Parish News

ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಆನಿ ಕುಟ್ಮಾ ಆಯೋಗ್ ಹಾಣಿಂ ಸಾದರ್ ಕೆಲ್ಲ್ಯಾ ಕಾಜಾರ್ ಜಾಲ್ಲ್ಯಾಂಚೊ ದಿವಸ್’ ಹ್ಯಾ ಕಾರ್ಯಾವಳಿಚಿ ವರ್ದಿ.

ಸಕಾಳಿಂ 8.00 ವ್ಹರಾಂಚಾ ಮಿಸಾ ಉಪ್ರಾಂತ್ ದಿಯೆಸೆಜಿನ್ ಆಯೋಜಿತ್ ಕೆಲ್ಲ್ಯಾ ಮೌನ್ ಪ್ರತಿಭಟನಾಂತ್ ಭಾಗ್ ಘೆವ್ನ್, ತಯಾರ್ ಕೆಲ್ಲಿ ಕಾಫಿ-ಫಳಾರ್ ಸೆವ್ನ್ ಜುಸ್ತ್ 9.45 ಕ್, ತೊಬಿತ್ 8:7, ಪವಿತ್ರ್ ಪುಸ್ತಕಾಂತ್ಲ್ಯಾ ಹ್ಯಾ ಉತ್ರಾಂ ಸಂಗಿಂ ಹೆಂ ಕಾರ್ಯೆಂ ಆರಂಭ್ ಕೆಲೆಂ. ಮಾನೆಸ್ತಿಣ್ ಆಗ್ನೆಸ್ ಕೊರೆಯ ಹಾಣಿಂ ದೆವಾಚಾ ಉತ್ರಾಂ ಮುಖಾಂತ್ರ್ ಮಾಗ್ಣ್ಯಾ ವಿಧಿ ಚಲಯ್ಲಿ. ಹ್ಯಾ ಕಾರ್ಯಾಕ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಬಾಪ್ ಪ್ರವೀಣ್ ಲಿಯೊ ಲಸ್ರಾದೊ, ವಿಗಾರ್ ಬಾಪ್ ಆಲ್ಫ್ರೆಡ್ ಪಿಂಟೊ, ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಹೇಜûಲ್ ಮಿನೇಜûಸ್, 21 ಆಯೋಗಾಚೊ Co-ordinator ಮಾನೆಸ್ತ್ ಸಿರಿಲ್ ರೊಜಾರಿಯೊ ಹಾಜರ್ ಆಸ್‍ಲ್ಲೆಂ. ಹಾಂಕಾ ಸರ್ವಾಂಕ್ ಕುಟ್ಮಾ ಆಯೋಗಾಚೊ Co-ordinator ಮಾನೆಸ್ತ್ ಕೊನ್ರೆಡ್ ನಜ್ರೆತಾನ್ ಫುಲಾಂ ದೀವ್ನ್ ಸ್ವಾಗತ್ ಕೆಲೊ ಆನಿ ತಾಕಾ ಮಾನೆಸ್ತಿಣ್ ಆಗ್ನೆಸ್ ಕೊರೆಯ್ ಹಿಣೆಂ ಫುಲಾಂ ದೀವ್ನ್ ಸ್ವಾಗತ್ ಕೆಲೊ. ಉಪ್ರಾಂತ್ ಆಮ್ಚಾಂ ವಿಗಾರ್ ಬಾಪಾನಿಂ ಹ್ಯಾ ಕಾರ್ಯಾಚೆ ಸಂಪನ್ಮೂಳ್ ವ್ಯಕ್ತಿ ಜಾವ್ನಾಸ್ಚೆ ಬಾಪ್ ಪ್ರವೀಣ್ ಲಿಯೊ ಲಸ್ರಾದೊ ಹಾಂಚಿ ವ್ಯಕ್ತಿ ಪರಿಚಯ್ ಕರ್ನ್ ದಿಲಿ ಆನಿ ಹಾಜರ್ ಆಸ್‍ಲ್ಯಾ ಫಿರ್ಗಜ್‍ಗಾರಾಂಕ್ ಉದ್ದೇಸುನ್ ದೋನ್ ಉತ್ರಾಂ ಉಲಯ್ಲೊ. ಹ್ಯಾ ಕಾರ್ಯಾ ಪಾಟ್ಲ್ಯಾನ್ ಮ್ಹಿನತ್ ಕಾಡ್‍ಲ್ಲ್ಯಾ ಬಾ. ವಿನೋದ್ ಲೋಬೊ ಹಾಂಕಾ ಶಾಭಾಸ್ಕಿ ಪಾಠಯ್ಲಿ. ಆನಿ ತಾಂಕಾ ಮಿಸಾಚೆಂ ಬಲಿದಾನ್ ಭೆಟಂವ್ಕ್ ಆಸ್‍ಲ್ಲ್ಯಾನ್ ಉಪ್ರಾಂತ್ ತೆ ಹಾಂಗಾಸರ್ ಯೇವ್ನ್ ಅಮ್ಕಾಂ ಮಳ್ತಲೆ. ತ್ಯಾ ನಂತರ್ ಬಾಪ್ ಪ್ರವೀಣ್ ಲಿಯೊನ್ ಆದ್ಲ್ಯಾ ಆನಿ ಆತಾಂಚಾ ಕುಟ್ಮಾ ಮಧ್ಲೊ ಬರೊ ಆನಿ ವಾಯ್ಟ್ ಅಂತರ್ ಸವಿಸ್ತಾರ್ ರಿತಿನ್ ವಿವರಿಲೊ. ಆದ್ಲ್ಯಾ ಆನಿ ಆತಾಂಚಾ ಕುಟ್ಮಾಂತ್ಲಿಂ ಮೌಲ್ಯಾಂಯೀ ವಿವರ್ಸಿಲಿಂ. ಮಾದ್ಯಮಾಂ ಆತಾಂಚಾ ತರ್ನಾಟ್ಯಾಂಚಾ ಜಿವಿತಾಂತ್ ಕಶೆಂ ಪರಿಣಾಮ್ ಘಾಲ್ತಾತ್ ತೆಂ ವಿವರಿಲೆಂ. ಥೊಡ್ಯಾ ಸಂಧಿಗ್ದ್ ಪರಿಸ್ಥಿತೆಂತ್ ತರ್ನಾಟ್ಯಾಂಕ್ ಕಶೆಂ ಸಮ್ಜಯ್ಜೆ, ಸಮ್ಜವ್ಯೆತ್ ಮ್ಹಣ್ ಕಳಯ್ಲೆಂ. ಆನಿಂ ಸೊಭಿತ್ ಸುಂದರ್ ಕುಟಾಮ್ ಭಾಂದುನ್ ಹಾಡ್ಚಾಕ್ 10 ಉಪದೆಸಾ ಪ್ರಕಾರ್ ಕಶೆ ಜಿಯೆವ್ಯೆತ್ ಮ್ಹಣ್ ವಿವರಣ್ ದಿಲೆಂ. ಹ್ಯಾ ನಂತರ್ ಹಾಜರ್ ಆಸ್‍ಲ್ಯಾ ಸರ್ವಾಂಕ್ 4 ಪಂಗಡ್ ಕರ್ನ್ ವಿ-ವಿಂಗಡ್ ಸವಾಲಾಂ ದಿಲಿಂ. ತ್ಯಾ ಪಂಗ್ಡಾಂತ್ಲ್ಯಾಕ್ ಸವಾಲಾಂ ಜಾಪಿ ಬರಂವ್ಕ್ ಸಾಂಗ್ಲೆಂ. ಹ್ಯಾ ಪಂಗಡ್ ಸವಾಲಾಂ-ಜಾಪಿಂಕ್ ಬಾಪ್ ವಿನೋದ್ ಲೋಬೊ ಹಾಜರ್ ಆಸ್‍ಲ್ಲೆ. ಸರ್ವ್ ಪಂಗ್ಡಾಚ್ಯೊ ಸವಾಲಾಂ –ಜಾಪಿ ತಯಾರ್ ಜಾಲ್ಲೆಂಚ್ ತ್ಯಾ ಪಂಗ್ಡಾಚಾ ಎಕ್ಲ್ಯಾನ್ ಮುಕಾರ್ ಯೇವ್ನ್ ವಾಚುಂಕ್ ಸಾಂಗ್ಲೆಂ. ತ್ಯಾ ಜಾಪಿಂಕ್ ಉರ್‍ಲ್ಯಾ ಪಂಗ್ಡಾಚಾಂಚಿ ಅಭಿಪ್ರಾಯ್ ಕಿತೆಂ ಮ್ಹಣ್ ವಿಚಾರ್ಲೆಂ. ಥೊಡ್ಯಾನಿಂ ತಾಂಚಿ ತಾಂಚಿ ಅಬಿಪ್ರಾಯ್ ಉಚಾರ್ಲಿ. ಹ್ಯ ಪಂಗಡ್ ಅಭಿಪ್ರಾಯೆಂತ್ ಸಕ್ಕಡ್ ಪಂಗ್ಡಾಚ್ಯಾನಿಂ ಭಾಗ್ ಘೆತ್ಲೊ ಆನಿ ಸಲಹಾ ಸೂಚನಾಂ ದಿಲಿಂ. ಉಪ್ರಾಂತ್ ಮಾನೆಸ್ತಿಣ್ ವಿನಿತಾ ಹಿಣೆ ಖೆಳ್ ಚಲವ್ನ್ ವೆಲೆ. ಆಮ್ಚಾಂ ವಿಗಾರ್ ಬಾಪಾನಿಂ ಏಕ್ ಬಹುಮಾನ್ ಆಪ್ಣಾಯ್ಲೆಂ. ವಿಜೇತಾಂಕ್ ಹಾಜರ್ ಆಸ್‍ಲ್ಯಾ ಯಾಜಕ್ ಬಾಪಾನಿಂ ಬಹುಮಾನ್ ವಿತರಣ್ ಕೆಲೆಂ. ಉಪ್ರಾಂತ್ ‘Thank you’ ಮ್ಹಳ್ಳೆಂ ಗೀತ್ ಸರ್ವಾಂನಿ ಗಾಯ್ಲೆಂ. ಚಡ್ ಉಣೆಂ 100 ಫಿರ್ಗಜ್ಗಾರಾಂ ಹಾಜರ್ ಆಸ್‍ಲ್ಲಿಂ. ಮಾನೆಸ್ತಿಣ್ Shanthi D'Souza ನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಮಾನೆಸ್ತಿಣ್ ವಾಯ್ಲೆಟಾನ್ ಹ್ಯಾ ಕಾರ್ಯಾಚ್ಯೊ ತಸ್ವಿರ್ಯೊ ಕಾಡ್ಲ್ಯೊ. ಮಾನೆಸ್ತ್ ಕೊನ್ರಾಡ್ ನಜ್ರೆತಾನ್ ಧನ್ಯವಾದ್ ಅರ್ಪಿಲೆ. ಆಖ್ರೇಕ್ ವಿಗಾರ್ ಬಾಪಾಂನಿ ‘O give thanks to the Lord’ ಮ್ಹಳ್ಳೆಂ ಅರ್ಗಾಂ ಗೀತ್ ಗಾವ್ನ್ ಹೆಂ ಕಾರ್ಯೆಂ 11.30 ವ್ಹರಾರ್ ಅಖೇರ್ ಕೆಲೆಂ.