Catholic Sabha News

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ), ರುಜಾಯ್ ಘಟಕ್
ಜಾಗೃತಿ ಆನಿ ಮಾಹೆತ್ ಶಿಬಿರ್ ಜೂನ್ 2024

2024 ಜೂನ್ ಮಹಿನ್ಯಾಚ್ಯಾ 16 ತಾರಿಕೆರ್ ಆಯ್ತಾರಾ 8 ವರಚ್ಯಾ ಮಿಸಾ ಉಪ್ರಾಂತ್ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ), ರುಜಾಯ್ ಘಟಕಾಚ್ಯಾ ಮುಖೆಲ್ಪಣಾಖಾಲ್ ಆಮ್ಚ್ಯಾ ಜಾಗ್ಯಾಚಿಂ ದಸ್ತಾವೆಜಾ ಆನಿ ವೈಯುಕ್ತಿಕ್ ದಾಖ್ಲೆಂ ಸಮಾ ಅಸಾತ್ ಗೀ ವ ನಾಂ ಹ್ಯಾ ವಿಶಿಂ ಜಾಗೃತಿ ಆನಿ ಮಾಹಿತ್ ಶಿಬಿರ್ ಇಗರ್ಜೆಚ್ಯಾ ಸಭಾ ಸಲಾಂತ್ ಚಲವ್ನ್ ವ್ಹೆಲೆಂ.ಸುರ್ವೆರ್ ಕಾಫಿ ಫಳ್ಹಾರ್ ಸೆವ್ಲ್ಯಾ ಉಪ್ರಾಂತ್, ಮಾನೆಸ್ತಿಣ್ ಡೋರಿನ್ ಡಿಸೋಜಾಚ್ಯಾ ಮುಖೆಲ್ಪಣಾಖಾಲ್ ಪವಿತ್ರ್ ಅತ್ಮ್ಯಾಚೆಂ ಗೀತ್, ದೆವಾಚೆ ಉತಾರ್, ನಿಯಾಳ್ ಆನಿ ಕಥೊಲಿಕ್ ಸಭೆಚೆ ಮಾಗ್ಣ್ಯಾ ಸವೆಂ ಕಾರ್ಯಾಚಿಂ ಸುರ್ವಾತ್ ಕೆಲಿಂ. ಕಥೆದ್ರಲಾಚೊ ವಿಗಾರ್ ತಶೆಂಚ್ ಆತ್ಮೀಕ್ ನಿರ್ದೇಶಕ್ ಬಾಪ್ ಭೋ.ಮಾ.ಬಾ.ಆಲ್ಫ್ರೆಡ್ ಜೆ.ಪಿಂಟೊ, ಕಥೊಲಿಕ್ ಸಭೆಚೊ ಅಧ್ಯಕ್ಶ್ ಮಾನೆಸ್ತ್ ಪಿಲಿಫ್ ಜೆ. ಪಿರೇರಾ, ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜ, ಎಪಿಸ್ಕೊಪಲ್ ಸಿಟಿ ವಾರಾಡೊ ಅಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊ, ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಜಾರಿಯೊ, ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತ್ ಡೆರಿಲ್ ಲಸ್ರಾದೊ, ಸೀನಿಯರ್ ಮ್ಯಾನೆಜರ್ ಎಂ.ಸಿ.ಸಿ. ಬ್ಯಾಂಕ್, ಮಾನೆಸ್ತಿಣ್ ಶೈಣಿ ಲಸ್ರಾದೊ, ಅಕೌಂಟೆಂಟ್ ಎಂ.ಸಿ.ಸಿ. ಬ್ಯಾಂಕ್ ಆನಿ ಸಂಚಾಲಕಿ ಮಾನೆಸ್ತಿಣ್ ಶಹಿಲಾ ಡಿ. ಅಲ್ಮೇಡಾ ಹಾಣಿಂ ಸರ್ವಾಂನಿ ವೆದಿರ್ ಅಪ್ಲಿಂ ಮಾನಚಿಂ ಬಸ್ಕಾ ಸ್ವೀಕಾರ್ ಕೆಲಿಂ. ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಜೆ ಪಿರೇರಾನ್ ವೆದಿರ್ ಅಸ್ಚ್ಯಾ ಮಾನಾಚ್ಯಾ ಸೈರ್ಯಾಂಕ್ ಗುಲೋಬ್ ದೀವ್ನ್ ಸ್ವಾಗತ್ ಕೆಲೆಂ ತಶೆಂಚ್ ಹಾಜರ್ ಅಸ್ಚ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೆಂ. ಮಾನೆಸ್ತಿಣ್ ಜೇನ್ ರೊಜಾರಿಯೊ ಆನಿ ಕುಮಾರಿ ಡ್ಯಾಫ್ನಿ ಡಿಸೋಜಾನ್ ಸಂಪನ್ಮೂಲ್ ವ್ಯಕ್ತಿಂಚಿ ವಳಕ್ ಸಭೆಕ್ ಕರ್ನ್ ದಿಲಿ.

ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತ್ ಡೆರಿಲ್ ಲಸ್ರಾದೊನ್ ನೊಮಿನಿ ಮ್ಹಳ್ಳ್ಯಾರ್ ಕೋಣ್? ನೊಮಿನಿ ಕರ್ಚೆಂ ಕಿತ್ಯಾಕ್? ಹೆಂ ಗರ್ಜೆಚೆಗೀ? ಆನಿ ಕೊಣಾಕ್ ನೊಮಿನಿ ಕರಿಜಾಯ್ ತಶೆಂಚ್ ಆಮ್ಚ್ಯಾ ಅಕೌಂಟಾನಿ ನೊಮಿನಿ ಕರಿನಾ ಜಾಲ್ಯಾರ್ ಕಿತೆಂ ಜಾತಾ ಮ್ಹಳ್ಳೆಂ ವಿಶಿಂ ಭರ್ಪೂರ್ ಮಾಹೆತ್ ದಿಲಿಂ ಆನಿ ಹಾಜರ್ ಅಸ್ಲ್ಯಾಂನಿ ತಾಂಚೆ ಸಮಸ್ಯೆ ವಿಶಿಂ ವಿಚಾರ್ ವಿನಿಮಯ್ ಕರ್ನ್ ಪರಿಹಾರ್ ಸೊದುನ್ ಕಾಡುಂಕ್ ಪ್ರಯತ್ನ್ ಕೆಲೆಂ.ಮಾನೆಸ್ತಿಣ್ ಶೈನಿ ಲಸ್ರಾದೊನ್ ವಿಲ್ಲ್ ಕರ್ಚೆಂ ಗರ್ಜೆಚೆಗೀ? ಕಿತ್ಯಾಕ್ ಕರಿಜಾಯ್? ಕೊಣಾಕ್ ಕರಿಜಾಯ್? ಹಾಚೊ ಫಾಯ್ದೊ ಕಿತೆಂ? ಹ್ಯಾ ವಿಶಿಂ ಮಾಹೆತ್ ದಿಲಿಂ ತಶೆಂಚ್ ಸವಲಾಂಕ್ ಜಾಪಿ ದಿಲ್ಯೊ.

ವಿಗಾರ್ ಬಾಪಾಂನಿ ಅಪ್ಲೊ ಸಂದೇಶ್ ದೀವ್ನ್ ಹರ್ಯೆಕ್ಲ್ಯಾನಿ ಹ್ಯಾ ಕಾರ್ಯಾಚೆಂ ಫಾಯ್ದೊ ಜೊಡ್ಚೆಂ ಗರ್ಜೆಚೆ ಜಾವ್ನಾಸಾ ತಶೆಂಚ್ ಇಗರ್ಜೆಚ್ಯಾ ದಾಖ್ಲ್ಯಾಂನಿ ನಾಂವಾ ಸಮಾ ನಾಂತ್ ತರ್ ಕಿತೆಂ ಕರಿಜಾಯ್? ಸಮಾ ಕರುಂಕ್ ಅವ್ಕಾಸ್ ಅಸಾಗೀ? ವ ನಾಂ ಹ್ಯಾ ವಿಶಿಂ ಭರ್ಪೂರ್ ಮಾಹೆತ್ ದಿಲಿಂ. ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ಆನಿ ಅಧ್ಯಕ್ಷಾನ್ ಸಂಪನ್ಮೂಲ್ ವ್ಯಕ್ತಿಚೊ ಉಪ್ಕಾರ್ ಬಾವುಡ್ನ್ ಉಡಾಸಾಚಿ ಕಾಣಿಕ್ ದಿಲಿಂ. ಸಂಚಾಲಕಿ ಮಾನೆಸ್ತಿಣ್ ಶಹಿಲಾ ಡಿ. ಅಲ್ಮೇಡಾ ನ್ ಧನ್ಯಾವಾದ್ ಪಾಠಯ್ಲೆಂ. ಕಥೊಲಿಕ್ ಸಭೆಚಿಂ ಸಹಕಾರ್ಯದರ್ಶಿ ಮಾನೆಸ್ತಿಣ್ ಮೇಬಲ್ ಡಿಸೋಜಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ.ಉಪ್ರಾಂತ್ ಕಥೊಲಿಕ್ ಸಭೆಚಿಂ ಜೂನ್ ಮಹಿನ್ಯಾಚಿ ಜಮಾತ್ ಮುಕಾರ್ಸುನ್ ವೆಲಿಂ ಆನಿ ಅಕೇರಿಕ್ ಅರ್ಗಾಂ ಗೀತಾಂ ಸವೆಂ ಕಾರ್ಯೆಂ ಅಕೇರ್ ಕೆಲೆಂ. ಹಾಜರ್ ಅಸ್ಲ್ಯಾ ಆನಿ ಸಹಕಾರ್ ದಿಲ್ಲ್ಯಾ ಸಮೆಸ್ತಾಂಕ್ ದೇವ್ ಬರೆಂ ಕರುಂ.