Catholic Sabha News

ಆಯ್ತಾರಾ, ಆಕ್ಟೋಬರ್ 13 ತಾರಿಕೆರ್, ಸಕಾಳಿಂ 7.30 ಥಾವ್ನ್ ದೊನ್ಪರಾ 1 ವೊರಾಂ ಪರ್ಯಾಂತ್ ರುಜಾಯ್ ಇಗರ್ಜೆಚ್ಯಾ ಮಿನಿ ಸಾಲಾಂತ್ ಫಿರ್ಗಜ್ ಗಾರಾಂಕ್ ತಶೆಂಚ್ ಸಾರ್ವಜನಿಕ ಖಾತಿರ್ ಕಥೊಲಿಕ್ ಸಭಾ ರುಜಾಯ್ ಘಟಕಾನ್, ಮೆಡಿಕ್ವೆಸ್ಟ್ ಹೆಲ್ತ್ ಕೇರ್, ಮಂಗ್ಳೂರು ಹಾಂಚ್ಯಾ  ಸಹಯೋಗಾನ್ ಉಚಿತ್ ರಕ್ತ್ ತಪಾಸಣ್ ಶಿಬಿರ್ ಅಸಾ ಕೆಲ್ಲೆಂ.  (FREE BLOOD SUGAR (FBS/RBS), HEMOGLOBIN & BP CHECK UP CAMP).ಫಿರ್ಗಜ್ ಗಾರಾಂನಿ ತಶೆಂಚ್ ಸಾರ್ವಜನಿಕಾಂನಿ ಹ್ಯಾ ಶಿಬಿರಾಚೊ ಬರೊ ಉಪಯೋಗ್ ಕೆಲೊ.  ತ್ಯಾ ದೀಸ್ ಸಕಾಳಿಂ 7.30 ವೊರಾರ್ ಮೆಡಿಕ್ವೆಸ್ಟ್ ಹೆಲ್ತ್ ಕೇರ್ ಸೆಂಟರಾ ಥಾವ್ನ್ ಪ್ರತಿನಿಧಿ ತಶೆಂಚ್ ಲ್ಯಾಬೊರೇಟರಿಚೆಂ ಸಾಂದೆ ಹಾಜರ್ ಅಸುನ್ ರಕ್ತ್ ತಪಾಸಣ್ ಕರುಂಕ್ ಅಯಿಲ್ಲ್ಯಾ ಸರ್ವಾಂಕ್ ತಾಣಿಂ ಮಾರ್ಗದರ್ಶನ್ ದಿಲೆಲ್ ಆನಿ ತಾಂಚೆ ರಗತ್ ಪರೀಕ್ಷಾ ಕರ್ಚೆಂ ಖಾತಿರ್ ಕಾಡ್ನ್ ದುಸ್ರ್ಯಾ ದಿಸಾ ಸೊಮಾರಾ, ಸಾಂಜೆರ್ ರಕ್ತಾಚೊ ರಿಪೊರ್ಟ್ ವೊರುಂಕ್ ಸೂಚನ್ ದಿಲೆಂ.ಕಥೊಲಿಕ್ ಸಭೆಚಿಂ ಉಪಾಧ್ಯಕ್ಷ್ ಮಾನೆಸ್ತಿಣ್ ಐಡಾ ಫುರ್ಟಾಡೊ ಆನಿ ಕಾರ್ಯದರ್ಶಿ ಮಾನೆಸ್ತ್ ವಿಲಿಯಂ ಡಿಸೋಜ ತಶೆಂಚ್ ಇತರ್ ಹುದ್ದೆದಾರ್ ಹಾಜರ್ ಅಸ್ಲೆಂ. ಸೊಮಾರಾ, ಆಕ್ಟೋಬರಾಚ್ಯಾ 14 ತಾರಿಕೆರ್ ಸಾಂಜೆರ್ 6 ವೊರಾರ್ ರಕ್ತ್ ತಪಾಸಣ್ ಕೆಲ್ಲೆಂ ರಿಪೊರ್ಟ್ ದಿಂವ್ಚೆ ಕಾರ್ಯಕ್ರಮ್ ಅಸಾ ಕೆಲ್ಲೆಂ.  ಅಧ್ಯಕ್ಷ್ ಮಾನೆಸ್ತ್ ಫಿಲಿಪ್ ಪಿರೇರಾನ್ ವೆದಿರ್ ಹಾಜರ್ ಅಸ್ಲ್ಯಾ ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊಕ್,  ಮೆಡಿಕ್ವೆಸ್ಟ್ ಹೆಲ್ತ್ ಕೇರ್ ಪ್ರತಿನಿಧಿ ಮಾನೆಸ್ತ್ ಪ್ರಜ್ವಲ್ ಪ್ರೊಂಟೇರೊ, ಆನಿ ರೋಶನ್ ಮಥಾಯಸ್, ಉಪಾಧ್ಯಕ್ಷ್ ಐಡಾ ಫುರ್ಟಾಡೊ, ಕಾರ್ಯದರ್ಶಿ ವಿಲಿಯಂ ಡಿಸೋಜಾಕ್ ಆನಿ ಸಭೆರ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ.  ಉಪ್ರಾಂತ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಹೆಲ್ತ್ ಇನ್ಶುರೆನ್ಸ್ ಆನಿ ಇತರ್ ಇನ್ಸುರೆನ್ಸ್ ಕಿತ್ಯಾಕ್ ಆಮಿಂ ಕರಿಜಾಯ್ ಆನಿ ಹಾಚೊ ಫಾಯ್ದೊ ಕಿತೆಂ ಮ್ಹಣನ್ ಮೆಡಿಕ್ವೆಸ್ಟ್ ಹೆಲ್ತ್ ಕೇರ್ ಚ್ಯಾ ಪ್ರತಿನಿಧಿನಿ ವಿವರ್ಸಿಲೆಂ. ಉಪ್ರಾಂತ್ ರಕ್ತ್ ಪರೀಕ್ಷಾ ಕೆಲ್ಲ್ಯಾಂಚೊ ರಕ್ತಾಚೊ ರಿಪೊರ್ಟ್ ದೀವ್ನ್ ತಾಂಕಾ ತಾಂಚ್ಯಾ ರಿಪೋರ್ಟಾಂತ್ ಅಯಿಲ್ಲ್ಯಾ ರಿಪೋರ್ಟಾ ವಿಶಿಂ ವಿವರಣ್ ದಿಲೆಂ. ಕಾರ್ಯದರ್ಶಿನ್ ಹಾಜರ್ ಅಸ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊಂ.