Parish News

ನವೆಂಬರಾಚ್ಯಾ 19 ತಾರಿಕೆರ್ ಸಾಂಜೆರ್ 4.00 ವೊರಾರ್ ಮಿನಿ ಸಾಲಾಂತ್ ಪವಿತ್ರ್ ಪುಸ್ತಕಾಚ್ಯಾ ಆಯೊಗಾ ಥಾವ್ನ್ ಮಾತೆವ್, ಮಾರ್ಕ್, ಲೂಕ್ ಅನಿ ಜುವಾಂವ್ ವಾಂಜೆಲಾ ವಯ್ರ್ ಬೈಬಲ್ ಕ್ವಿಜ್ ಆಸಾ ಕೆಲ್ಲೆಂ. ಸುರ್ವೆರ್ ವಿಗಾರ್ ಬಾಪಾಂನಿ ಸಂದೇಶ್ ದಿಲೊ. ಪವಿತ್ರ್ ಅತ್ಮ್ಯಾಚ್ಯಾ ಕಂತಾರಾ ಸವೆಂ ಬಾಪ್ ವಿನೋದ್ ಲೋಬೊನ್ ಕ್ವಿಜ್ ಚಲೊವ್ನ್ ವ್ಹೆಲೆಂ. ಫಿರ್ಗಜೆಚ್ಯಾ 10 ವಾಡ್ಯಾ ಥಾವ್ನ್ ಸುಮಾರ್ 50 ಸ್ಪರ್ಧಿಕಾಂನಿ ಹಾಂತು ಭಾಗ್ ಘೆತ್‍ಲ್ಲೊ ಚಡ್ ಸಂತೊಸಾಚೊ ವಿಶಯ್. ಕ್ವಿಜ್ ಜಾಲ್ಯಾ ಉಪ್ರಾಂತ್ ಬಾಪ್ ವಿನೋದಾನ್ ಸವಲಾಂಚೊ ಜಾಪಿ ಸಾಂಗ್ಲ್ಯೊ. ಅಖೇರಿಕ್ ಪವಿತ್ರ್ ಪುಸ್ತಕ್ ಆಯೋಗಾಚಿ ಸಂಚಾಲಕಿ ಜೆಸ್ಸಿ ಅಲ್ಮೇಡಾಣ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.