Parish News

ಮೊಂತಿ ಸಾಯ್ಬಿಣಿಚೆಂ ಫೆಸ್ತ್ ಆಮ್ಚಾ ವಾಡ್ಯಾಂತ್ ಆಚರಣ್ ಕರುಂಕ್ ಆಮಿ ಸರ್ವಾಂ ಸಪ್ಟಂಬರಾಚ್ಯಾ 18 ತಾರಿಕೆರ್ ಡಾ. ಹೆಚ್. ಆರ್. ಫೆರ್ನಾಂಡಿಸ್ ಚ್ಯಾ ಘರಾ ಸಾಂಗಾತಾ ಮೆಳ್ಳ್ಯಾಂವ್. ಪಯ್ಲೆಂ ಸಕ್ಕಡ್ ಸಾಂಗಾತಾ ಮೆಳ್ಯಾಂ ಮ್ಹಳೆ ಗೀತ್ ಗಾವ್ನ್ ಮರ್ಯೆಕ್ ಫುಲಾಂ ಆರ್ಪಿಲಿಂ. ದೆವಾಚೆಂ ಉತಾರ್ ವಾಚ್ಲೆಂ. ಭಾವಾಡ್ಯ್ತಾಂಚಿ ಪ್ರಾರ್ಥನಾಂ ಮ್ಹಳಿಂ. ವರ್ನಾಂತ್ ನೊವೆಂ ಘಾಲ್ಲೆಂ ತೆಂ ಮಾ|ಬಾ| ಸಂತೋಶ್ ಡಿಸೋಜಾನ್ ಅಶಿರ್ವಾದಿತ್ ಕೆಲೆಂ.  ಸರ್ವಾಂನಿ ನೊವೆಂ ಸೆಂವ್ಲೆಂ. ಡೋಲ್ಫಿ ಡಿಸೋಜಾನ್  ಕುಟ್ಮಾಚ್ಯಾ ಫೆಸ್ತಾ ವಿಶಿಂ ಕಳಿತ್ ಕೆಲೆಂ. ಅಮ್ಚ್ಯಾ ವಾಡ್ಯಾಂತ್ಲ್ಯಾ ಸರ್ವ್ ಚೆಡ್ವಾಂ ಭರ್ಗ್ಯಾಂಕ್ ಮಾನ್ ಕರ್ನ್ ಮೊಗಾಚಿ ಕಾಣಿಕ್ ದಿಲಿ. ಮರಿಯಾಳ್ ಗಿತಾಂ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾ ನೊರಾ ಆನಿ ಜೊಸ್ವಾಕ್ ಬಹುಮಾನ್ ದಿಲೆಂ. ದೊಗಾಂಯ್ನಿ  ಮರಿಯೆಚಿಂ ಗಿತಾಂ ಗಾಯ್ಲಿ. ಲಿನೆಟಾನ್ ಖೆಳ್ ಚಲೊವ್ನ್ ವೆಲೆ.  ಮಾ|ಬಾ| ಸಂತೋಶ್ ಡಿಸೋಜಾನ್ ಸಂದೇಶ್ ದೀವ್ನ್ ಸಕ್ಕಡಾಂಕ್ ಬರೆ ಮಾಗ್ಲೆಂ. ಮಾನೆಸ್ತಿನ್ ಹೆಝಿಲ್ ಮಿನೇಜಸನ್ ಧನ್ಯವಾದ್ ಪಾಟೈಲೆಂ. ಮಾನೆಸ್ತಿನ್ ಲಿಲ್ಲಿ ಡಿಸೋಜಾನ್ ಕಾರ್ಯೆ ಚಲವ್ನ್ ವ್ಹೆಲೆಂ. 31 ಜಣಾ ಹಾಜರ್ ಅಸ್‍ಲ್ಲಿಂ.