Parish News

ಆಮ್ಚ್ಯಾ ಸೊಡ್ವಣ್ದಾರಾ ಜೆಜು ಕ್ರಿಸ್ತಾನ್ ಆಪ್ಲೆಂ ಕಷ್ಟ್ ಮರಣ್ ಸೊಸ್ಚ್ಯಾಕ್ ಜೆರುಜಲೆಮಾಕ್ ಜಯ್ತೆವಂತ್ ಪ್ರವೇಶ್ ದಿಲ್ಲೊ ಉಗ್ಡಾಸ್ ಕಾಡುನ್ ಸೊಮ್ಯಾಚ್ಯಾ ಕಷ್ಟಾಂಚ್ಯಾ ಅಯ್ತಾರಾ ಎಪ್ರಿಲ್ 10 2022 ವೆರ್ ರುಜಾಯ್ ಇಸ್ಕೊಲಾಚ್ಯಾ ಮಯ್ದಾನಾಂತ್ ಥಾವ್ನ್ ತಾಳಿಯಾಂಚೊ ಪುರ್ಶ್ಯಾಂವ್ ಕಾಡ್ಲೊ. ತ್ಯಾಗ್ ಆನಿ ಸಾಕ್ರ್ಫಿಸಾಚೊ ಘುರ್ತ್ ಆಟಾಪ್ಚ್ಯೋ ತಾಳಿಯೊ ಘೆವುನ್ ಆಮ್ಚ್ಯಾ ಮೊಗಾಚೊ, ಭೊಗ್ಸಣ್ಯಾಚೊ ಆನಿ ಶಾಂತಿಚೊ ಶೆಲೊ ಹಾಂತುಳ್ನ್ ಜೆಜುಕ್ ಆಮ್ಚ್ಯಾ ಕಾಳ್ಜಾಂತ್ ಪ್ರವೇಶ್ ದಿಂವ್ಚ್ಯಾಕ್ ಹೊ ದೀಸ್ ವ್ಹಡ್ ಮಹತ್ವಾಚೊ. ಪ್ರಧಾನ್ ಮಣಿಯಾರಿ ಜಾವ್ನ್ ಆಧಿಕ್ ಮಾನಾಧಿಕ್ ದೊತೊರ್ ಪೀಟರ್ ಪಾವ್ಲ್ ಸಲ್ಡಾನ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.

ಪಾಸ್ಕಾ ಫೆಸ್ತಾಚೊ ತ್ರಿದುಮ್ ಸೊಮ್ಯಾಚ್ಯಾ ಜೆವ್ಣಾಚೊ ಸಂಭ್ರಮ್ ಸಂಭ್ರಮ್ಚೆ ಮುಕಾಂತ್ರ್ ಆರಂಭ್ ಜಾಲೊ. ಎಪ್ರಿಲ್ 14 ತಾರಿಕೆರ್ ಬ್ರೆಸ್ತಾರಾ ಸಾಂಜೆರ್ 6 ವ್ಹರಾರ್ ವಿಗಾರ್ ಬಾಪ್ ಆಲ್ಪ್ರೆಡ್ ಜೆ. ಪಿಂಟೊನ್ ಭೋವ್ ದಬಾಜಿಕ್ ರಿತಿನ್ ಹೊ ಸಂಭ್ರಮ್ ಚಲಯ್ಲೊ. ಹೊ ಸಂಭ್ರಮ್ ತಿದೊಡೊ ಸಂಭ್ರಮ್ ಜಾವ್ನಾಸೊನ್, ಜೆಜುನ್ ಎವ್ಕರಿಸ್ತಾಚೊ ಸಂಸ್ಕಾರ್ ಆನಿ ಯಾಜಕೀ ಮಣಿಯಾರ್ಪಣಾಚೊ ಸಂಸ್ಕಾರ್ ಘಡ್ಲ್ಲ್ಯಾಚೊ ಉಗ್ಡಾಸ್ ತಶೆಂಚ್ ಮೊಗಾ ಸೆವೆಚೊ ಉಪದೆಸ್ ಆಟಾಪ್ಲಲೊ. ವಿಗಾರ್ ಬಾಪ್ ಆಲ್ಪ್ರೆಡ್ ಜೆ. ಪಿಂಟೊ ಹಾಂಣಿ ಜೆಜುಚೊ ಆದೇಶ್ ಪಾಳ್ನ್ ಸ್ರೀಯೊ, ದಾದ್ಲೆ, ಪಿಡೆಸ್ತ್, ಯುವಜಣ್, ಕಾಮೆಲಿ ಆನಿ ಶಿಕ್ಪಿ ಆಸ್ಲ್ಲ್ಯಾ 12 ಜಣಾಂಚೆಂ ಪಾಂಯ್ ಧುಲೆ. ಹ್ಯಾ ಭಾಗಿ ದಿಸಾ ಜೆಜುನ್ ಯಜಾಕೀ ಸಂಸ್ಕಾರ್ ಘಡ್ಲ್ಲೊ ಉಗ್ಡಾಸ್ ಕಾಡ್ನ್, ಆಮ್ಚ್ಯಾ ಗೊವ್ಳಿಬಾಪಾ ಪಾಸತ್ ಆನಿ ಸರ್ವ್ ಯಾಜಕಾಂ ಪಾಸತ್ ಮಾಗ್ಣಿಂ ಭೆಟಯ್ಲಿಂ. ಮಿಸಾಚ್ಯಾ ಆಕ್ರೇಕ್ ಕ್ರೀಸ್ತ್ ಪ್ರಸಾದ್ ವಿಶೆವಾಚ್ಯಾ ಆಲ್ತಾರಿಕ್ ಪುರ್ಶಾಂವಾರ್ ವರ್ನ್ ಎಕಾ ಘಂಟ್ಯಾಚೆಂ ಆರಾಧನ್ ಚಲ್ಲೆಂ. ಹೆಂ ಆರಾಧನ್ ರೆಕ್ಟರ್ ಭೋವ್ ಮಾನಾಧಿಕ್ ಬಾಪ್ ವಿನೋದ್ ಲೋಬೊ ಹಾಂಣಿ ಚಲವ್ನ್ ವ್ಹೆಲೆಂ.

ಪಾಸ್ಕಾಚ್ಯಾ ತ್ರಿದುಮಾಚೊ ದುಸ್ರೊ ಸ0ಭ್ರಮ್ – ಜೆಜುಚಾ ಕಷ್ಟಾ0-ಮರ್ಣಾಚೊ ದೀಸ್. ಹೊ ದೀಸ್ ಲಿತುರ್ಜಿಕ್ ವರ್ಸಾ0ತ್ಚ್ ವಿಶೇಷ್ ಮಹತ್ವಾಚೊ ಆನಿ ಗ0ಭೀರಾಯೆಚೊ. ಎಪ್ರೀಲ್ 15 ಸುಕ್ರಾರಾ, ಸಗ್ಳ್ಯಾ ರುಜಾಯ್ಚ್ಯಾ ಕ್ರಿಸ್ತೀ ಪರ್ಜೆನ್ ಸೊಡ್ವಣ್ದಾರ್ ಜೆಜುಚಾ ಪಾಶಾ0ವಾಚೊ ನಿಯಾಳ್ ಕೆಲೊ. ಸಕಾಳಿಂ 8.00 ವ್ಹರಾರ್ ಇಗರ್ಜೆಚ್ಯಾ ಮೈದಾನಾರ್ ಎಕಾ ವೊರಾಚಿ ಚಲೊವ್ನ್ ವ್ಹೆಲಿ. ಜಾಯ್ತೊ ಲೋಕ್ ಹ್ಯಾ ಖುರ್ಸಾವಾಟೆಚ್ಯಾ ಭಕ್ತಿಪಣಾಂತ್ ವಾಂಟೆಲಿ ಜಾಲ್ಲೊ. ದಿಸಾ ಮಧೆಂ ಜಾಯ್ತಿಂ ಜಣಾಂ ವಿಶೇವಾಚ್ಯಾ ಆಲಾರಿ ಸಾಮ್ಕಾರ್ ಯೇವ್ನ್ ಮೌನ್ ಆರಾಧಾನಾಂತ್ ವಾಂಟೊ ಘೆತ್ಲೊ. ಸಾಂಜೆರ್ 5 ವ್ಹರಾರ್ ದೇವ್ಸ್ತುತೆಚಿ ಸೆರೆಮನಿ ಆರಂಭ್ ಜಾಲಿ. ದೆವಾಚ್ಯಾ ಉತ್ರಾಚಿ ಪರ್ಗಟ್ಣಿ ಜಾಲ್ಯಾ ಉಪ್ರಾಂತ್ ಜೆಜುಚ್ಯಾ ಕಶ್ಟಾಂಚೊ ಪಾಶಾಂವ್ ಆಧಿಕ್ ಮಾನಾಧಿಕ್ ದೊತೊರ್ ಪೀಟರ್ ಪಾವ್ಲ್ ಸಲ್ಡಾನಾ ಭಿಸ್ಪಾಂನಿ, ಬಾಪ್ ವಿನೋದ್ ಲೋಬೊ ಆನಿ ಬಾಪ್ ವಿಕ್ಟರ್ ಡಿಸೋಜಾ ಹಾಂಣಿಂ ಗಾಯನ್ ಕೆಲೊ. ನಿಮಾಣ್ಯಾ ಜೆವ್ಣಾರ್ ಜೆಜುನ್ ಸ0ಸಾರಾಚಾ ಎಕ್ವಟಾ ಪಾಸತ್ ಬಾಪಾಲಾಗಿ0 ಪ್ರಾರ್ಥನ್ ಕೆಲ್ಲೆ0 ಮತಿಂತ್ ದವರುನ್ ವಿಗಾರ್ ಬಾಪ್ ಆಲ್ಪ್ರೆಡ್ ಜೆ. ಪಿಂಟೊ ಆನಿ ಭಿಸ್ಪಾಂನಿ ಪವಿತ್ರ್ ಸಭೆ ಪಾಸತ್ ಆನಿ ಸರ್ವ್ ಮನ್ಶಾ0 ಪಾಸತ್ ಮಾಗ್ಣಿ0 ತಶೆಂಚ್ ಇತರ್ ಇರಾದ್ಯಾಂ ಪಾಸತ್ ಮಾಗ್ಣಿಂ ಭೆಟಯ್ಲಿಂ. ಪವಿತ್ರ್ ಖುರ್ಸಾಕ್ ಮಾನ್ ಭಾಗವ್ನ್ ಖುರ್ಸಾಚೆಂ ಭಜನ್ ಕರ್ನ್ ನಮಸ್ಕಾರ್ ಕೆಲೊ. ಸೆರೆಮನಿಚ್ಯಾ ಆಕ್ರೇಕ್ ಮಾನಾಧಿಕ್ ಬಾಪ್ ವಿಕ್ಟರ್ ಡಿಸೋಜಾ ಹಾಂಣಿಂ ಖುರ್ಸಾಚೆರ್ ನಿಯಾಳ್ ದೀವ್ನ್ ‘ಖುರಿಸ್- ಆಮ್ಚೆಂ ಜಿವಿತ್ ಆನಿ ಖುರ್ಸಾವಾಟ್ ಆಮ್ಚಿ ಜಿವಿತಾಚಿ ವಾಟ್’ ಮ್ಹಳ್ಳೊ ಸಂದೇಶ್ ದಿಲೊ. ಉಪ್ರಾಂತ್, 2,000 ವರ್ಸಾ0 ಆದಿ0 ಕಾಲ್ವಾರ್ ದೊ0ಗ್ರಾರ್ ಖುರ್ಸಾರ್ ಮೆಲ್ಲ್ಯಾ ಜೆಜುಚಿ ನಿರ್ಜೀವ್ ಕೂಡ್ ತಾಚಾ ಶಿಸಾ0ನಿ ದೆ0ವವ್ನ್ ನಿಕೆಪಿಲ್ಲೊ ಉಡಾಸ್ ಹಾಡ್ಚೊ ಸ0ಪ್ರದಾಯ್ ಚಲ್ಲೊ. ಹಾಜರ್ ಜಾಲ್ಲ್ಯಾ ಸರ್ವಾಂನಿ ಹಾ0ತುನ್ ಕ್ರಿಯಾಳ್ ಭಾಗ್ ಘೆತ್ಲೊ. ಉಪ್ರಾ0ತ್ ಚಲ್ಲ್ಲ್ಯಾ ಜೆಜುಚ್ಯಾ ರೆಲಿಕೆಚ್ಯಾ ಪುರ್ಶಾ0ವಾ ವೆಳಾರ್ ಸರ್ವಾಂನಿ ಭಕ್ತಿನ್ ವಾಂಟೊ ಘೆವ್ನ್ ಜೆಜು ಥ0ಯ್ ಆಸ್ಚೊ ಮೋಗ್ ಆನಿ ವಿಶ್ವಾಸ್ ಉಗ್ತ್ಯಾನ್ ಪರ್ಗಟ್ಲೊ.

ಎಪ್ರಿಲ್ 16 ವೆರ್ ಪಾಸ್ಖಾಚೆ ಜಾಗ್ರಣೆಚಿ ಭೋವ್ ಪವಿತ್ರ್ ರಾತಿಂ ಸಾಂಜೆರ್ 7.00 ವ್ಹರಾರ್ ಆಧಿಕ್ ಮಾನಾಧಿಕ್ ದೊತೊರ್ ಪೀಟರ್ ಪಾವ್ಲ್ ಸಲ್ಡಾನಾ ಹಾಣಿ ಉಜೊ ಬೆಂಜಾರ್ ಕರ್ನ್ ಪಾಸ್ಕಾಚಿ ವಾತ್ ಪೆಟಯ್ಲಿ. ಉಪ್ರಾಂತ್ ಪಾಸ್ಕಾಚೊ ವೈಭವ್ ಆನಿ ಮಹತ್ವ್ ಪರ್ಗಟ್ಚೆಂ ಬೋವ್ ಪುರಾತನ್ ಗೀತ್ ‘ಪಾಸ್ಕಾಚಿ ಮಹಾಸ್ತುತಿ’ ಜಳ್ತ್ಯಾ ವಾತಿ ಸವೆ0 ವಿಗಾರ್ ಬಾಪ್ ಆಲ್ಪ್ರೆಡ್ ಜೆ. ಪಿಂಟೊನಿ ಗಾಯ್ಲೆಂ. ದೆವಾಚ್ಯಾ ಸಬ್ದಾಚೊ ಸೆವಾಧರ್ಮಾಚ್ಯಾ ಭಾಗಾಂತ್ ಪರ್ನ್ಯಾ ಸೊಲ್ಲ್ಯಾಂತ್ಲಿ ತೀನ್ ವಾಚ್ಪಾಂ ಆನಿ ನವ್ಯಾ ಸೊಲ್ಲ್ಯಾಂತ್ಲೆಂ ಏಕ್ ವಾಚಪ್ ವಾಚ್ಲ್ಲ್ಯಾ ಉಪ್ರಾಂತ್ ಜೆಜುಚ್ಯಾ ಜೀವಂತ್ಪಣಾಚೆರ್ ಭಿಸ್ಪ್ ಸಾಯ್ಬಾಂನಿ ಭೋವ್ ಆರ್ಥಾಭರಿತ್ ಪ್ರಸಂಗ್ ದಿಲೊ. ಮಿಸಾಚ್ಯಾ ಆಕ್ರೇಕ್ ರೆಕ್ಟರ್ ಬಾಪ್ ಆಲ್ಪ್ರೆಡ್ ಜೆ. ಪಿಂಟೊ ಹಾಂಣಿಂ ಸರ್ವಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ. ಭಿಸ್ಪ್ ಸಾಯ್ಬಾಂನಿ ಫೆಸ್ತಾಚೊ ಸಂದೇಶ್ ದೀವ್ನ್, ‘ಜೆಜುಚ್ಯಾ ಜಿವಂತ್ಪಣಾಚೆಂ ಫೆಸ್ತ್ ಕ್ರೀಸ್ತಾವಾಂಕ್ ಆಮ್ಕಾಂ ವರ್ತೆಂ ಭಾವಾರ್ಥಾಚೆಂ ಸತ್. ಆಮ್ಕಾಂ ತೊ ಭಾವಾರ್ಥ್ ಲಾಭ್ಲ್ಲೊ ದೆವಾಚೆ ಉದಾರ್ಥ್ ದೆಣೆಂ. ಜಿವಂತ್ಪಣಾಚೊ ಸಾಂತೊಸ್ ಹೆರಾಂಕ್ ವಾಂಟುನ್ , ಜೆಜುಕ್ ಖರೆ ಸಾಕ್ಷಿ ಜಾವ್ಯಾಂ’ ಮ್ಹಣಾಲೊ.