ದಿಯೆಸೆಜಿಚೊ ಎವ್ಕರಿಸ್ತಿಕ್ ಪುರ್ಶ್ಯಾಂವ್ ಜನೆರಾಚ್ಯಾ 7, 2018 ತಾರಿಕೆರ್ ಜೆಜುಚ್ಯಾ ಆಪ್-ಪರ್ಗಟ್ಣೆಚ್ಯಾ ಫೆಸ್ತಾ ದಿಸಾ ಸಾಂಜೆರ್ ಭೋವ್ ಸಂಭ್ರಮಾನ್ ಚಲ್ಲೊ. ಮಿಲಾರ್ ಇಗರ್ಜೆಂತ್ 3.30 ವ್ಹರಾಂಚ್ಯಾ ದಬಾಜಿಕ್ ಮಿಸಾ ಉಪ್ರಾಂತ್ ಪುರ್ಶ್ಯಾಂವ್ ರುಜಾಯ್ ಕಾಥೆದ್ರಾಲಾ ತೆವ್ಶಿಂ ಚಮ್ಕಾಲೊ. ಹ್ಯಾ ಪುರ್ಶ್ಯಾಂವಾಂತ್ ಎಪಿಸ್ಕೊಪಲ್ ಆನಿ ಸಿಟಿ ವಾರಾಡ್ಯಾಂಚ್ಯಾ ಸರ್ವ್ ಫಿರ್ಗಜಾಂನಿ ಭಕ್ತಿನ್ ಆನಿ ಶಿಸ್ತೆನ್ ವಾಂಟೊ ಘೆವ್ನ್ ಪುರ್ಶ್ಯಾಂವ್ ಯಶಸ್ವಿ ಕೆಲೊ.
ರುಜಾಂಯ್ತ್ ಸಾಕ್ರಾಮೆಂತಾಕ್ ಮಾನ್ ಕರುನ್ ಆರಾಧನ್ ಚಲ್ಲೆಂ. ಮಾ| ಬಾಪ್ ಆ್ಯಂಟನಿ ಸೆರಾ ಬಾಪಾನ್ ‘ಮರಿ ಎವ್ಕರಿಸ್ತಾಚಿ ಸ್ತ್ರೀ’ ಮ್ಹಳ್ಳ್ಯಾ ಸಂದೇಶಾಚೆರ್ ಪ್ರವಚನ್ ದಿಲೆಂ. ಆಮ್ಚ್ಯಾ ಗೊವ್ಳಿಕ್‍ ಬಾಪಾಂನಿ ಎವ್ಕರಿಸ್ತಾಚೆಂ ಬೆಸಾಂವ್ ದಿಲ್ಯಾ ಉಪ್ರಾಂತ್ ತೆರ್ಸಾಚ್ಯಾ ವರ್ಸಾಚೆಂ ಉಗ್ತಾವಣ್ ಚಲ್ಲೆಂ.
ರುಜಾಯ್ ಕಾಥೆದ್ರಾಲಾಚ್ಯಾ ಆಸ್ಥಿತ್ವ್‍ಪಣಾಚಿಂ 450 ವರ್ಸಾಂಚೊ ಜುಬ್ಲೆವ್, ಆಖ್ಖ್ಯಾ ಮಂಗ್ಳುರ್ ದಿಯೆಸೆಜಿಂತ್ ತೆರ್ಸಾಚೆಂ ವರಸ್ ಮ್ಹಣ್ ಗೊವ್ಳಿಕ್‍ ಬಾಪಾಂನಿ ಪರ್ಗಟ್ಲೆಂ. ತೆರ್ಸಾಚ್ಯಾ ವರ್ಸಾಚೊ ಪಿಂತುರ್ (ಲೊಗೊ) ಉಗಡ್ಚ್ಯಾ ಮುಕಾಂತ್ರ್ ಆನಿ ವೀಜ್‍ ದಿವ್ಯಾಂನಿ ಸೊಭಯ್ಲಲೆಂ ಮರಿಯೆಚೆಂ ಕೋಂತ್ ಪೆಟಂವ್ಚೆ ದ್ವಾರಿಂ ತೆರ್ಸಾಚೆಂ ವರಸ್ ಉಗ್ತಾವಣ್ ಜಾಲೆಂ. ಸಾಂಗಾತಾಚ್ಚ್ ರುಜಾಯ್ ಕಾಥೆದ್ರಾಲಾಚೊ 450 ಜುಬ್ಲೆವ್ ಫಿರ್ಗಜೆಚ್ಯಾ 14 ವಾಡ್ಯಾಚ್ಯಾ ಗುರ್ಕಾರಾಂನಿ ದವ್ಯಾ ಆನಿ ಹಳ್ದುವ್ಯಾ ರಂಗಾಚೊ ಬಲೂನ್ ಉಬವ್ನ್ ಉಗ್ತಾವಣ್ ಕೆಲೊ.
ಸುಮಾರ್ 6 ಹಜಾರ್ ಲೊಕಾನಿ ಹ್ಯಾ ಭಾಗಿ ಸಂಭ್ರಮಾಂತ್ ವಾಂಟೊ ಘೆತ್ಲೊ.
More Photos...
