Parish News

ರುಜಾಯ್ ಫಿರ್ಗಜೆಂತ್ಲ್ಯಾ ಸರ್ವ್ ಭುರ್ಗ್ಯಾಂಕ್ ದೋನ್ ದಿಸಾಂಚೆ ರಜೆ ಶಿಬಿರ್ ಎಪ್ರಿಲ್ ಮಹಿನ್ಯಾಚಾ 15 ಆನಿ 16 ತಾರಿಕೆರ್ ರುಜಾಯ್ಚಾ ಮಿನಿ ಸಾಲಾಂತ್ ಮಾಂಡುನ್ ಹಾಡ್ಲೆಂ. ಹಾಂತುನ್ 37 ಜಣಾಂ ಭುರ್ಗ್ಯಾಂನಿ ಭಾಗ್ ಘೆತ್ಲೊ.

ಪಯ್ಲ್ಯಾ ದಿಸಾ ಶಿಬಿರಾಚೆ ಉಗ್ತಾವಣ್ ಕಾರ್ಯೆಂ ದಿವೊ ಪೆಟೊಂವ್ಚಾದ್ವಾರಿಂ ಉಗ್ತಾವಣ್ ಕೆಲೆಂ. ಭಯ್ಣ್ ರೊಜಿû್ಮತಾನ್ ಮಾಗ್ಣ್ಯಾವಿಧಿ ವಲೊವ್ನ್ ವ್ಹೆಲಿ. ವೆದಿಚೆರ್ ಮಾನಾಧಿಕ್ ಬಾಪ್ ಅಲ್ಫ್ರೆಡ್ ಪಿಂಟೊ, ಸಹಾಯಕ್ ಬಾಪ್ ವಿನೋದ್ ಲೋಬೊ, ಕ್ರಿಸ್ತಾಂವ್ ಶಿಕ್ಷಣಾಚಿ ಸಂಯೋಜಕಿ ಶ್ರೀಮತಿ ರೀಟ, ಬೈಬಲ್/ಲಿತುರ್ಜಿ ಕಮಿಷನಾಚಿ ಸಂಚಾಲಕಿ ಶ್ರೀಮತಿ ಜೆಸ್ಸಿ ಅಲ್ಮೇಡಾ ವೆದಿಚೆರ್ ಹಾಜರ್ ಆಸ್‍ಲ್ಲಿಂ. ಜಮ್ಲೆಲ್ಯಾ ಸರ್ವಾಂಕ್ ಸಿಸ್ಟರ್ ರೊಜಿû್ಮತಾನ್ ಸ್ವಾಗತ್ ಕೆಲೆಂ. ವಿಗಾರ್ ಬಾಪಾಚಾ ಸಂದೇಶಾ ಸವೆಂ ವೆದಿ ಕಾರ್ಯೆಂ ಸಂಪಯ್ಲೆಂ. ಜಮ್ಲೆಲ್ಯಾ ಸರ್ವಾಂಕ್ ಶ್ರೀಮತಿ ಮೇಬಲಾನ್ ಧನ್ಯವಾದ್ ಪಾಠಯ್ಲೆಂ.

ಪಯ್ಲ್ಯಾ ದಿಸಾ, ಪಯ್ಲ್ಯಾನ್ ಪಯ್ಲೆಂ ಥೊಡ್ಯಾ ಖೆಳಾ ಸವೆಂ ಭುರ್ಗ್ಯಾಂಕ್ ಮನೊರಂಜನ್ ಕೆಲೆಂ. ಉಪ್ರಾಂತ್ ಪಯ್ಲೆಂ session ಜಾವ್ನ್ ಮಿಸ್ ನವೊಮಿ ಹಿಣೆಂ ‘Self Awarness’ ಮ್ಹಳ್ಳ್ಯಾ ವಿಶ್ಯಾಂತ್ ಭುರ್ಗ್ಯಾಂಕ್ ಖೆಳ್ ಆನಿ ಚಟುವಟಿಕೆದ್ವಾರಿಂ ಶಿಕವ್ಣ್ ದಿಲಿ. ಭುರ್ಗ್ಯಾಂನಿ ಹಾಂತುನ್ ಕ್ರಿಯಾತ್ಮಕ್ ರಿತಿನ್ ಭಾಗ್ ಘೆತ್ಲೊ. ಉಪ್ರಾಂತ್ ಭುರ್ಗ್ಯಾಂಕ್ ಫಲಾಹಾರ್ ಮಾಂಡುನ್ ಹಾಡ್ಲೆಂ. ತಶೆಂಚ್ ಭುರ್ಗ್ಯಾಂಕ್ Action songs ಶಿಕವ್ನ್ ದುಸ್ರೆಂ session ಆರಂಭ್ ಕೆಲೆಂ. ಉಪ್ರಾಂತ್ 12:15 ವೊರಾಂಕ್ ಮಿಸಾಚೆಂ ಪವಿತ್ರ್ ಬಲಿದಾನ್ ಆಸಾ ಕೆಲ್ಲೆಂ. ಮಿಸಾ ಉಪ್ರಾಂತ್ ಜೆವ್ಣಾಚಿ ವ್ಯವಸ್ಥಾ ಜಮ್ಲೆಲ್ಯಾ ಭುರ್ಗ್ಯಾಂಕ್ ಮಾಂಡುನ್ ಹಾಡ್‍ಲ್ಲಿ. ಜೆವ್ಣಾ ಉಪ್ರಾಂತ್ 1.30 ವೊರಾರ್ ಭುರ್ಗ್ಯಾಂಕ್ ದುಸ್ರ್ಯಾ ದಿಸಾಕ್ ಪೂರಕ್ ಜಾವ್ನ್ ಸಾಂಸ್ಕ್ರತಿಕ್ ಕಾರ್ಯಕ್ರಮಾಕ್ ಅಭ್ಯಾಸ್ ಕರುಂಕ್ ಆವ್ಕಾಸ್ ಕರ್ನ್ ದಿಲೊ. ಉಪ್ರಾಂತ್ ಭುರ್ಗ್ಯಾಂಕ್ ಖೆಳ್ ಆನಿ Action Songs ಆಸಾ ಕೆಲ್ಲೆಂ. ಉಪ್ರಾಂತ್ ಯಾಜಕ್ ಬಾಪ್ ಅಲ್ಫ್ರೆಡ್ ಪಿಂಟೊನ್ ಎವ್ಕರಿಸ್ತಾ ವಿಷ್ಯಾಂತ್ ಭುರ್ಗ್ಯಾಂಕ್ ಶಿಕವ್ಣ್ ದೀವ್ನ್ ಪಯ್ಲ್ಯಾ ದಿಸಾಚೆ ಶಿಬಿರ್ ಸಾಂಜೆರ್ 4;15 ವೊರಾರ್, ಭುರ್ಗ್ಯಾಂಕ್ Ice-cream ಸವೆಂ ಅಖೇರ್ ಕೆಲೆಂ.

ದುಸ್ರೊ ದೀಸ್: ಸಕಾಳಿಂ ನೋವ್ ವೊರಾರ್ ಮಾಗ್ಣ್ಯಾದ್ವಾರಿಂ ಆರಂಭ್ ಕೆಲೆಂ. ಉಪ್ರಾಂತ್ ಭುರ್ಗ್ಯಾಂಕ್ Games ಆನಿ Action Songs ಚಲವ್ನ್ ವ್ಹೆಲೆಂ. ಉಪ್ರಾಂತ್ ಪಯ್ಲೆಂ session 9.40 ಕ್ ಮಿಸ್ ನವೊಮಿ ಹಿಣೆಂ ಚಲವ್ನ್ ವೆಲೆಂ. Time Management ಹಾಚೆ ವಿಷ್ಯಾಂತ್ ಚಟುವಟಿಕೆದ್ವಾರಿಂ ತಿಣೆ ಭುರ್ಗ್ಯಾಂಕ್ active ದವರ್ಲೆಂ. ಭುರ್ಗ್ಯಾಂನಿ ಸಕ್ರಿಯ್ ರಿತಿನ್ ಭಾಗ್ ಘೆತ್ಲೊ. ಸರ್ವ್ ಭುರ್ಗ್ಯಾಂನಿ ಸಕ್ರೀಯ್ ರಿತಿನ್ ಹ್ಯಾ ದೋನ್ ದಿಸಾಂಚಾ ಶಿಬಿರಾಂತ್ ಭಾಗ್ ಘೆವ್ನ್ ಎಕಾಮೆಕಾಕ್ ವಳ್ಕೊನ್ ಕಾಣ್ಘೆಂವ್ಕ್ ಆವ್ಕಾಸ್ ಮೆಳ್ಳೊ. ದನ್ಪಾರಾಂ ಮಿಸಾಚೆಂ ಬಲಿದಾನ್ ತಶೆಂಚ್ ಭುರ್ಗ್ಯಾಂಕ್ ಬಿರಿಯಾನಿ ಆನಿ ಕಬಾಬಾಚೆಂ ಜೆವಾಣ್ ಆಸ್‍ಲ್ಲೆಂ. ಉಪ್ರಾಂತ್ ಬೈಬಲ್ ಆಧಾರಿತ್ ನಾಟ್ಕುಳೊ ಗ್ರೂಪಾದ್ವಾರಿಂ ಆಸಾ ಕೆಲ್ಲೊ. ಹೊ ಭೋವ್ ಅರ್ಥಾಭರಿತ್ ರಿತಿನ್ ಭುರ್ಗ್ಯಾಂನಿ ಚಲೊವ್ನ್ ವೆಲೊ. ಉಪ್ರಾಂತ್ Outdoor games ಆಸಾ ಕೆಲ್ಲೆ. ಅಖ್ರೇಕ್ ದುಸ್ರ್ಯಾ ದಿಸಾ ಭುರ್ಗ್ಯಾಂನಿ ತಾಂಚೊ ಅನ್ಭೋಗ್ ವಾಂಟುನ್ ಘೆತ್ಲೊ. ಫಾದರ್ ವಿನೋದ್ ಲೋಬೊನ್ ಭುರ್ಗ್ಯಾಂಕ್ ಸರ್ವ್ ಬರೆಂ ಮಾಗ್ಲೆಂ. ತಾಂಚೊ ಫುಡಾರ್ ನಂದನ್ ಜಾಂವ್ಕ್ ಉಲೊ ದಿಲೊ ಆನಿ ತಿಸ್ರ್ಯಾ ದಿಸಾಚಾ ಪಿಕ್ನಿಕಾ ವಿಷ್ಯಾಂತ್ ಭುರ್ಗ್ಯಾಂಕ್ ಮಾಹೆತ್ ದಿಲಿ. ದೊನೀ ದಿಸಾ ಸಾಂಜೆರ್ ಭುರ್ಗ್ಯಾಂಕ್ ಐಸ್ ಕ್ರೀಮ್ ಆಸಾ ಕೆಲ್ಲೆಂ. ಉಪ್ರಾಂತ್ ಗ್ರೂಪಾಂತ್ ಕೆಲ್ಲ್ಯಾ ಸರ್ವ್ activitiesಂತ್ ಪಯ್ಲೆಂ, ದುಸ್ರೆಂ ಆನಿ ತಿಸ್ರೆ ಸ್ಥಾನ್ ಆಪ್ಣಾಯಿಲ್ಲ್ಯಾ ಸರ್ವಾಂಕ್ ಅಭಿನಂದನ್ ಪಾಠಯ್ಲೆಂ.

ತಿಸ್ರ್ಯಾ ದಿಸಾ ಭುರ್ಗ್ಯಾಂಕ್ ಎಕಾ ದಿಸಾಚೆಂ ಪಿಕ್ನಿಕ್ ಅಸಾ ಕೆಲ್ಲೆಂ. ಸಾಂ. ಆಂತೊನ್ ಅಸ್ರೊ, ಸಾಂ. ಆಲೊಶೀಯಾಸ್ ಕೊಪೆಲ್ ಅನಿ ಮ್ಯೂಜಿûಯಂ, ಕೊರ್ಡೆಲ್ ಫಿರ್ಗಜೆಂತ್ ಫ್ರಾದ್ ಸಾಯ್ಬಾಕ್ ನಿಕೆಪಿಲ್ಲೊ ಜಾಗೊ ಅನಿ ಖುರ್ಸಾ ಮಳೊ, ಬಾಳೊಕ್ ಜೆಜುಚೆಂ ಪೂನ್‍ಶೆತ್ ಬಿಕರ್ಣಕಟ್ಟೆ ಆನಿ ಕದ್ರಿ ಪಾರ್ಕ್. ಭುರ್ಗ್ಯಾಂನಿ ಸಂತೊಸಾನ್ ವೇಳ್ ಖರ್ಚಿಲೊ.