Parish News

ಭಲಾಯ್ಕೆ ಅಯೊಗಾನ್ 2022 ಜುಲೈಚ್ಯಾ 17 ತಾರ್ಕೆರ್ ಸಕಾಳಿಂ 8.00 ವ್ಹರಾಂ ಥಾವ್ನ್ 9.15 ವ್ಹರಾಂ ಮ್ಹಣಸರ್ ಸವ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿ ಮ್ಹಣಸರ್ ಆಸ್ಚ್ಯಾ ಭುರ್ಗ್ಯಾಂಕ್ ಅಪ್ಣಾಚಿ ಕೂಡ್ ಜತ್ನಾಯೆನ್ ಸಾಂಬಾಳ್ಚ್ಯಾ ವಿಶಿಂ ಭಲ್ಕಾಯೆಚೆ ಹಿಶಾರೆ ದಿಂವ್ಚ್ಯಾಕ್ ಮಾಹೆತ್ ಶಿಬಿರ್ ಅಸಾ ಕೆಲೆಂ. ಹ್ಯಾ ಕಾರ್ಯಾಚೆಂ ಅಧ್ಯಕ್ಷ್‍ಪಣ್ ವಿಗಾರ್ ಬಾಪ್ ಅಲ್ಫ್ರೆಡ್ ಬಾಪಾಂನಿ ಘೆತ್ಲೆಂ. ಹ್ಯಾ ಮಾಹೆತಿ ಶಿಬಿರಾಕ್ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಡಾ. ಸರಿತಾ ಡಿ’ಕುನ್ಹಾ ಆನಿ ಡಾ. ರಶ್ಮಿ ಡಿ’ಸೋಜ ಅಯ್ಲಿಂ.

ಸುರ್ವೆರ್ ಮಾ|ಬಾ| ವಿನೋದ್ ಲೋಬೊನ್ ಮಾಗ್ಣ್ಯಾದ್ವಾರಿಂ ಶಿಬಿರಾಕ್ ಸಸಾಯ್ ಮಾಗ್ಲಿ. ಮಾನೆಸ್ತಿಣ್ ಶಾಂತಿ ಡಿ’ಸೋಜಾನ್ ಜಮ್ಲೆಲ್ಯಾ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ಮಾನೆಸ್ತಿಣ್ ಟ್ರೆಸ್ಸಿ ಅನಿ ಶಾಂತಿ ಡಿ’ಸೋಜಾನ್ ಸಂಪನ್ಮೂಲ್ ವ್ಯಕ್ತಿಂಚಿಂ ವ್ಹಳಕ್ ಕರ್ನ್ ದಿಲಿ. ಉಪ್ರಾಂತ್ ವಿಗಾರ್ ಬಾಪಾಂನಿ ಕುಡಿಚ್ಯಾ ನಿತಳಾಯೆಚ್ಯಾ ಗರ್ಜೆ ವಿಶಿಂ ಸಮ್ಜಣಿ ದಿಲಿ. 

ಹ್ಯಾ ಕಾರ್ಯಾಕ್ ಫಿರ್ಗಜ್ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಶ್ ಗಿಲ್ಬರ್ಟ್ ಡಿ’ಸಿಲ್ವಾ ಅನಿ ಅಯೋಗಾಂಚೊ ಸಂಯೋಜಕ್ ಸಿರಿಲ್ ರೊಜಾರಿಯೊ ಹಾಜಿರ್ ಅಸ್‍ಲ್ಲೆ. ಲಾರೆನ್ಸ್ ಟೆಲ್ಲಿಸ್ ಭಲಾಯ್ಕೆ ಅಯೋಗಾಚ್ಯಾ ಸಂಚಾಲಕಾನ್ ಕಾರ್ಯೆಂ ಚಲಯ್ಲೆಂ. ಹ್ಯಾ ಕಾರ್ಯಾಂತ್ 60 ಭುರ್ಗ್ಯಾಂನಿ ಭಾಗ್ ಘೆತ್ಲೊ.