Parish News

ರುಜಾಯ್ ಕಾಥೆದ್ರಾಲಾಂತ್ ಭುರ್ಗ್ಯಾಂಚೊ ದೀಸ್ ನವೆಂಬರಾಚ್ಯಾ 13 ತಾರಿಕೆರ್ ಅಯ್ತಾರಾ ಸಂಭ್ರಮ್ಲೊ. ಸಂಕಾಳಿಂ 8.00 ವೊರಾರ್ ಭುರ್ಗ್ಯಾಂಕ್ ಕ್ಲಾಸಿಂತ್ ಸಾಂತಾಚ್ಯಾ ಜಿಣ್ಯೆ ವಯ್ರ್ ಭಾಷಣ್, ಜೆಜುಚ್ಯಾ ಜಿಣ್ಯೆ ವಯ್ರ್ ಡ್ರಾಯಿಂಗ್ ಆನಿ ಕುಟ್ಮಾ ಜಿಣ್ಯೆ ವಯ್ರ್ ಕೊಲಾಜ್ ಅಸಾ ಕೆಲೆಂ. ಭುರ್ಗ್ಯಾಂಚ್ಯಾ ಮಿಸಾ ವೆಳಿಂ ಮಿಸಾಂವ್ ಅಯ್ತಾರಾಕ್ ಭುರ್ಗ್ಯಾಂನಿ ಕೆಲ್ಲಿ ಉರೊವ್ಣಿ ಜಮೊ ಕೆಲಿ. ಮಿಸಾ ನಂತರ್ ತಾಂಕಾ ಉಪಾಹಾರ್ ಅಸ್‍ಲ್ಲೊ. ಹೊ ಉಪಾಹಾರ್ ಬ್ರ್ಯಾಡನ್ ಸಲ್ಡಾನ್ಹಾ ತಾಚ್ಯಾ ಜಲ್ಮಾ ದಿಸಾ ಲೆಕಾರ್ ದಿಲೊ. ಮಿಸಾ ನಂತರ್ ಭುರ್ಗ್ಯಾಂಕ್  ಖುರ್ಸಾಚೆಂ ಅನಿ ಮರಿಯೆಚೆಂ ಪ್ರದರ್ಶನ್ ದಾಕಯ್ಲೆಂ.  ಉಪ್ರಾಂತ್ ಭುರ್ಗ್ಯಾಂಕ್ ಅಂಗ್ಣಾಂತ್ ಖೆಳ್ ಆಸಾ ಕೆಲೆ. ಸಗ್ಳೆಂ ಕಾರ್ಯೆಂ ದೊನ್ಪಾರಾಂ 12.00 ವ್ಹರಾಂ ಭಿತರ್ ಅಖೇರ್ ಜಾಲೆಂ.