Parish News

28.07.2024 ಆಯ್ತಾರಾ ದಿಸಾ ರುಜಾರ್ ಮಾಯೆಚಾ ಕಾಥೆದ್ರಾಲಾಚ್ಯಾ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಆನಿ ಕುಟ್ಮಾ ಆಯೋಗಾನ್ ಸಾಂಗಾತಾ ಮೆಳೊನ್ ಕಾಜಾರ್ ಜಾಲ್ಲ್ಯಾಂಚೊ ದೀಸ್ ಆಚರಣ್ ಕೆಲೊ. ಸಕಾಳಿಂ 8 ವೊರಾಂಚೆರ್ ಕುಟ್ಮಾ ಜಿವಿತ್ ಕೇಂದ್ರಾಚೆ ದಿರೆಕ್ತೊರ್ ಮಾನಾಧಿಕ್ ಬಾಪ್ ಆಲ್ವಿನ್ ರಿಚರ್ಡ್ ಡಿಸೋಜಾನ್ ಮೀಸ್ ಭೆಟವ್ನ್ ಕುಟ್ಮಾ ಜಿವಿತಾಚೆರ್ ಮ್ಹಟ್ವ್ಯಾನ್ ಶಿಕವ್ಣ್ ದಿಲಿ ಆನಿ ಮಿಸಾಕ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂನಿ ಸರ್ವ್ ಕಾಜಾರ್ಯಾಂ ಪಾಸತ್ ಮಾಗ್ಲೆಂ.

ಮಿಸಾ ಉಪ್ರಾಂತ್ ಸರ್ವಾಂ ಮಿನಿ ಸಾಲಾಂತ್ ಹಾಜರ್ ಜಾಲ್ಯಾಂವ್. ಸಕಾಳಿಂಚ್ಯಾ ಕಾಫಿ ಫ್ಹಳಾರ್ ಉಪ್ರಾಂತ್ ಕಾರ್ಯಕ್ರಮ್ ಮಾಗ್ಣ್ಯಾದ್ವಾರಿಂ ಪ್ರಾರಂಭ್ ಕೆಲೆಂ. ಸರ್ವಾಂನಿ ಸಾಂಗಾತಾ ಭಾಗೆವಂತ್ ಕುಟ್ಮಾಚೆಂ ಗೀತ್ ಗಾವ್ನ್ ಉಪ್ರಾಂತ್ ದೆವಾಚೆಂ ಉತಾರ್ ಆಯ್ಕೊನ್ ತಾಚೆರ್ ನಿಯಾಳ್ ಕೆಲೊ. ಶ್ರೀ ಕೊನ್ರಾಡ್ ನಜರೆತ್ ಹಾಣೆಂ ಸರ್ವಾಂಕ್ ಸ್ವಾಗತ್ ಕೆಲೊ. ಉಪ್ರಾಂತ್ ವಿಗಾರ್ ಬಾಪಾನಿಂ ತಾಂಚೊ ಸಂದೇಶ್ ದಿಲೊ. ಸಂಪನ್ಮೂಳ್ ವ್ಯಕ್ತಿ ಕುಟ್ಮಾ ಜಿವಿತ್ ಕೇಂದ್ರಾಚೆ ದಿರೆಕ್ತೊರ್ ಮಾನಾಧಿಕ್ ಬಾಪ್ ಆಲ್ವಿನ್ ರಿಚರ್ಡ್ ಡಿಸೋಜಾನ್ ‘ಕುಟ್ಮಾ ಜಿಣ್ಯೆ ವಯ್ರ್ ನದರ್’ ಮ್ಹಳ್ಳ್ಯಾ ವಿಷಯಚೆರ್ ಶಿಕವ್ಣ್ ದಿಲಿ. ಉಪ್ರಾಂತ್ ಮನೋರಂಜನ್ ಖೆಳ್ ಶ್ರೀಮತಿ ವಿನಿತಾ ಡಿಸೋಜಾನ್ ಚಲವ್ನ್ ವೆಲೆ. ವಿಜೇತಾಂಕ್ ಬಹುಮಾನ್ ಸಹಾಯಕ್ ವಿಗಾರ್ ಮಾನಾದಿಕ್ ಬಾಪ್ ವಿನೋದ್ ಲೋಬೊನ್ ವಿತರಣ್ ಕೆಲೆ. ಹ್ಯಾ ಕಾರ್ಯಾಕ್ ಸುಮಾರ್ 84 ಜಣಾಂ ಹಾಜರ್ ಆಸ್‍ಲ್ಲಿ. ಹ್ಯಾ ಕಾರ್ಯಾಚೆ ಅಧ್ಯಕ್ಷ್, ಫಿರ್ಗಜ್ ವಿಗಾರ್ ಮಾ. ಬಾ. ಆಲ್ಫ್ರೆಡ್ ಪಿಂಟೊ, ಮುಖೆಲ್ ಸೈರೆ ಜಾವ್ನ್ ಕುಟಾ ಜಿಣ್ಯೆ ಕೇಂದ್ರ್ ಬಜ್ಜೋಡಿ ಹಾಚೆ ದಿರೆಕ್ತೊರ್ ಮಾ. ಬಾ. ಆಲ್ವಿನ್ ರಿಚರ್ಡ್ ಡಿಸೋಜಾ, ಸಹಾಯಕ್ ಮಾ. ಬಾ. ವಿನೋದ್ ಲೋಬೊ, 21 ಆಯೋಗಾಚೆ ಸಂಚಾಲಕ್ ಶ್ರೀ ಸಿರಿಲ್ ರೊಸಾರಿಯೋ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚೆ ಸಂಯೋಜಕ್ ಶ್ರೀ ಕೊನ್ರಾಡ್ ನಜ್ರೆತ್ ಹಾಜûರ್ ಆಸ್‍ಲ್ಲೆ.
-----