Parish News

ಲಾಯಿಕ್ ಅಯೋಗ್, ಕಥೊಲಿಕ್ ಸಭಾ ರುಜಾಯ್ ಘಟಕ್, ಅರ್.ವೈ.ಎಮ್ ಆನಿ ವೈ.ಸಿ,ಎಸ್. ಸಾಂಗಾತಾ ಮೆಳೊನ್ “ಸರಕಾರಿ ಸೇವಾ ಸೌಲಭ್ಯಾ ಕಾರ್ಡ್ ಶಿಭಿರ್” ಮ್ಹಳ್ಳೆಂ ಕಾರ್ಯೆಂ 12-06-2022 ತಾರಿಕೆರ್ ರುಜಾಯ್ ಕಲ್ಚರಲ್ ಸಾಲಾಂತ್ ಸಕಾಳಿಂ 9.00 ವ್ಹರಾಂ ಥಾವ್ನ್ ದೊನ್ಪಾರಾಂ 1.00 ವ್ಹರಾಂ ಪರ್ಯಾಂತ್ ಚಲ್ಲೆಂ. ಭಕ್ತಿಕ್ ಗಿತಾಂ ದ್ವಾರಿಂ ಹ್ಯಾ ಕಾರ್ಯಾಚಿ ಸುರ್ವಾತ್ ಕೆಲಿ. ಆಯೋಗಾಚಿ ಸಂಚಾಲಕಿ ಮಾನೆಸ್ತಿನ್ ಗ್ಲ್ಯಾಡಿಸ್ ಪಿರೇರಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಸಮುದಾಯ ಶಕ್ತಿ ಕೇಂದ್ರಾಚಿ ಮಾನೆಸ್ತಿಣ್ ಲಿಝಿ ಪಿಂಟೊ ಆನಿ ಮಾನೆಸ್ತ್ ಅರುಣ್ ಡಿಸೋಜಾ ಹಾಂಚ್ಯಾ ಮುಖೇಲ್ಪಣಾಖಾಲ್ ವಿವಿಧ್ ರಿತಿಚ್ಯಾ ಕಾರ್ಡಾಚೆಂ ಕಾರ್ಯೆಂ ಚಲೊವ್ನ್ ವ್ಹೆಲೆಂ. ಕಥೊಲಿಕ್ ಸಭೆಚೊ ಅತ್ಮಿಕ್ ನಿರ್ದೆಶಕ್ ಬಾಪ್ ಆನಿ ವಿಗಾರ್ ಬಾಪ್ ಭೊ| ಮಾ| ಅಲ್ಫ್ರೆಡ್ ಪಿಂಟೊ, ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ಸಂಘ್ ಸಂಸ್ಥ್ಯಾಚೆ ಅಧ್ಯಕ್ಶ್, ಕಾರ್ಯದರ್ಶಿ ಆನಿ ಹುದ್ದೆದಾರ್ ಹಾಜರ್ ಆಸ್‍ಲ್ಲೆ. ಹ್ಯಾ ಶಿಬಿರಾಂತ್ ರುಜಾಯ್ ಫಿರ್ಗಜೆಚ್ಯಾ ಆನಿ ಹೆರ್ ಜಾತಿಚೆ ಸುಮಾರ್ 250 ಲೊಕಾಂನಿ ಭಾಗ್ ಘೆವ್ನ್ ವಿವಿದ್ ರಿತಿಚ್ಯ ಕಾರ್ಡಾಚೊ ಫಾಯ್ದೊ ಜೊಡ್ಲೊ.