Parish News

ಮಂಗ್ಳುರ್ ಹಾಂಗಾಸರ್ ಫಿರ್ಗಜ್ ಕುಟ್ಮಾ ತರ್ಫೆನ್ ವಿಗಾರ್, ಸಹಾಯಕ್ ವಿಗಾರ್ ಬಾಪ್, 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಆನಿ ಸರ್ವ್ ವಾಡ್ಯಾಗಾರಾಂಚ್ಯಾ ಸಹಕಾರಾನ್, ಆಯ್ತಾರಾ, 11.08.2024 ವೆರ್ ಸಾಂಜೆರ್ 3.30ವೊರಾರ್ ಪಾವ್ಸಾ ಗಮ್ಮತ್ ಕಾರ್ಯಕ್ರಮ್ ಆಚರಣ್ ಕೆಲೆಂ. ಪಾವ್ಸಿಲ್ಯಾ ದಿಸಾಂನಿ ಆದಿಂ ಮಾಗಾಂ ಆಮ್ಚ್ಯಾ ವ್ಹಡಿಲಾಂನಿ ಆಮ್ಕಾಂ ಘರಾಂತ್ ರಾಂದುನ್ ದಿಲ್ಲಿಂ ವಿವಿಧ್ ರಿತಿಚಿಂ ಖಾಣಾ ಪಕ್ವಾಣಾಂಚೊ ಸ್ವಾದ್ ಕಸೊ ಅಸ್ ಲ್ಲೊ ಮ್ಹಣೊನ್ ಆತಾಂಚ್ಯಾ ಪಿಳ್ಗೆಕ್ ಕಳಿತ್ ಅಸಾಜಾಯ್ ಆನಿ ತೆಂ ಮುಕಾರ್ಸುನ್ ವರಿಜಾಯ್ಮ್ಹಳ್ಳ್ಯಾ ಉದ್ದೇಶಾನ್ ಹೆಂ ಕಾರ್ಯೆಂ ಆಯೋಜನ್ ಕೆಲ್ಲೆಂ ಜಾವ್ನಾಸಾ. ಆಮ್ಚ್ಯಾ ಫಿರ್ಗಜ್ ಕುಟ್ಮಾಚ್ಯಾ ಚವ್ದಾ ವಾಡ್ಯಾಂಚ್ಯಾ ಕುಟ್ಮಾಗಾರಾಂನಿ ತ್ಯಾ ದಿಸಾಚ್ಯಾ ಸಾಂಜೆರ್ ತೀನ್ ವೊರಾಂ ಥಾವ್ನ್ ಚ್ ಆಪ್ಲ್ಯಾ ಘರಾಂತ್ ವ ವಾಡ್ಯಾಂತ್ ರಾಂದ್ಲೆಲ್ಯಾ ಖಾಣಾಂಚೆಂ ಸ್ಟೋಲ್ ಘಾಲ್ನ್ ವಿಕ್ರಾಪಾಕ್ ತಯಾರ್ ದವರ್ಲೆಂ ಆನಿ ಲೊಕಾಂಕ್ ಆಕರ್ಷಿತ್ ಕರ್ಚ್ಯಾ ಉದ್ದೇಶಾನ್ ವಿಭಿನ್ನ್ರಿತಿನ್ ತೆಂ ಪ್ರದರ್ಶಿತ್ ಕೆಲೆಂ. .ಸಾಂಜೆರ್ ಚಾರ್ ವೊರಾರ್ ವೆದಿ್ ಕಾರ್ಯೆಂ ಪ್ರಾರಂಭ್ ಕೆಲೆಂ. ಸುರ್ವೆರ್ ಮಾನೆಸ್ತ್ ಆಂಟನಿ ಡಿಸಿಲ್ವಾ ಆನಿ ಗಾಯನ್ ಮಂಡಳಿಚ್ಯಾ ಮುಖೆಲ್ಪಣಾಖಾಲ್ ಮಾಗ್ಣ್ಯಾ ಗೀತಾ ದ್ವಾರಿಂ ಕಾರ್ಯೆಂ ಪ್ರಾರಂಭ್ ಜಾಲೆಂ.

ವಿಭಿನ್ನ್ ರಿತಿನ್ ಆನಿಆಕರ್ಷಿಕ್ ಥರಾನ್ವೇದಿ ರಚುನ್ ಉದ್ಘಾಟನ್ ಕರ್ಚಿ ಮಾಂಡಾವಾಳ್ ಮಾನೆಸ್ತ್ ಸ್ಟೀವನ್ ಫೆರ್ನಾಂಡಿಸಾಚ್ಯಾ ಮುಖೆಲ್ಪಣಾಖಾಲ್ ಪ್ರಾರಂಭ್ ಜಾಲಿ. ಪಯ್ಲೆಂ ತಾಂದ್ಲಾಚೊ ಮುಡೊ, ಉಪ್ರಾಂತ್ ಸ್ಟಾಲಾಂತ್ ಪ್ರದರ್ಶಿತ್ ಕೆಲ್ಲಿಂ ಖಾಣಾಂ ಫಕ್ವಣಾಂ ಹಾತಿ ಘೆವ್ನ್ ಚವ್ದಾವಾಡ್ಯಾಚೆ ಪ್ರತಿನಿಧಿ, ಉಪ್ರಾಂತ್ ಕಾರ್ಯೆಚೆ ಅಧ್ಯಕ್ಷ್, ಫಿರ್ಗಜ್ ಕುಟ್ಮಾಚೆ ವ್ಹಡಿಲ್ ಮಾ. ಬಾ. ಅಲ್ಪ್ರೆಡ್ ಜೆ. ಪಿಂಟೊ, ಸಹಾಯಕ್ ವಿಗಾರ್ ಬಾಪ್ ವಿನೋದ್ ಲೋಬೊ, ಬಾಪ್ ವಲೇರಿಯನ್ ಫ್ರಾಂಕ್, ಬ್ರದರ್ ಮರಿಯ ಸೆಲ್ವಿನ್, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಡಾ. ಜೋನ್ ಡಿಸಿಲ್ವಾ, ಕಾರ್ಯದರ್ಶಿ ಮಾನೆಸ್ತಿಣ್ ಹೆಜಿಲ್ ಮಿನೆಜಸ್, 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ ಹಿಂ ಸರ್ವಾಂ ಬ್ಯಾಂಡಾ ವಾಜ್ಪಾನ್ ವೆದಿಕ್ ಪ್ರವೇಶ್ ಜಾಲಿಂ. ವಿಗಾರ್ ಬಾಪಾಂನಿ ತಾಂದ್ಲಾಚೊ ಮುಡೊ ವೆದಿರ್ ಸೊಬಯ್ಲ್ಯಾ ಘರಾಂತ್ ದವರ್ಲೊ ಉಪ್ರಾಂತ್ ಕಾರ್ಯಚೆಂ ಉಗ್ತಾವಣ್ ಕರ್ನ್ ಸ್ಟಾಲಾಂನಿ ಪ್ರದರ್ಶಿತ್ ಕೆಲ್ಲ್ಯಾ ಸರ್ವ್ ಖಾಣಾಂ ಫಕ್ವಾಣಾಚೆರ್ ಆಶೀರ್ವಾದ್ ಮಾಗೊನ್ ಉಗ್ತಾವಣ್ ಕೆಲೆಂ ಆನಿ ಅಪ್ಲೊ ಸಂದೇಶ್ ದಿಲೊ. ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಡಾ. ಜೋನ್ ಡಿಸಿಲ್ವಾನ್ ಹಾಜರ್ ಅಸ್ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಮಾನೆಸ್ತಿಣ್ ಹೆಜಿಲ್ ಮಿನೆಜಸಾನ್ ಆಧಾರ್ಸಿಲ್ಲ್ಯಾ ಸುದಾರ್ಸಿಲ್ಯಾ ಆನಿ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.

ಉಪ್ರಾಂತ್ ಮನೋರಂಜನ್ ಕಾರ್ಯಕ್ರಮ್ ಸಾದರ್ ಜಾಲೆಂ. ಸಾಂ. ಫ್ರಾನ್ಸಿಸ್ ಸಾವೆರ್ ವಾಡ್ಯಾ ಥಾವ್ನ್ ಪಂಗಡ್ ನಾಚ್, ಬಾಳೊಕ್ ಜೆಜುವಾಡ್ಯಾ ಥಾವ್ನ್ ದೊಡೆಂಪೊದ್ ವೆಲಂಕಣಿ ವಾಡ್ಯಾ ಥಾವ್ನ್ ನಾಚ್, ನಿತ್ಯಾಧರ್ ವಾಡ್ಯಾ ಥಾವ್ನ್ ವಿಭಿನ್ನ್ ರಿತಿಚ್ಯಾನಾಚಾ ದ್ವಾರಿಂ ಫ್ಯಾಶನ್ ಶೋ, ಸಾಂ. ಜುಜೆ ಆನಿ ಲೂರ್ಡ್ಸ್ ವಾಡ್ಯಾ ಥಾವ್ನ್ ಪಂಗಡ್ ಆನಿ ಎಕೊಡೆಂ ಪದ್, ಜೆಜುಚ್ಯಾ ಪವಿತ್ರ್ ಕಾಳ್ಜಾ ವಾಡ್ಯಾ ಥಾವ್ನ್ ಪಂಗಡ್ ನಾಚ್, ಸಾಂ. ಪೆದ್ರು ವಾಡ್ಯಾ ಪಂಗಡ್ ನಾಚ್, ಸಾಂ. ಇನಾಸ್ ವಾಡ್ಯಾ ಥಾವ್ನ್ ಪಂಗಡ್ ನಾಚ್, ಫಾತಿಮಾ ವಾಡ್ಯಾ ಥಾವ್ನ್ ಗೀತ್, ಸಾಂ. ಪಾವ್ಲು ವಾಡ್ಯಾ ಥಾವ್ನ್ ನಾಟ್ಕುಳೊ ಆನಿ ಅಕೇರಿಕ್ಸಾಂ. ತೆರೆಜ್ ವಾಡ್ಯಾ ಥಾವ್ನ್ ನಾಚ್ ಸಾದರ್ ಜಾಲೆ.

ಫಿರ್ಗಜ್ ಕುಟ್ಮಾ ಸವೆಂ ಹೌಸಿ ಹೌಸಿ ಖೆಳ್ ಸಹಾಯಕ್ ವಿಗಾರ್ ಬಾಪ್ ವಿನೊದ್ ಲೋಬೊ, ಮಾನೆಸ್ತ್ ಫಿಲಿಪ್ ಪಿರೇರಾ ಆನಿ ಮಾನೆಸ್ತಿಣ್ ಐಡಾ ಫುರ್ಟಾಡಾಚ್ಯಾ ಮುಖೆಲ್ಪಣಾಖಾಲ್ ಚಲವ್ನ್ ವೆಲೊ. ವಾಡ್ಯಾ ತರ್ಪೆನ್ ಸ್ಟಾಲಾಂನಿ ವಿವಿಧ್ ರೀತಿಚಿಂ ಖಾಣಾಂ ಫಕ್ವಾಣಾಂ ಪ್ರದರ್ಶಿತ್ ಜಾಲಿಂ.ಮಾನೆಸ್ತ್ ಫಿಲಿಪ್ ಪಿರೇರಾ ಆನಿ ಮಾನೆಸ್ತಿಣ್ ಐಡಾ ಫುರ್ಟಾಡೊನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಸಾಂಜೆರ್ ಜುಸ್ತ್ 6.30 ವೊರಾರ್ ಅಕೇರಿಕ್ ಅರ್ಗಾಂ ಗೀತ್ ಗಾವ್ನ್ ಕಾರ್ಯೆಂ ಸಂಪಯ್ಲೆಂ.ಆಧಾರ್ಸಿಲ್ಯಾ, ಸುದಾರ್ಸಿಲ್ಯಾ ಆನಿ ಕಾರ್ಯಾಚಿ ಮಾಂಡಾವಳ್ ಘಾಲ್ಲ್ಯಾ ಸಮೆಸ್ತಾಂಕ್ ಪ್ರತ್ಯೇಕ್ ಜಾವ್ನ್ ಹೆಂ ಕಾರ್ಯೆಂ ಯಶಸ್ವಿ ಜಾಂವ್ಕ್ ಕಾರಣ್ ಕರ್ತ್ ಜಾಲ್ಲ್ಯಾ ಸಹಾಯಕ್ ವಿಗಾರ್ ಬಾಪಾಕ್, ಮಾನೆಸ್ತ್ ಸಿರಿಲ್ ರೊಜಾರಿಯೊಕ್ ತಶೆಂಚ್ ಚವ್ದಾ ವಾಡ್ಯಾಚ್ಯಾ ಗುರ್ಕಾರ್, ಪ್ರತಿನಿಧಿ ಆನಿ ವಾಡ್ಯಾಗಾರಾಂಕ್, ಸಮೆಸ್ತಾಂಕ್ ದೇವ್ ಬರೆಂಕರುಂ.