ಅಕ್ಟೋಬರ್ 05, 2017: ರೊಜಾರ್ ಮಾಯೆಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ತೀನ್ ದಿಸಾಚೆಂ ಮೀಸ್ ಆನಿ ನೊವೆನಾಚೆಂ ಭಕ್ತಿಪಣ್ ಭೋವ್ ಸಂಭ್ರಮಾನ್ ಚಲ್ಲೆಂ. ಹ್ಯಾ ಸಂದರ್ಭಿ ಪ್ರಧಾನ್ ಯಾಜಕ್ ಬಾಪ್ ಮ್ಯಾಕ್ಸಿಮ್ ಡಿ’ಸೋಜಾ, ಪ್ರಾದ್ಯಾಪಕ್ ಜೆಪ್ಪು ಸೆಮಿನರಿ ಹಾಂಚೆ ಥಾವ್ನ್ ಮರ್ಯೆಚೊ ಬಾವ್ಟೊ ಉಬಾರ್ಚ್ಯಾ ಮುಕಾಂತ್ರ್ ಫೆಸ್ತಾಕ್ ಸುರ್ವಾತ್ ಜಾಲಿ. ತಿದುಮಾಚ್ಯಾ ತೀನ್‍ಯ್ ದಿಸಾಂನಿ ‘ಮರಿ ಆನಿ ಕುಟ್ಮಾ’ ವಿಶ್ಯಾಂತ್ ಸಂದೇಶ್ ಆಟಾಪ್ಚೆ ವಿಶಯ್ ವಿಂಚ್‍ಲ್ಲೆ. ‘ಮರಿ ಕುಟ್ಮಾಂತ್ ಮಾಗ್ಣೆಂ ಕರುಂಕ್ ಪ್ರೇರಣ್, ಮರಿ ಕುಟ್ಮಾಂತ್ ವಿಧೇಯ್ ಜಾಂವ್ಕ್ ಶಿಕಯ್ತಾ, ಆನಿ ಮರಿ ಕುಟ್ಮಾಂತ್ಲ್ಯಾ ದುಷ್ಟ್ ಸಕ್ತೆಂ ವಯ್ರ್ ಜಯ್ತ್ ವರುಂಕ್ ಆಧಾರ್’ ಹ್ಯಾ ಸರ್ವ್ ವಿಶಯಾಂಚೆರ್ ಬಾಪ್ ಮ್ಯಾಕ್ಸಿಮಾನ್ ಆರ್ಥಾಭರಿತ್ ಶಿಕವ್ಣ್ ದಿಲಿ.
