇಡ್ ಜೆ ಪಿಂಟೊ, ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ರುಜಾಯ್ ಪದವಿ ಪೂರ್ವ್ ಕೊಲೆಜಿಚೆಂ ಪ್ರಾಂಶುಪಾಲ್ ಬಾಪ್‍ವಿಕ್ಟರ್ ಡಿ ಸೋಜಾ , ಕೆನಾರಾ ಕಮ್ಯುನಿಕೇಶನ್ ಸೆಂಟರಾಚೆ ದಿರೆಕ್ತೊರ್ ಆನಿ ಗ್ಲಾಡ್ಸಮ್ ಹೋಮಾಚೆಂ ರೆಕ್ಟರ್ ಬಾಪ್ ಅನಿಲ್ ಐವನ್ ಫೆರ್ನಾಂಡಿಸ್ , ಮುಖೆಲ್ ಸೈರೆ ಜಾವ್ನ್ ಬಾಪ್ ಶೋನ್ ರೋಡ್ರಿಗಸ್ , ರುಜಾಯ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಮಾನೆಸ್ತ್ ಗಿಲ್ಬರ್ಟ್ ಡಿ ಸಿಲ್ವಾ ಆನಿ ಕಾರ್ಯದರ್ಶಿ ಮಾನೆಸ್ತಿನ್ ಹೆಝಿಲ್ ಮಿನೇಜಸ್ ಹಾಜರ್ ಆಸ್‍ಲ್ಲಿಂ. ಮಾನಾದಿಕ್ ಬಾಪ್ ವಿನೋದ್ ಲೋಬೊನ್ ವೆದಿಚೆರ್ ಹಾಜರ್ ಆಸ್‍ಲ್ಲ್ಯಾಂಕ್ ಆನಿ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗ್ಲೊ. ಉಪಾಧ್ಯಕ್ಷ್ ಮಾನೆಸ್ತ್ ಗಿಲ್ಬರ್ಟ್ ಡಿ ಸಿಲ್ವಾನ್ ಫುಲಾಂ ದೀವ್ನ್ ವೆದಿಚೆರ್ ಆಸ್‍ಲ್ಲ್ಯಾ ಮಾನೆಸ್ತಾಂಕ್ ಸ್ವಾಗತ್ ಕೆಲೊ . ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಮಾನೆಸ್ತಿನ್ ಹೆಝಿಲ್ ಮಿನೇಜಸಾನ್ 2020-2021 ಆನಿ 2021-2022 ಹ್ಯಾ ದೋನ್ ವರ್ಸಾಂಚಿ ವರ್ದಿ ಸಭೆ ಮುಕಾರ್ ದವರ್ಲಿ.

ಉಪ್ರಾಂತ್ ಸನ್ಮಾನ್ ಕಾರ್ಯೆ ಆಸಾ ಕೆಲ್ಲೆಂ . ಮಾನೆಸ್ತಿಣ್ ಎಲಿಜಬೆತ್ ರೋಚ್ ಆದ್ಲಿ ಉಪಾಧ್ಯಕ್ಷಿಣೆನ್ ಹೆಂ ಕಾರ್ಯೆಂ ಚಲೊವ್ನ್ ವ್ಹೆಲೆಂ . ಬಾಪ್ ಅನಿಲ್ ಐವನ್ ಫೆರ್ನಾಂಡಿಸ್ , ಬಾಪ್ ಶೋನ್ ರೊಡ್ರಿಗಸ್ , ಮಾನೆಸ್ತ್ ಜೋನ್ ಡಿ ಸಿಲ್ವಾ , ಮಾನೆಸ್ತ್ ಲೊರೆನ್ಸ್ ಟೆಲ್ಲಿಸ್ , ಮಾನೆಸ್ತ್ ಆಲ್ವಿನ್ ತಾವ್ರೊ , ಮಾನೆಸ್ತ್ ಐವನ್ ಪಿಂಟೊ , ಮಾನೆಸ್ತ್ ಮಾರ್ಸೆಲ್ ಡಿ ಸೋಜಾ ( ಮಿರ್ನ್ಯಾಮ್ ), ಮಾನೆಸ್ತ್ ಬ್ಲಾನಿ ಡಿ ಸೋಜಾ , ಮಾನೆಸ್ತಿನ್ ಎಲಿಜಬೆತ್ ರೋಚ್ , ಮಾನೆಸ್ತಿನ್ ಗ್ಲಾಡಿಸ್ ಪಿರೇರಾ , ಮಾನೆಸ್ತಿನ್ ವಿಲೆಟ್ ಆಲ್ಮೇಡಾ ಆನಿ ಮಾನೆಸ್ತಿನ್ ರೊಸೀನಾ ಫ್ಲೋರೆನ್ಸ್ ಡಿ ಸೋಜಾ ಹಾಂಕಾ ಸರ್ವಾಂಕ್ ಶೋಲ್ ಪಾಂಗ್ರೊನ್ ಆನಿ ಫುಲಾಂಚೊ ತುರೊ ದೀವ್ನ್ ವಿಗಾರ್ ಬಾಪಾಂನಿ ಸನ್ಮಾನ್ ಕೆಲೊ. ಸನ್ಮಾನ್ ಸ್ವೀಕಾರ್ ಕೆಲ್ಲ್ಯಾ ಸರ್ವಾಂಚಾ ತರ್ಫೆನ್ ಮಾನೆಸ್ತ್ ಜೋನ್ ಡಿ ಸಿಲ್ವಾ ಹಾಣಿ ತಾಂಚಿ ಭೊಗ್ಣಾಂ ಉಚಾರ್ಲಿ.

2021 ವರ್ಸಾಚಾ ನತಾಲಾಂಚಾ ಫೆಸ್ತಾ ಸಂಧರ್ಬಿ ಫಿರ್ಗಜೆಂತ್ ಅಸಾ ಕೆಲ್ಲ್ಯಾ ಗರ್ದನಾಚ್ಯಾ ಗೊಟ್ಯಾಕ್ ದಾಯ್ಜಿವಾಲ್ಡ್ ಟಿವಿ ಉಡುಪಿ ಹಾಣಿ ದುಸ್ರೆಂ ಸ್ಥಾನ್ ಆನಿ ಸ್ಪಂದನಾ ಟಿವಿ ಹಾಂಚಾ ತರ್ಫೆನ್ ಚೊವ್ತೆಂ ಸ್ಥಾನ್ ಲಾಬ್‍ಲ್ಲೆಂ, ಹಾಚೆ ಖಾತಿರ್ ವಾವ್ರ್ ಕೆಲ್ಲ್ಯಾ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸ್ ಆನಿ ತಾಚಾ ಸಾಂಗಾತ್ಯಾಂಕ್ ಉಲ್ಲಾಸಿಲೆಂ ಆನಿ ಫುಲಾಂಚೊ ತುರೊ ದೀವ್ನ್ ಸನ್ಮಾನ್ ಕೆಲೊ.

ಉಪ್ರಾಂತ್ ಕಾರ್ಯಾಚೊ ಮುಖೆಲ್ ಸೈರೊ ಜಾವ್ನಾಸ್ಲ್ಯಾ ಬಾಪ್ ಶೋನ್ ರೊಡ್ರಿಗಸ್ ಆನಿ ಅಧ್ಯಕ್ಷ್ ಸ್ಥಾನ್ ಘೆತ್ಲ್ಯಾ ವಿಗಾರ್ ಬಾಪಾಂನಿಂ ಸಂದೇಶ್ ದಿಲೊ. ಮಾನೆಸ್ತ್ ವಿನಯ್ ಸೆರಾವೊನ್ ಸರ್ವಾಂಚೊ ಉಪ್ಕಾರ್ ಆಟೈಲೊ.

ವೆದಿಕಾರ್ಯೆ ಸಂಪ್ತಾಚ್ಚ್ ಮನೋರಂಜನ್ ಕಾರ್ಯೆ ಆಸಾ ಕೆಲ್ಲೆಂ . ಫಿರ್ಗಜೆಚ್ಯಾ ಲ್ಹಾನಾಂ ಭುರ್ಗ್ಯಾಂನಿ , ವೈ.ಸಿ.ಎಸ್ ಸಾಂದ್ಯಾಂನಿ, ಗ್ಲಾಡ್ಸಮ್ ಹೋಮಾಚೆ ಬ್ರದರ್ಸ್ , ಸೈಂಟ್ ಆ್ಯನ್ಸ್ ಕೊವೆಂತಾಚಾ ಕ್ಯಾಡಿಂಡೆಟ್ಸಾಂನಿ ಆನಿ ಪ್ರಾಯ್ವಂತಾಂನಿ ಸಾಂಗಾತಾ ಮೆಳೊನ್ ವಿವಿಧ್ ರಿತಿಚೆಂ ನಾಟ್ಕುಳೆ, ಪದಾಂ ಆನಿ ನಾಚ್ ಅಸಾ ಕೆಲೆಂ. ದೊತೊರ್ನ್ ಶಿಕೊಂವ್ಚ್ಯಾ ಟಿಚೆರಾಂನಿ, ಸಿಸ್ಟೆರಾಂನಿ , ಆನಿ ಮಾನೆಸ್ತ್ ಲೆಸ್ಟರ್ ಮಾಡ್ತಾ ಹಾಣಿ ಸರ್ವಾಂಕ್ ತರ್ಭೆತಿ ದೀಂವ್ನ್ ಹೆಂ ಸಗ್ಳೆಂ ಮನೋರಂಜನ್ ಕಾರ್ಯೆಂ ಯಶಸ್ವಿ ಜಾಂವ್ಚೆ ಬರಿ ಕೆಲೆಂ.

ಉಪ್ರಾಂತ್ ಹೌಸಿ-ಹೌಸಿ ಆನಿ ಲಕ್ಕಿ ಕುಪಾನಾಚೊ ಡ್ರಾ ಆಸಾ ಕೆಲ್ಲೊ . ಥೊಡೆ ಸ್ಪೋಟ್ ಗೇಮ್ಸ್ ಯೀ ಆಸಾ ಕೆಲ್ಲೆ. ಖೆಳಾಂನಿ ಜಿಕ್ಲೆಲ್ಯಾಂಕ್ ಬಹುಮಾನಾ ವಿತರಣ್ ಕೆಲೆಂ . ಮಾನೆಸ್ತ್ ಗಿಲ್ಬರ್ಟ್ ಡಿ ಸಿಲ್ವಾನ್ ಹ್ಯಾ ಕಾರ್ಯಾಚ್ಯಾ ಯಶಸ್ವೆಕ್ ಕಾರಾಣ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟೈಲೊಂ. ಮಾನೆಸ್ತ್ ವಿನಯ್ ಸತಾವೊನ್ ಸಗ್ಳೆ ಕಾರ್ಯೆಂ ಬೋವ್ ಆಪುರ್ಬಾಯೆನ್ ನಿರ್ವಹಣ್ ಕೆಲೆಂ . ಬಾಪ್ ಅನಿಲ್ ಫೆರ್ನಾಂಡಿಸ್ ಹಾಣಿ ಜೆವ್ಣಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ಸರ್ವಾನಿಂ ದಾದೊಶಿ ಜೆವಾಣ್ ಸೆವ್ಲ್ಯಾ ನಂತರ್ ಲೊಕಾ ಮೊಗಾಳ್ ಬಾಯ್ಲಾ ನಾಚ್ ಅಸಾ ಕೆಲ್ಲೊ ಆನಿ ಸಬಾರಾಂನಿ ಹಾಂತುಂ ಭಾಗ್ ಘೆತ್ಲೊ.