Catholic Sabha News

ಕಥೊಲಿಕ್ ಸಭಾ ರುಜಾಯ್ ಘಟಕಾನ್ 2024 ಜುಲೈ ಮಹಿನ್ಯಾಚ್ಯಾ ಆಯ್ತಾರಾ, 21 ತಾರಿಕೆರ್ ಸಕಾಳಿಚ್ಯಾ 8 ವರಾಚ್ಯಾ ಮಿಸಾ ಉಪ್ರಾಂತ್ 9.15a.m. ಮಿನಿ ಸಾಲಾಂತ್ ಕಥೊಲಿಕ್ ಸಭೆಚ್ಯಾ ಜುಲೈ ಮಹಿನ್ಯಾಚ್ಯಾ ಜಮಾತೆ ವೆಳಿ ಕಥೊಲಿಕ್ ಸಭೆಚ್ಯಾ, ದೆವಾಧೀನ್ ಬಾಪ್ ಸಿಪ್ರಿಯನ್ ಕುವೆಲ್ಲ್ಯೊ ಸ್ಮಾರಕ್ ಎಜ್ಯುಕೇಶನ್ ಶಿಕ್ಪಾ ನಿಧಿ ಥಾವ್ನ್ ಗರ್ಜೆವಂತ್ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ದಿಂವ್ಚೆ ಕಾರ್ಯಕ್ರಮ್ ಚಲವ್ನ್ ವೆಲೆಂ.

ಅಧ್ಯಕ್ಷ್ ಮಾನೆಸ್ತ್ ಫಿಲಿಫ್ ಜೆ. ಪಿರೇರಾನ್ ಹಾಜರ್ ಅಸ್‍ಲ್ಲ್ಯಾ ಆತ್ಮೀಕ್ ನಿರ್ದೇಶಕ್ ಭೋವ್ ಮಾನಾಧಿಕ್ ಬಾಪ್ ಆಲ್ಫ್ರೆಡ್ ಜೆ. ಪಿಂಟೊಕ್, ಮಾನಾಚ್ಯಾ ಸೈರೆ ಜಾವ್ನ್ ಹಾಜರ್ ಅಸ್ಲೆಂ ಮಾನೆಸ್ತ್ ಜೆ. ವಿ. ಡಿಮೆಲ್ಲೊ, ಮಾನೆಸ್ತ್ ಡಾ. ಹೆಚ್. ಆರ್. ಫೆರ್ನಾಂಡಿಸ್ ಆನಿ ಮಾನೆಸ್ತ್ ಆಲ್ಡೀಸ್ ಪಾಯ್ಸ್, ವಾರಾದೊ ಅಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊ, ನಿಕಟ್ ಪೂರ್ವ್ ಅಧ್ಯಕ್ಷ್ ಮಾನೆಸ್ತಿಣ್ ಜೇನ್ ರೊಜಾರಿಯೊ, ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜಾಕ್, ಹುದ್ದೆದಾರಾಂಕ್, ಸಾಂದ್ಯಾಂಕ್ ಆನಿ ಹಾಜರ್ ಅಸ್‍ಲ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ ಅನಿ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ.

ಮಾನೆಸ್ತಿಣ್ ರೀಟಾ ಡಿಸೋಜಾ ಆನಿ ಸಾಂಗಾತ್ಯಾಂನಿ ಫಲಾನುಭವಿ ಭುರ್ಗ್ಯಾಂಚೆ ರೆಜಿಸ್ಟ್ರೇಶನ್ ಕೆಲೆಂ. ಮಾನಾಚೊ ಸೈರೊ ಮಾನೆಸ್ತ್ ಜೆ.ವಿ. ಡಿಮೆಲ್ಲೊನ್ ಭುರ್ಗ್ಯಾಂಕ್ ಉದ್ದೇಶಿಸುನ್ ಬರೆಂ ಮಾಗ್ಲೆಂ. ಭುರ್ಗ್ಯಾಂಕ್ ಮಿಸಾ ವೆಳಾರ್ ಮೊಬೈಲ್ ವಾಪರಿನಾಶೆಂ ಭಕ್ತಿಪಣಿ ಮಿಸಾಂ ಭಾಗ್ ಘೆಂವ್ಕ್ ಉಲೊ ದಿಲೊ ತಶೆಂಚ್ ಆಮ್ಚ್ಯಾ ಜೀವನಾಂತ್ ಮಾಗ್ಣ್ಯಾಕ್ ಆನಿ ದೆವಾಚ್ಯಾ ಉತ್ರಾಂಕ್ ಪ್ರಾಮಖ್ಯಾತಾ ದೀಜಾಯ್ ಮ್ಹಣನ್ ತಿಳ್ಸಿಲೆಂ.

ಅಧ್ಯಕ್ಷಾಕ್ಷ್ ಮಾನೆಸ್ತ್ ಫಿಲಿಪ್ ಪಿರೇರಾನ್ ಫಲಾನುಭವಿಂ ಯುವಜಣಾಂಕ್ ಕಥೊಲಿಕ್ ಸಭೆಕ್ ನವೊ ಸಾಂದೊ ಜಾವ್ನ್ ಕಥೊಲಿಕ್ ಸಭಾ ಮ್ಹಳ್ಳ್ಯಾರ್ ಕಿತೆಂ ಆನಿ ಆಮ್ಚಿಂ ಕಥೊಲಿಕ್ ಸಭಾ ಕಸೊ ವಾವ್ರ್ ಕರ್ತಾ ಮ್ಹಳ್ಳೆಂ ವಿಶಿಂ ಭರ್ಪೂರ್ ವಿವರ್ ದಿಲೊ ಆನಿ ಕಥೊಲಿಕ್ ಸಭೆಂತ್ ಸಾಂದೊ ತಶೆಂಚ್ ಹುದ್ದೆದಾರ್ ಜಾವ್ನ್ ಸೆವಾ ದೀಂವ್ಕ್ ವಿನಂತಿ ಕೆಲಿ ಆನಿ ಭಾಸಾವ್ಣಿ ವಚಣ್ ಕೆಲೆಂ.

ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ಅಪ್ಲ್ಯಾ ಸಂದೇಶಾಂತ್, ಫಿರ್ಗಜೆಂತ್ ಸೆವಾ ದೀವ್ನ್ ದಿವಂಗತ್ ಜಾಲ್ಲ್ಯಾ ಫಾ. ಸಿಪ್ರಿಯಲ್ ಕುವೆಲ್ಲೊಚ್ಯಾ ನಾಂವಾರ್ ಕಥೊಲಿಕ್ ಸಭೆನ್ ಶಿಕ್ಪಾ ನಿಧಿ ಅಸಾ ಕರುನ್ ದಿಂವ್ಚ್ಯಾ ಹ್ಯಾ ವಾವ್ರಾ ವಿಶಿಂ ಸಭೆರ್ ಶಾಭಾಸ್ಕಿ ಉಚಾರ್ನ್ ಅಭಿನಂದನ್ ಪಾಠಯ್ಲೆಂ. ಫಲಾನುಭವಿಂ ಯುವಜಣಾಂನಿ ಕಥೊಲಿಕ್ ಸಭೆಕ್ ತಶೆಂಚ್ ಫಿರ್ಗಜೆಚ್ಯಾ ಐ.ಸಿ.ವೈ.ಎಮ್. ರುಜಾಯ್ ಘಟಕಾಕ್ ಕಡ್ಡಾಯೆನ್ ಸಾಂದೊ ಜಾಯ್ಜಯ್. ಇಗರ್ಜೆಚ್ಯಾ ಚಟುವಟಿಕೆನ್ ಭಾಗ್ ಘೇಜಾಯ್ ಆನಿ ಬರೆಂ ಶಿಕಾಪ್ ಶಿಕೊವ್ನ್ ಸಮಾಜೆಚೊ ಏಕ್ ಬರೊ ನಾಗರಿಕ್ ಜಾಯ್ಜಯ್ ಮ್ಹಣನ್ ಉಲೊ ದೀವ್ನ್ ಸರ್ವ್ ಭುರ್ಗ್ಯಾಂಕ್ ಆನಿ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೆಂ ಮಾಗ್ಲೆಂ.

ಮಾನೆಸ್ತೀನ್ ರೀಟಾ ಡಿಸೋಜಾನ್ ಫಲಾನುಭವಿಂಚಿ ನಾಂವಾ ವಾಚುನ್ ಸಾಂಗ್ಲಿ ಆನಿ ಆತ್ಮೀಕ್ ನಿರ್ದೇಶಕ್ ಬಾಪಾಂನಿ ಒಟ್ಟು 10 ಗರ್ಜೆವಂತ್ ಭುರ್ಗ್ಯಾಂಕ್ ಚೆಕ್ ವಿತರಣ್ ಕೆಲೆಂ. ವಿತರಣ್ ಕೆಲ್ಲೊ ಒಟ್ಟು ಐವಜ್ ರೂ.,1,00,000/- (ಏಕ್ ಲಾಕ್) ಸರ್ವ್ ಹುದ್ದೆದಾರ್ ತಶೆಂಚ್ ಇತರ್ ಸಾಂದೆ ಹ್ಯಾ ಕಾರ್ಯಾಕ್ ಹಾಜರ್ ಅಸ್ಲೆಂ. ತಶೆಂಚ್ ಹ್ಯಾ ಎಜ್ಯುಕೇಶನ್ ಫಂಡಾಕ್ ದಾನ್ ದಿಲ್ಲ್ಯಾ ಸರ್ವಾಂಚಿ ನಾಂವಾ ವಾಚುನ್ ಸಾಂಗ್ಲಿ, ಸರ್ವ್ ದಾನಿಂಚೊ ಉಪ್ಕಾರ್ ಬಾವುಡ್ಲೊ ಆನಿ ರುಜಾಯ್ ಮಾಯೆಚಿಂ ಅಶೀರ್ವಾದಾಂ ತಾಂಚೆರ್ ಮಾಗ್ಲಿಂ.

ಕಾರ್ಯದರ್ಶಿ ಶ್ರೀ ವಿಲಿಯಂ ಡಿಸೋಜಾನ್ ಆರ್ಥಿಕ್ ರೀತಿನ್ ಕುಮೊಕ್ ಕೆಲ್ಲ್ಯಾ ಸರ್ವ್ ದಾನಿಂಕ್, ವೆದಿರ್ ಹಾಜರ್ ಅಸ್‍ಲ್ಲ್ಯಾ ಆತ್ಮೀಕ್ ನಿರ್ದೆಶಕ್ ಬಾಪಾಂಕ್, ಮಾನಾಚ್ಯಾ ಸೈರ್ಯಾಂಕ್, ವಾರಾಡ್ಯಾ ಅಧ್ಯಕ್ಷಾಕ್, ನಿಕಟ್ ಪೂರ್ವ ಅಧಕ್ಷಕ್ ತಶೆಂಚ್ ಹಾಜರ್ ಅಸ್‍ಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊಂ. ಮಾನೆಸ್ತಿಣ್ ಡೋರಿನ್ ಡಿಸೋಜಾನ್ ಹೆಂ ಕಾರ್ಯೆಂ ನಿರ್ವಹಣ್ ಕೆಲೆಂ.