Parish News

ಜುಲೈಚಾ 3 ತಾರಿಕೆರ್ ಸಕಾಳಿಂ, 8.00 ವರಾಚೆಂ ಮಿಸಾಚಿ ದೇವ್ ಸ್ತುತಿ, ವಾಡ್ಯಾಗಾರಾಂನಿ ಚಲವ್ನ್ ವ್ಹೆಲಿ. ಜುಲಾಯಾಚಾ 10 ತಾರಿಕೆರ್ ಸಾಂ ಪಾವ್ಲ್ ವಾಡ್ಯಾಚೆ ಫೆಸ್ತ್ ಸಾಂಜೆರ್ 6.00 ವರಾರ್, ಶ್ರೀಮತಿ ವಾಯ್ಲೆಟ್ ಮೊಂತೆರೊ, ಹಿಚಾ ಘರಾ, ಅಚರಣ್ ಕೆಲೆಂ. ವಿಗಾರ್ ಬಾಪ್ ಆಲ್ಫ್ರೆಡ್ ಪಿಂಟೊ, ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ಬಾಪ್ ಸಂತೋಷ್ ಡಿಸೋಜû ಆನಿ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್, ಗಿಲ್ಬರ್ಟ್ ಡಿಸಿಲ್ವ, ಕಾರ್ಯದರ್ಶಿ ಹೆಜೆಲ್ ಮಿನೇಜಸ್, ಮೊಗಾಚೆ ಸಯ್ರೆ ಜಾವ್ನ್ ಹಾಜರ್ ಆಸ್‍ಲ್ಲೆ.

ಪ್ರಾರ್ಥನಾ ಗಿತಾಂ ದ್ವಾರಿಂ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಶ್ರೀಮತಿ ಜೆಸ್ಸಿಂತಾ ಅಲ್ಮೇಡಾ ಅನಿ ಸಾಂಗಾತ್ಯಾನಿ ಮಾಗ್ಣ್ಯಾವಿಧಿ ಚಲವ್ನ್ ವ್ಹೆಲಿ. ವಾಡ್ಯಾಚೊ ಗುರ್ಕಾರ್ ಮಾನೆಸ್ತ್ ಮೆಲ್ವಿನ್ ಸಿಕ್ವೇರಾನ್ ಸರ್ವಾಂಕ್ ಮೊಗಾನ್ ಸ್ವಾಗತ್ ಕೆಲೆಂ. ತಶೆಂಚ್ ವಾಡ್ಯಾಕ್ ಆಯ್ಲ್ಯಾ ನವ್ಯಾ ಕುಟ್ಮಾಂಕ್ ಪುಲಾಂಚೊ ತುರೊ ದೀವ್ನ್ ವಾಡ್ಯಾಕ್ ಸ್ವಾಗತ್ಸಿಲೆಂ.

ಉಪ್ರಾಂತ್ ಕುಮಾರಿ ಆಯ್ವ್ರಿಲ್ ಕ್ರಾಸ್ತಾನ್ ಏಕ್ ಕೊಂಕ್ಣಿ ಪದ್ ಗಾಯ್ಲೆಂ. ತ್ಯಾ ನಂತರ್ ಮೇರಿ ಪಿಂಟೊನ್ ಸ್ಪೊಟ್ ಗೇಮ್ಸ್ ಚಲವ್ನ್ ವೆಲೆ. ಅಲ್ವಿನ್ ಆನಿ ಪಂಗ್ಡಾಚಾನಿಂ ಹಾಸ್ಯ್‍ಭರಿತ್ ನಾಟ್ಕುಳೊ ಸಾದರ್ ಕೆಲೊ. ಕುಮಾರಿ ಎಡ್ರಿನಾ ಡಿಸೋಜನ್ ಸೊಭಿತ್ ನ್ರತ್ಯ್ ಕೆಲೆಂ. ಉಪ್ರಾಂತ್ ಜೆಸಿಂತಾ ಆಲ್ಮೇಡಾ ಆನಿ ಪಂಗ್ಡಾಚಾನಿ ‘ಮೋಗ್ ಕರಾ ಮೋಗ್ ಕರಾ ಸೆಜಾರಾ’ ಮಳ್ಳೆಂ ಅರ್ಥಾಭರಿತ್ ಕೊಂಕ್ಣಿ ಪದ್ ಗಾವ್ನ್ ಸರ್ವಾಂಕ್ ಸಂತೊಸ್ಭರಿತ್ ಕೆಲೆಂ.

ಉಪ್ರಾಂತ್ ಮೆಲ್ವಿನ್ ಸಿಕ್ವೇರಾನ್ ಸನ್ಮಾನ್ ಕಾರ್ಯೆಂ ಚಲವ್ನ್ ವೆಲೆಂ. ವಿಗಾರ್ ಬಾಪಾಂಕ್ ಶೆಲೊ ಪಾಂಗ್ರೊವ್ನ್ ಫುಲಾಚೊ ತುರೊ ದೀವ್ನ್ ಸನ್ಮಾನ್ ಕೆಲೆಂ. ತಶೆಂಚ್ ಆಮ್ಚಾ ವಾಡ್ಯಾಚಾ ಆದ್ಲ್ಯಾ ಗುರ್ಕಾರ್ ಆಲ್ವೀನ್ ತಾವ್ರೊಕ್ ಶೆಲೊ ಪಾಂಗ್ರೊವ್ನ್ ಫುಲಾಂಚೊ ತುರೊ ದೀವ್ನ್ ಸನ್ಮಾನ್ ಕೆಲೆಂ. ತಾಣೆಂ ಪಾಟ್ಲ್ಯಾ ಧಾ ವರ್ಸಾಂ ವಾಡ್ಯಾಂತ್ ಕೆಲ್ಲ್ಯಾ ಕಾಮಾಂಕ್ ಆನಿ ಸೆವೆಕ್ ಮರಿಯಾ ಡಿಸೋಜಾನ್ ಉಪ್ಕಾರ್ ಬಾವುಡ್ಲೊ, ಅನಿ ದೇವ್ ಬರೆಂ ಕರುಂ ಮ್ಹಣ್ ಸಾಂಗ್ಲೆಂ.

ಉಪ್ರಾಂತ್ ಸೊಫಿಯಾ ಆನಿ ಅಶ್ಮಿತಾ, ಅಲ್ರೀನಾ ಆನಿ ವೆರೀನಾ ಹಾಣಿಂ ಪದಾಂ ಗಾಯ್ಲಿಂ. ವಿಗಾರ್ ಬಾಪಾಂನಿ ಆನಿ ಸಹಾಯಕ್ ವಿಗಾರಾಂನಿ ಆಪ್ಲೊ ಸಂದೇಶ್ ದಿಲೊ. ಶ್ರೀಮತಿ ಟ್ರೆಸಿ ಆನಿ ಶಿಲ್ಪಾ ಸೈಮನ್ ಹಾಣಿಂ ಮಲಯಾಳಮ್ ಭಕ್ತಿಕ್ ಗೀತ್ ಗಾಯ್ಲೆಂ. ನಿಮಾಣೆಂ ಜನೆಟ್ ಕ್ರಾಸ್ತಾನ್ ಧನ್ಯಾವಾದ್ ಸಮರ್ಪಿಲೆಂ . ಕುಮಾರಿ ಆಲ್ರೀಯಾ ಡಿಸೋಜನ್ ಸಗ್ಳೆಂ ಕಾರ್ಯೆಂ ನಿರ್ವಹಿಸಿಲೆಂ. ಜೆವ್ಣಾ ಸವೆಂ ಹೆ ಕಾರ್ಯೆಂ ಅಖೇರ್ ಕೆಲೆಂ.