ಸೆಪ್ಟೆಂಬರ್ 19, 2017: ಹ್ಯಾಚ್ಚ್ ಸೆಪ್ಟೆಂಬರಾಚ್ಯಾ 17 ತಾರಿಕೆರ್ ಬಾಪ್ ವಿನ್ಸೆಂಟ್ ಡಿಸೋಜಾ, ರುಜಾಯ್ ಪಿ.ಯು. ಕಾಲೇಜಿಚೆ ಪ್ರಾಂಶುಪಾಲ್ ಹಾಂಣಿ ಆಪ್ಲೊ ಭಾಂಗ್ರಾಳೊ ಜಲ್ಮಾದಿವಸ್ ಆಚರಣ್ ಕೆಲೊ. ಆಯ್ತಾರಾ ಸಕಾಳಿಂ 8 ವ್ಹರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟವ್ನ್ ಜಿಣ್ಯೆ ದೆಣ್ಯಾಖಾತಿರ್ ದೆವಾಕ್ ಆರ್ಗಾಂ ಪಾಟಯ್ಲಿಂ. ಸಹಭೆಟವ್ಣ್ಯೆಂತ್ ದಿಯೆಸೆಜಿಚೆ ವಿಗಾರ್ ಜೆರಾಲ್ ಭೋವ್ ಮಾ| ಮೊಂನ್ಸಿಂಜೊರ್ ಡೆನಿಸ್ ಮೊರಾಸ್ ಪ್ರಭು, ಕಾಥೆದ್ರಾಲಾಚ್ಯೆ ರೆಕ್ಟರ್ ಬಾಪ್ ಜೆ. ಬಿ. ಕ್ರಾಸ್ತಾ, ಬಾಪ್ ಆನಿಲ್ ಫೆರ್ನಾಂದ್, ಬಾಪ್ ರೊಕ್ಕಿ ಫೆರ್ನಾಂದ್, ಬಾಪ್ ಮೈಕಲ್ ಸಾಂತುಮಾಯೊರ್ ಆನಿ ಬಾಪ್ ಜಗಧೀಶ್ ಹಾಜರ್ ಆಸ್‍ಲ್ಲೆ.
ಮಿಸಾ ಉಪ್ರಾಂತ್ ಮಿನಿಸಾಲಾಂತ್ ಬಾಪ್ ವಿನ್ಸಿಕ್ ಮೊಟ್ವೆಂ ಉಲ್ಲಾಸುಂಚೆಂ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ. ಶ್ರೀಮತಿ ಎಲಿಜಾಬೆತ್ ರೋಚ್ ಗೊ.ಪ. ಕಾರ್ಯದರ್ಶಿ ಹಿಣೆಂ ಕಾರ್ಯೆಂ ನಿರ್ವಹಿಸಿಲೆಂ. ಹ್ಯಾ ಕಾರ್ಯಾ ಉಪ್ರಾಂತ್ ವೈ.ಸಿ.ಯಸ್ ಭುರ್ಗ್ಯಾಂನಿ ತಾಂಚ್ಯಾ ಸಾಚೇತಕಾಂ ಸಾಂಗಾತಾ ಬಾಪ್ ವಿನ್ಸಿಕ್ ಉಲ್ಲಾಸಿಲೆಂ.
18 ತಾರಿಕೆರ್ ಸೊಮಾರಾ ಸಾಂಜೆರ್ 6 ವ್ಹರಾರ್ ಎಪಿಸ್ಕೊಪಲ್ ವಾರಾಡ್ಯಾಚ್ಯಾ ಜಮಾತೆರ್ ಬಾಪ್ ವಿನ್ಸಿಕ್ ಪರತ್ ಉಲ್ಲಾಸಿಲೆಂ. ವಾರಾದ್ಯಾಚೆ ಸರ್ವ್ ಯಾಜಾಕ್ ಆನಿ ದಿಯೆಸೆಜಿಚೆ ಚಾನ್ಸೆಲಾರ್ ಬಾಪ್ ಹೆನ್ರಿ ಸಿಕ್ವೇರಾ ಹಾಜರ್ ಆಸ್‍ಲ್ಲೆ.
