Parish News

ಅಗೊಸ್ತಾಚ್ಯಾ 26 ತಾರಿಕೆರ್ ಸಕಾಳಿಂಚ್ಯಾ ಭುರ್ಗ್ಯಾಂಚ್ಯಾ ಮಿಸಾ ನಂತರ್‍ ಅಲ್ತಾರ್ ಸೆವಕಾಂಚೊ ದೀಸ್‍ ಆಚರಣ್ ಕೆಲೊ. ಮಾ|ಬಾ| ವಿಕ್ಟರ್ ಡಿಸೋಜ, ಪ್ರಾಂಶುಪಾಲ್‍ ರುಜಾಯ್ ಪಿ.ಯು ಕಾಲೆಜ್ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ಭುರ್ಗ್ಯಾಂಕ್‍ ಜೊಕ್ತೊ ಸಂದೇಶ್ ದಿಲೊ.

ಹಾಚ್ಯೆ ನಂತರ್ ಭುರ್ಗ್ಯಾಂಕ್‍ ಇಂಗ್ಲೀಷ್ ಮಾಧ್ಯಮ್‍ ಇಸ್ಕೊಲಾಚ್ಯಾ ಸಾಲಾಂತ್‍ ಏಕ್ ಮಟ್ವೆಂ ಮನೋರಂಜನ್‍ ಕಾರ್ಯೆಂ ಆಸಾ ಕೆಲ್ಲೆಂ. ಹ್ಯಾಕಾರ್ಯಾಕ್‍ ಕಾಥೆದ್ರಾಲಾಚೊ ರೆಕ್ಟರ್ ಮಾ|ಬಾ| ಜೆ. ಬಿ ಕ್ರಾಸ್ತಾ, ಸಹಾಯಕ್ ಮಾ|ಬಾ| ಫ್ಲೇವಿಯನ್ ಲೋಬೊ, ಫಿರ್ಗಜ್‍ ಉಪಾಧ್ಯಕ್ಷ್ ಸಿ.ಜೆ ಸೈಮನ್, ಕಾರ್ಯದರ್ಶಿ ಎಲಿಜಬೆತ್‍ ರೋಚ್, ಧರ್ಮ್ ಭಯ್ಣಿಂ ಹಾಜರ್ ಆಸ್ಲಿಂ. ಪ್ರಾರ್ಥನ್‍ಗಿತಾ ದ್ವಾರಿಂ ಕಾರ್ಯೆಂ ಆರಂಬ್ ಕೆಲೆಂ. ಅಲ್ತಾರ್ ಭುರ್ಗ್ಯಾಂಚೊ ಪಾತ್ರೊನ್ ಸಾಂ ಜುವಾಂವ್ ಬರ್ಕ್‍ಮನ್ಸ್ ಹಾಚ್ಯಾ ಜಿಣಿಯೆರ್‍ ಆಧಾರಿತ್‍ ಏಕ್ ಮಟ್ವೆಂ ಚಲನ್ ಚಿತ್ರ್ ಭುರ್ಗ್ಯಾಂಕ್ ಪ್ರದರ್ಶಿತ್ ಕೆಲೆಂ. ಮಾ|ಬಾ| ಜೆ.ಬಿ ಕ್ರಾಸ್ತಾ ಹಾಣಿಂ ಅಲ್ತಾರ್ ಭುರ್ಗ್ಯಾಂಚಿ ಸೆವಾ ವಾಖಾಣ್ಲಿ. ತಶೆಂಚ್ ಬರ್ಯಾರಿತಿನ್ ಮಿಸಾಚ್ಯಾ ಬಲಿದಾನಾಂತ್ ಭಾಗ್‍ ಘೆಂವ್ಕ್ ಉಲೊ ದಿಲೊ. ಸಿ| ರಿತಿಕಾ, ಸಹಾಯಕ್ ವಿಗಾರ್, ಆನಿ ಬ್ರದರ್‍ ಅಖಿಲ್‍ ಅಲ್ತಾರ್ ಭುರ್ಗ್ಯಾಂಖಾತಿರ್ ಹಾಂಚಿ ಸೆವಾ ವಾಖಾಣ್ಲಿ. ಚಲಿಯಾ ಭುರ್ಗ್ಯಾಂನಿ ಏಕ್ ನಾಚ್ ಪ್ರದರ್ಶಿತ್ ಕೆಲೊ. ಧರ್ಮ್ ಭಯ್ಣಿಂನಿ ಭುರ್ಗ್ಯಾಂಕ್ ಖೆಳ್ ಉಪ್ರಾಂತ್ ಫಿರ್ಗಜ್ ಉಪಾಧ್ಯಕ್ಷ ಆನಿ ಕಾರ್ಯದರ್ಶಿ ಹಾಣಿಂ ಬಹುಮಾನ್ ವಿತರಣ್ ಕೆಲೆಂ.