ಡಿಸೆಂಬರ್ 31, 2017 ವರ್ಸಾಚ್ಯಾ ಆಕ್ರೇಚ್ಯಾ ದಿಸಾ, ದೆವಾನ್ ಸಗ್ಳ್ಯಾ ವರ್ಸಾ ಆಮ್ಚೆರ್ ವೊತುಲ್ಲ್ಯಾ ಸರ್ವ್ ಬೆಸಾಂವಾ ಖಾತಿರ್ ಆರ್ಗಾಂ ದಿಂವ್ಚ್ಯಾಕ್ ಸಾಂಜೆರ್ 6 ಆರಾಧನ್ ಚಲ್ಲೆಂ. ಹೆಂ ಆರಾಧನ್ ಫಿರ್ಗಜೆಚ್ಯಾ ಚವ್ಗ್ ಯಾಜಾಕಾಂನಿ ಭೋವ್ ಬರ್ಯಾ ರಿತಿನ್ ಚಲೊವ್ನ್ ವ್ಹೆಲೆಂ. ಉಪ್ರಾಂತ್ 7 ವ್ಹರಾರ್ ಮರಿ ದೇವ್ ಮಾತೆಚೆಂ ಸಂಭ್ರಮಿಕ್ ಮಿಸ್ ಮಾ| ಬಾ| ಡೆರಿಕ್ ಪಾವ್ಲ್ ಸೊಜ್ ಕಾಫುಜಿನ್ ಹಾಣಿಂ ಭೆಟಯ್ಲೆಂ.
ಮಿಸಾ ಉಪ್ರಾಂತ್ ಆರ್‍ವೈಎಮ್ ಯುವಜಣಾಂನಿ ನವ್ಯಾ ವರ್ಸಾಕ್ ಯೆವ್ಕಾರ್ ಮಾಗುನ್ ಕ್ಯಾಂಪ್‍ಫಾಯರ್, ವಿವಿಧ್ ಖೆಳ್ ಆನಿ ನಾಚ್ ಆಸಾ ಕೆಲ್ಲೊ. ಸರ್ವ್ ಫಿರ್ಗಜ್‍ಗಾರಾಂನಿ ಭಕ್ತಿಕ್ ಕಾರ್ಯಾಂತ್ ಶಿಸ್ತೆನ್ ವಾಂಟೊ ಘೆವ್ನ್, ಮನೋರಂಜನ್ ಕಾರ್ಯಾಂತ್ ಧಾದೊಸ್ಕಾಯ್ ಭೊಗುನ್ ನವ್ಯಾ ವರ್ಸಾಚಿ ಸುರ್ವಾತ್ ಕೆಲಿ.
More Photos...
